Тимофейдэ 2-дохи 3:8 - Шэнэ Хэлсээн

⁸ Янэс Ямбрэс хоёрой Моисейдэ эсэргүүсэдэг байһандал тон адляар тэдэ зон зүб бодомжолхоёо болёод, һүзэгөө алдаад, үнэн зүбэй урдаһаа эсэргүүсэбэ гээшэ.

Библи

⁸ Янээс Ямбрээс хоёрой Моисейдэ эсэргүүсэдэг байһандал тон адляар тэдэ зон зүбөөр сэдьхэхэеэ болёод, һүзэгөө алдаад, үнэн зүбэй урдаһаа эсэргүүсэбэ гээшэ.

Тимофейдэ 2-дохи 3:8 ပူးပေါင်းရင်းမြစ်များ

Хэрэгүүд 15:24

Зарим һүзэглэгшэднай манһаа абаагүй захиралтаар һанал бодолыетнай һамааруулна, таанадые зобооно гэжэ бидэ дуулаабди.

Римэйхиндэ 1:28

Тэдэ зоной Бурхан тухай бодожо байхаяа арсаһан хадань тэдэнэй тэнэг хооһон ухаан бодолойнгоо хүсэлэнгөөр ябахадань Бурхан һаалта хээгүй. Тиимэһээл тэдэ зон хэхэ ёһогүй юумэнүүдые хэнэ.

Римэйхиндэ 16:18

Тэдэ зон тиимэ юумэ хэхэдээ, манай Дээдын Эзэн Христосто бэшэ, харин өөрынгөө гэдэһэ ходоодо алба хэнэ гээшэ. Тэдэнэр уран гоё үгэ хүүрээрээ гэнэн гэдэргэ зонииел зангадаа оруулдаг юм.

Эфесэйхиндэ 4:14

Тиин бидэ уһанай долгиндо, али һалхинай һэршэгэнэлгэдэ абтаһан юумэндэл ямаршье һургаалда абтан хэлбэлзэдэг, хүнэй мэхэ гоходо орожо, ехэ шадамараар мэхэлүүлдэг балшар хүүгэд байхаяа болиёл.

Тимофейдэ 1-дэхи 1:19

тиихэдэ һүзэгөө хадагалжа, һэшхэлтэй байгаарай. Зарим хүнүүд һэшхэлээрээ болонгүй һүзэгөө алдаа.

Тимофейдэ 1-дэхи 4:2

Тэрэ хуурмаг һургаал халуун түмэртэ хайруулжа һэшхэлээ алдаһан билдагууша худалшадай оролдолгоор тараха юм.

Тимофейдэ 1-дэхи 6:5

Тиимэ хүнүүд үнэн зүбһөө холодоһон, балартаһан ухаантай хүнүүдээр дэмы заргалдажа байдаг. Тэдэнэр зөөри баялигтайл болохын тула Бурханда шүтэдэг гэжэ бододог юм.

Тимофейдэ 2-дохи 4:15

Шишье тэрээнһээ болгоомжолжо байгаарай, тэрэ манай үгын урдаһаа ехэл эсэргүүсээ юм.

Тидтэ 1:10

Юундэб гэбэл, хүнэй мэдэлдэ оросогүй, хооһон үгэтэй, худалша зон, илангаяа һүзэглэгшэ еврейнүүдэй дунда олон бии.

Тидтэ 1:16

Тэдэнэр Бурханиие мэдэнэбди гэдэг, харин үйлэ хэрэгүүдынь Бурханиие мэдэхэгүй байһыень харуулна. Тэдэ хүнүүд Бурханда жэрхэдэһэтэй байна. Тэдэнэр мэдэлдэ оросогүй, ямаршье һайн юумэ хэжэ шадахагүй хүнүүд юм.

Пётрой 2-дохи хандалга 2:14

Тэдэнэй нюдэдынь ташаяан хүсэлэнгөөр дүүрэнхэй, тэдэ нүгэл хэжэ бэеэ ханахагүй. Тэдэнэр тулгагүй ахир хүнүүдыел зангадаа оруулдаг. Тэдэнэй сэдьхэлынь хомхолзожо һуршанхай. Тэдэнэр үхэхэл табилантай юм.

Иоаннай 1-дэхи хандалга 2:18

Үхибүүд, һүүлшын саг хүрэжэ ерэбэ! Христосой дайсан ерэхэ ёһотой гэжэ таанар дуулаһан байхат. Тиин Христосой дайсад мүнөө олон болонхой. Иихэдээ һүүлшын саг хүрэжэ ерэбэ гэжэ мэдэнэбди.

Иоаннай 1-дэхи хандалга 4:1

Инаг хайрата аха дүүнэрни, али бүхы һүлдэнүүдтэ бү этигэгты, Бурханһаа эльгээгдэһэн һүлдэнүүд гү гэжэ шалгагты, юундэб гэбэл, худал хуурмаг лүндэншэд газар дэлхэй дээрэ олон болошонхой.

Гэршэлгэ 2:20

Теэд таанадые зэмэлхэ зарим юумэн намда бии: өөрыгөө лүндэншэ гээд тоолодог Иезавель һамгые таанад зүбшөөнэт; тэрэ һамган өөрынгөө һургаал заабариие номножо, минии зарасанарай тархи толгой эрьюулнэ, тэдэниием зальхай һамуу ябадалтай болгоно, худал бурхануудта үргэһэн хоол эдюулжэ һургана.

Гэршэлгэ 2:6

Зүгөөр, николаидуудай үйлэ хэрэгүүдтэ дураа гутан зэбүүрхэдэгтнай һайн гээшэ. Бишье тэдэндэ дураа гутагшаб.