Тимофейдэ 2-дохи 4:18 - Шэнэ Хэлсээн

¹⁸ Дээдын Эзэн намайе муу юумэнһээ аршалан, тэнгэриингээ хаан орондо гэм зэмэгүйгөөр оруулха. Тэрэ хэтын хэтэдэ алдар солотой байхань болтогой.

Библи

¹⁸ Эзэн намайе муу юумэнһээ аршалан, тэнгэриингээ хаан орондо гэм зэмэгүйгөөр оруулха. Тэрэ хэтын хэтэдэ алдар солотой байхань болтогой.

Тимофейдэ 2-дохи 4:18 ပူးပေါင်းရင်းမြစ်များ

Матвей 13:43

Харин үнэн сэдьхэлтэн Эсэгынгээ хаан түрэ соо нарандал адляар яларха. Шэхэтэй юм һаа, анхарагты!

Матвей 25:34

Тиигээд хаан тэрэнэй баруун талада байгаашадта хандажа: „Минии Эсэгын үршөөл хайрада хүртэгшэ таанад ерэжэ, юртэмсэ дэлхэйн бии болохоһоо нааша таанарта бэлдэгдэһэн хаан түрэ халан абагты.

Матвей 6:13

Горидолго хорхойтуулгада маниие бү оруулыш даа, муу мэхэтэй шолмосһоо аршалжа байгыш даа! Хаан түрэ, хүсэ шадал, алдар соло мүнхэдөө шинии ха юм. Болтогой!»

Лука 11:4

Манда мууе хэһэн алибаа хүниие Манай хүлисэдэгтэл адляар Бидэнэйшье нүгэл хилэнсые хүлисыт даа. Горидолго хорхойтуулгада маниие бү оруулыт даа!»

Лука 12:32

Шабинарни, багахан һүрэг таанар, бү айгты! Эсэгэтнай танда Бурханай хаан орониие дуратайгаар үршөөхэ бшуу.

Лука 22:29

Хаандал адли захирха эрхэ Эсэгымни намда үгэһэндэл адли бишье таанадта хаандал адли захиржа байха эрхэ үгэнэб.

Иоанн 17:15

Тэдэниие энэ дэлхэйһээ абахыешни би гуйнагүйб. Тэдэниие аюулта хоротонһоо абархыешни гуйнаб.

Римэйхиндэ 11:36

Бүхы юумые тэрэ бүтээһэн байна, бүхы юумэн тэрэнэй ашаар ба тэрэнэй тулада оршоно ха юм. Бурхан хэтын хэтэдэ алдар солотой байһай! Болтогой.

Римэйхиндэ 16:27

Ори ганса, сэсэн мэргэн Бурхан Иисус Христосой ашаар хэтын хэтэдэ алдар солотой байһай! Болтогой!

Коринфынхидтэ 1-дэхи 1:21

Энэ дэлхэйн зоной өөһэдынгөө ухаагаар Бурханиие мэдэрхын аргагүй байхыень Бурхан өөрөө оюун ухаагаараа заяагаа, тиигээд «тэнэг» гэгдэдэг мэдээсэлээр һүзэглэгшэ зониие абарха гэжэ шиидээ.

Коринфынхидтэ 1-дэхи 10:13

Таанадай дабаһан ямаршье туршалганууд юрэ хүнүүдтэ тулгардаг юумэнүүд юм. Гэхэтэй сасуу Бурхан амалһан юумэеэ дүүргэжэ, даахын аргагүй туршалгануудые таанадта тулгаруулхагүй, тиигээд туршахадаа, тэсэжэ гараха хүсэ шадал таанадта үгэхэ юм.

Коринфынхидтэ 1-дэхи 15:50

Махабад бэе шуһан хоёрһоо бүтээгдэһэн юумэн Бурханай хаан түрые залгамжалха аргагүй, үмхиржэ хосордог юумэн үмхирдэггүй мүнхэ юумые залгамжалха аргагүй юм гэжэл би таанадта хэлэхэ һанаатай байнаб.

Коринфынхидтэ 2-дохи 1:10

Тиимэһээл тэрэ бидэниие тиимэ аюул үхэлһөө абараа, абаржашье байха. Тэрээндэл ганса найданабди, тиимэһээл тэрэ бидэниие дахин абархал,

Галадуудта 1:5

Эсэгэ Бурханда хэтын хэтэдэ алдар соло! Болтогой.

