1 Jon 2:11 - Pijin Deuterocanon

¹¹ Bat eniwan hu hemi heitem narafala Kristin, hemi no stap long laet. Hemi wakabaot long tudak an hemi no save wea nao hemi go long hem, bikos tudak hemi mekem hem blaen nao.

Pijin Bible

¹¹ Bat eniwan hu hemi heitem narafala Kristin, hemi no stap long laet. Hemi wakabaot long tudak an hemi no save wea nao hemi go long hem, bikos tudak hemi mekem hem blaen nao.

1 Jon 2:11 ပူးပေါင်းရင်းမြစ်များ

2 Samuel 13:22

Bat Absalom hemi heitem Amnon, an hemi no toktok long hem, bikos hemi bin spoelem sista blong hem.

Provebs 4:19

Bat wei blong ravis pipol hemi olsem tudak, olketa nating save nomoa wanem i mekem olketa foldaon.

Eklesiastes 2:14

Man hu hemi waes hemi luksave long rod blong laef wea hemi falom, bat man hu hemi krangge hemi wakabaot nomoa long tudak. Bat mi save dat dae bae kasem tufala evriwan.

Levitikas 19:17

“Yufala mas no gohed fo barava heitem wantok blong yufala, bat taem yufala lukim wantok ya hemi duim wanem hemi rong, yufala mas go talemaot disfala rong long hem. Long disfala wei bae yufala no mekem sin from datfala man.

Gudnius abaotem Jisas Kraes wea Jon hemi raetem 12:35

Jisas hemi ansarem olketa olsem, “Fo lelebet taem nomoa, bae laet hemi stap wetem yufala. So yufala mas wakabaot nao taem laet ya hemi stap yet wetem yufala, nogud tudak hemi kam kasem yufala. Eniwan hu hemi wakabaot long tudak hemi no save long ples wea hemi go-go long hem ya.

Gudnius abaotem Jisas Kraes wea Jon hemi raetem 12:40

“Mi satem ae blong olketa finis nao, an mi mekem tingting blong olketa fo sat tu. So long distaem, ae blong olketa i no save luksave, an tingting blong olketa i no save minim, an olketa no save kambaek moa long mi, mekem mi save mekem olketa gudbaek moa.”

2 Korin 3:14

So tingting blong olketa hemi barava sat. An nomata distaem, taem olketa ridim olketa buk abaotem olfala spesol agrimen ya, wanfala samting olsem kaleko hemi satem tingting blong olketa yet. Disfala samting hemi save aot nomoa taem olketa joen wetem Kraes.

2 Korin 4:4

Olketa no save biliv, bikos laea god blong disfala wol hemi mekem maen blong olketa fo blaen. So olketa no save lukim disfala laet blong Gudnius, wea hemi abaotem saen blong bikfala paoa blong Kraes hu hemi barava olsem God.

Taetas 3:3

Long bifoa, Seitan hemi laea long yumi tu, an yumi nating tingting stret an no wiling fo obeim eniwan. Long taem ya, enikaen samting wea yumi seleva laekem tumas nomoa, hemi bosim yumi. An enikaen samting wea yumi filgud tumas long hem, hemi bosim yumi tu. An laef blong yumi hemi somaot enikaen joles an ravis wei long nara pipol. Olketa save heitem yumi, an yumi tu bin heitem olketa.

2 Pita 1:9

Bat eniwan hu hemi no garem olketa wei olsem long laef blong hem, hemi olsem man wea ae blong hem hemi blaen. Hemi fogetem finis wea God nao hemi bin wasimaot olketa sin blong hem.

1 Jon 1:6

So sapos yumi talem dat yumi stapgud wetem God, bat yumi gohed nomoa fo sin olsem man blong tudak, yumi laea nao ya an yumi nating falom nomoa tru toktok blong God.

1 Jon 2:10

Bat eniwan hu hemi lavem narafala Kristin, hemi stap nao insaet long tru laet. An no enisamting long laef blong hem nao hemi save mekem hem fo duim eni rong samting.

1 Jon 2:9

Eniwan hu hemi talem dat hemi falom wei blong tru laet, bat hemi heitem narafala Kristin, hemi barava stap yet long tudak.

1 Jon 3:15

Eniwan hu hemi heitem brata blong hem, hemi semsem olsem man hu hemi kilim dae nara man nao ya. An yumi save finis, man hu hemi kilim dae nara man, hemi nating garem disfala tru laef wea hemi no save finis.

1 Jon 4:20

Sapos eniwan hemi sei hemi lavem God, bat hemi heitem nara Kristin, man ya hemi laea. ?Sapos hemi no lavem nara Kristin wea hemi save lukim, hao nao hemi save lavem God hu hemi no save lukim?

Revelesin 3:17

Yufala sei yufala barava ris fogud an yufala garem finis evrisamting yufala laekem. Bat yufala nating save nomoa, dat yufala pua tumas, an neket, an ae blong yufala tu hemi blaen. Hemi fitim fo olketa pipol fo sore long yufala, bikos evrisamting nao yufala sot long hem.