1 Jon 4:17 - Pijin Deuterocanon

¹⁷ Lav hemi barava kamap gud long laef blong yumi, mekem bae yumi no save fraet taem God hemi jajem yumi evriwan. Bae yumi no fraet, bikos distaem wea yumi stap long disfala wol, disfala wei blong yumi hemi olsem wei blong Kraes.

Pijin Bible

¹⁷ Lav hemi barava kamap gud long laef blong yumi, mekem bae yumi no save fraet taem God hemi jajem yumi evriwan. Bae yumi no fraet, bikos distaem wea yumi stap long disfala wol, disfala wei blong yumi hemi olsem wei blong Kraes.

1 Jon 4:17 ပူးပေါင်းရင်းမြစ်များ

Matiu 10:15

Mi talem yufala tru samting nao, long taem wea God bae hemi jajem evriwan, bae panis blong disfala pipol hemi bikfala moa winim panis blong olketa pipol long Sodom an Gomora.”

Matiu 10:25

Hemi fitim fo man hu hemi skul fo kamap olsem tisa blong hem nomoa, an fo wakaman fo kamap olsem bos blong hem. Sapos olketa kolem bos blong famili long Bielsebul, bae olketa kolem evriwan moa long famili long nem wea hemi barava ravis moa ya.

Matiu 11:22

Nao mi talem yufala, long taem wea God bae hemi jajem evriwan, bae panis blong yufala hemi bikfala moa winim panis blong olketa pipol long Taea an Saedon.

Matiu 11:24

Nao mi talem yufala stret, long taem wea God bae hemi jajem evriwan, bae panis blong yufala hemi bikfala moa winim panis blong olketa long Sodom.”

Matiu 12:36

“Mi talem long yufala, taem God bae hemi jajem evriwan, bae hemi jajem yufala long enikaen toktok olobaot wea yufala bin talem.

Gudnius abaotem Jisas Kraes wea Jon hemi raetem 15:20

Yufala mas tingim wanem mi talem long yufala finis, ‘Wakaman hemi no hae winim bos blong hem ya.’ Sapos olketa pipol meksave long mi, bae olketa meksave long yufala tu ya, an sapos olketa obeim toktok blong mi, bae olketa obeim toktok blong yufala tu ya.

Gudnius abaotem Jisas Kraes wea Jon hemi raetem 17:22

An saen blong bikfala paoa wea yu givim kam long mi ya, mi givim go long olketa nao, mekem olketa kamap wan olsem yumitufala i wan nomoa.

Leta wea Pol hemi raetem go long sios long Rom 8:29

An olketa pipol God hemi siusim olketa bifoa kam, hemi planem fo olketa kamap wankaen wetem San blong hem. Long wei ya nao, San blong hem hemi fasbon long plande brata blong hem.

Hibrus 9:27

Evri pipol mas dae wanfala taem nomoa, an bihaen, God bae hemi jajem olketa.

Jemes 2:13

Sapos yufala no sore an kaen long eniwan, God bae hemi no sore an kaen long yufala tu. Bat man hu hemi save sore an kaen long olketa nara pipol, hemi no nid fo fraetem panis blong God.

Jemes 2:22

Yufala luksave nao dat Ebraham hemi biliv long God an hemi duim gudfala samting. An disfala gud samting wea hemi duim, hem nao somaot strongfala biliv blong hem.

2 Pita 2:9

Olketa samting ya nao somaot dat olketa pipol hu i biliv long Masta, bae hemi save sevem olketa from olketa hadtaem wea i kam fo traem olketa. Bat bae hemi save panisim olketa hu i no stret, go-go kasem taem wea hemi jajem evriwan.

2 Pita 3:7

An from disfala toktok blong God tu, disfala skae an graon wea i stap distaem, tufala bae weit nomoa fo faea hemi kam an bonem tufala. Skae an graon bae weit go-go kasem taem wea God hemi jajem evri pipol an bae hemi spoelem olketa hu i no save obeim hem.

1 Jon 2:28

Olketa pikinini blong mi, yufala mas stap joen wetem Kraes olowe, mekem taem hemi kambaek moa, bae yumi barava lukim hem, an yumi no nid fo filsem o seksek long hem.

1 Jon 2:5

Bat eniwan hu hemi obeim toktok blong God, hem nao hemi barava garem lav blong God. An diswan hemi mekem klia long yumi wea yumi joen tugeta nao wetem God.

1 Jon 2:6

Eniwan hu hemi sei hemi joen tugeta wetem God, wei blong hem mas barava olsem wei blong Jisas Kraes nao.

1 Jon 3:1

!God hemi lavem yumi tumas! Dastawe nao hemi sei yumi nao olketa pikinini blong hem. An hemi tru tumas, yumi barava olketa pikinini blong hem. Bat olketa pipol long disfala wol i nating save long God, an dastawe olketa nating save long yumi tu.

1 Jon 3:3

So evriwan hu i weitem Kraes fo kambaek, olketa gohed fo kipim laef blong olketa klin from sin, olsem Kraes hemi barava klin.

1 Jon 3:7

Olketa pikinini blong mi, yufala mas no letem eniwan fo laea long yufala abaotem diswan. Eniwan hu hemi gohed fo duim wanem hemi stret, hemi stretfala man nao long ae blong God, olsem Kraes tu hemi stret long ae blong God.

1 Jon 4:12

No eniwan hemi lukim God yet. Bat nomata olsem, sapos yumi lavem yumi evriwan, God hemi stap joen wetem yumi an lav blong hem hemi barava kamap gud long laef blong yumi.