Фессалоникиинхидтэ 1-дэхи 5:23

Бидэндэ амгалан тайбаниие үршөөжэ байһан Бурхан таанадые бүримүһэн арюун нангин болгог, Дээдын Эзэн Иисус Христосой ерэтэр танай һанал бодол, һүнэһэ һүлдэ, махабад бэе бүрин бүтэнөөрөө ямаршье дутуу дутагдалгүй хадагалагдажа байг.

Фессалоникиинхидтэ 2-дохи 3:3

Гэхэдэ Дээдын Эзэн этигэл найдабаритай юм. Тиимэһээ тэрэ таанадые батажуулжа, шолмосһоо аршалжа байха.

Тимофейдэ 1-дэхи 1:17

Хэтэдээ амиды, нюдэндэ харагдадаггүй мүнхын Хаан, ори ганса Бурхан хэтын хэтэдэ хүндэтэй, алдар солотой байг лэ. Болтогой!

Тимофейдэ 1-дэхи 6:16

Бурхан гансаараал мүнхэ юм, тэрэ хэнээшье хүрэхэгүй гэрэл туяада байдаг. Нэгэшье хүн тэрэниие хаража үзөөгүй, хаража шадахашьегүй. Тэрээндэ нэрэ хүндэ ба мүнхын һүр хүсэ байг лэ. Болтогой!

Тимофейдэ 2-дохи 1:12

Тиимэһээ би иигэжэ тулижа зобожо байнаб, зүгөөр би эшэжэ улайнагүйб. Ушарынь юуб гэхэдэ, хэндэ һүзэглэжэ байһанаа би мэдэнэб, намда даалгаһан юумэеэ тэрэ Үдэр болотор Иисус Христос хадагалжа шадаха гэһэн этигэлтэйб.

Тимофейдэ 2-дохи 4:1

Иисус Христос хаан ороноо захирхаяа ерэхэдээ үхэһэн ба амиды хүнүүдые бултыень шүүхэ. Тиимэһээ Бурханай, Христосой урда

Еврейнүүдтэ 11:16

Харин тэдэнэр үлүү һайн, тэнгэриин орон нютагта зорижо байба. Тиимэһээ Бурхан тэдэнэй Бурханби гэхэдээ тэдэнһээ эшэдэггүй: Бурхан тэдэ зондо хото бэлдээд байна.

Еврейнүүдтэ 12:22

Таанад Синай хадада, амиды Бурханай хотодо, тэнгэриин Иерусалимда, үй түмэн Бурханай Эльгээмэлнүүдэй баярай суглаанда ерээт.

Яковай хандалга 2:5

Хайрата аха дүүнэрни, шагнагты даа: Бурхан үгытэйшүүлые этигэл һүзэгөөрөө баян бардам байхыень, өөртэнь дуратай хүнүүдтэ үгэхэб гэжэ найдуулһан хаан оронойнгоо залгамжалагшад болохыень шэлэжэ абаа бэшэ һэн гү?

Пётрой 1-дэхи хандалга 1:5

Бурханай хүсэн этигэл һүзэгэйтнай ашаар сагай эсэстэ абаралгада хүртэтэртнай таанадые һахижа байна.

Пётрой 1-дэхи хандалга 5:11

Тэрэ хэтын хэтэдэ захиржа байг лэ. Болтогой!

Пётрой 2-дохи хандалга 1:11

Тиигэбэлтнай манай Дээдын Эзэн, Абарагша Иисус Христосой мүнхын хаан орондо орохо бүрин эрхэ таанадта үгтэхэл.

Пётрой 2-дохи хандалга 3:18

Зүгөөр, манай Дээдын Эзэн ба Абарагша Иисус Христосые саашадаашье мэдэржэ, үршөөл хайрадань хүртэжэ байгты. Тэрэ мүнөөшье, хэтын хэтэдэшье алдар солотой байһай! Болтогой!

Иудын хандалга 1:1

Эсэгэ Бурханай хайра дурада хүртэһэн, Иисус Христосой харьяалда байһан Бурханда дуудуулһан хүнүүд аа, таанадые Иисус Христосой зараса, Яковай дүү Иуда амаршална.