1 Jon 4:18 - Pijin Deuterocanon

¹⁸ Eniwan hu God hemi lavem, hemi no save fraet. So taem lav hemi barava kamap gud long laef blong yumi, yumi no fraet moa. Bat eniwan hu hemi fraet oltaem, hemi fraetem panis, an diswan hemi somaot dat lav blong God hemi no barava kamap gud yet long laef blong hem.

Pijin Bible

¹⁸ Eniwan hu God hemi lavem, hemi no save fraet. So taem lav hemi barava kamap gud long laef blong yumi, yumi no fraet moa. Bat eniwan hu hemi fraet oltaem, hemi fraetem panis, an diswan hemi somaot dat lav blong God hemi no barava kamap gud yet long laef blong hem.

1 Jon 4:18 ပူးပေါင်းရင်းမြစ်များ

Stori abaotem Job 15:21

Insaet long tingting blong hem, hemi herem olketa samting wea hemi fraetem tumas. An taem hemi tingse hemi stap gudfala nomoa, bae olketa man fo stil i kam spoelem hem.

Sams 119:120

Mi barava seksek fogud bikos mi fraetem yu. Ya, taem mi tingim wei wea yu jajem pipol, mi barava fraet fogud.

Sams 73:19

Bae yu spoelem olketa kuiktaem nomoa, an bae dae blong olketa hemi nogud tumas.

Matiu 9:34

Bat olketa Farasi olketa sei, “Bos blong olketa devol nomoa hemi givim paoa long hem fo raosim olketa devol ya olsem.”

Leta wea Pol hemi raetem go long sios long Rom 8:15

An Holi Spirit wea God hemi givim finis long yufala, hemi no save bosim yufala an mekem yufala fraet. Bat hemi mekem yufala fo kamap pikinini blong God. An long paoa blong Holi Spirit yumi save kolem God olsem, “Aba, Dadi.”

2 Timoti 1:7

Spirit wea God hemi givim kam long yumi, hemi no mekem yumi fraet, bat hemi mekem yumi strong an hemi mekem yumi lavem olketa pipol an hemi mekem yumi save kontrolem laef blong yumi seleva.

Hibrus 12:28

Bae yumi kasem laef wea hemi no save seksek, disfala laef wea God nao hemi King ovarem. From diswan nao, yumi mas toktengkiu long God an waka fo hem long wei wea hemi laekem, an yumi mas barava tinghae long hem tu.

Jemes 2:19

Mi save, yufala biliv dat wanfala God nomoa hemi stap, an diswan hemi gud ya. Bat olketa devol tu olketa bilivim semsamting, an dastawe nao olketa fraet an seksek.

1 Jon 4:12

No eniwan hemi lukim God yet. Bat nomata olsem, sapos yumi lavem yumi evriwan, God hemi stap joen wetem yumi an lav blong hem hemi barava kamap gud long laef blong yumi.