Тимофейдэ 1-дэхи 6:18 - Шэнэ Хэлсээн

¹⁸ Дэмбэрэлтэ һайхан юумэ хэжэ, үлзы һайхан хэрэгүүдээрээ баяжажа, бардам гартай, бусад хүнүүдтэй юумээрээ хубаалсахада бэлэн байхыень заабаришалжа бай.

Библи

¹⁸ Дэмбэрэлтэ һайхан юумэ хэжэ, үлзы һайхан хэрэгүүдээрээ баяжажа, бардам гартай, бусад хүнүүдтэй юумээрээ хубаалсахада бэлэн байхыень заабаришалжа бай.

Тимофейдэ 1-дэхи 6:18 ပူးပေါင်းရင်းမြစ်များ

Матвей 5:42

Шамһаа юумэ эриһэн хүндэ үгэ, шамһаа юумэ урьһаар абаха гээ һаань, буруу бү хараарай.

Лука 12:21

Хөөрөөнэйнгөө түгэсхэлдэ Иисус: «Эрдэни баялиг Бурханай урда бэшэ, харин өөрынгөө үбэртэ суглуулдаг хүн болгон иимэ хойшолонтой», – гэжэ хэлэбэ.

Лука 3:11

«Хоёр самсатай хүн нэгыень самсагүй хүндэ үгэг, эдихэ, ууха юумэтэй хүн бусадтай хубаалдаг», – гэжэ тэрэ харюусаба.

Хэрэгүүд 10:38

Бурхан Назаредэй Иисусые Нангин Һүлдөөр болон хүсэ шадалаар дүүргэхэдэнь, тэрэ хаа хаанагүй ябажа, буянтай юумэ хэжэ, шолмосто баригдаһан хүн бүхэниие эдэгээжэ байһыень таанад баһа мэдэнэт. Юундэб гэхэдэ, Бурхан тэрээнтэй хамта байгаа.

Хэрэгүүд 11:29

Тиихэдэ шабинар Иудейдэ ажаһуудаг аха дүүнэртээ шадаха зэргээрээ туһалха, тэдэндээ юумэ эльгээхэ гэжэ шиидэбэ.

Хэрэгүүд 9:36

Иоппи хотодо Тавита гэжэ нэрэтэй нэгэ шаби басаган ажаһуугаа. (Тавита гээшэнь «газель» гэһэн удхатай, буряадаар «зээрэн»). Тэрэ басаган хүнүүдтэ һайе хэдэг, ядарһан дуталдаһан зондо туһалдаг байгаа.

Римэйхиндэ 12:13

Дуталдажа байһан һүзэглэгшэдтэй хубаалсажа, аяншадые гэртээ оруулан хүндэлжэ байгты.

Римэйхиндэ 12:8

бусадые урмашуулха табилантай һаа, урмашуулха ёһотойбди. Бусадтай хубаалсажа байгаа һаа, бардам баянаар хубаалсажа бай; хүтэлэгшэ юм һаа, бүхы хүсэ шадалаараа захиржа бай; буян хэгшэ юм һаа, баяртайгаар буян хэжэ бай.

Коринфынхидтэ 1-дэхи 16:2

Гарагай нэгэн, воскресени бүхэндэ хүн бүхэнтнай оролгоһоон боломжоороо мүнгэ гаргаад, тэрэнээ суглуулжа байг. Тиигэбэлтнай, ерэхэдэмни алта мүнгэ суглуулха хэрэг гарахагүй.

Коринфынхидтэ 2-дохи 8:12

Туһалхые аргагүй хүсэжэ байбал, таанад өөһэдтөө байхагүй юумэнһээ бэшэ, харин байһан юумэнһээ үгэхэт гэжэ Бурхан хүлеэнэ ха юм.

Коринфынхидтэ 2-дохи 8:9

Таанад манай Дээдын Эзэн Иисус Христосой үршөөл хайрые мэдэнэ ха юмта. Тэрэ баян байһан аад, танай аша туһада үгытэй ядуу болоо. Өөрынгөө үгытэй ядуу байдалаар тэрэ таанадые баяжуулаа.

Галадуудта 6:10

Арга боломжотой байхадаа бүхы хүнүүдтэ, илангаяа өөрынгөө бүлгэмэй һүзэглэгшэдтэ үлүү ехээр һайниие хэжэ ябагты.

Эфесэйхиндэ 4:28

Юумэ хулуудаг байбал, дахин юумэ хулуухаяа болёод, гараараа аша туһатай юумэ хэжэ, дутажа зүдэржэ байһан хүнүүдтэй юумээрээ хубаалдажа, үнэн зүбые баримталан амидаржа байгты.

Тимофейдэ 1-дэхи 5:10

һайн һайхан үйлэ хэрэгүүдээрээ суурхаһан байха ёһотой: үхибүүдээ һайн хүмүүжүүлһэн, аяншадые гэртээ амаруулжа байһан, бусад һүзэглэгшэдэй урда өөрынгөө уялгануудые дүүргэжэ, зобожо байһан зондо туһалжа, өөрыгөө үлзытэй һайхан хэрэгүүдтэ зорюулжа байха ёһотой.

Тидтэ 2:14

Христос маанадые бузар муухай нүгэлнүүдһээмнай аршалан, мэдэлдэнь байдаг, һайн хэрэгүүдые хэхэ гэжэ зүдхэдэг сэбэр арад болгохын тула өөрыгөө бидэнэй түлөө үгөө юм.

Тидтэ 3:8

Энэ хэлээшэмнай үнэн. Һайн һайхан хэрэгүүдые оролдосотойгоор хэжэ байхыень Бурханда һүзэглэһэн хүнүүдые ши идхан һургажа байгаарай. Иимэ хэрэгүүд зондо ехэл аша туһатай, һайн юм.

Еврейнүүдтэ 13:16

Һайниие хэжэ, бэе бэедээ туһалхые бү мартагты. Эдэ болбол Бурханда һайшаагдадаг үргэл гээшэ.

Яковай хандалга 2:5

Хайрата аха дүүнэрни, шагнагты даа: Бурхан үгытэйшүүлые этигэл һүзэгөөрөө баян бардам байхыень, өөртэнь дуратай хүнүүдтэ үгэхэб гэжэ найдуулһан хаан оронойнгоо залгамжалагшад болохыень шэлэжэ абаа бэшэ һэн гү?

Пётрой 1-дэхи хандалга 3:11

Тэрэ хүн нүгэл үйлэдэхэеэ болёод, һайн һайхан хэрэгүүдые бүтээжэ байг, энхэ тайбан байдалые найруулжа байг, энхэ тайбан байдалые тогтоожо байг.

Иоаннай 1-дэхи хандалга 3:17

Энэ дэлхэйдэ юумээр дутадаггүй баян һуудаг хүн аад, аханар дүүнэрэйнгээ үгытэй ядуу һуухадань һанаагаа зободоггүй хүн: Бурханда дуратайб гэжэ яагаад хэлэжэ шадаха гээшэб?

Иоаннай 3-дахи хандалга 1:11

Инаг хайрата дүүмни, муу юумэ хэгшэдые бү дахаарай, һайн юумэ хэгшэдые дахаад ябаарай. Һайн юумэ хэгшэд Бурханай хүнүүд гээшэ. Харин муу юумэ хэгшэд Бурханиие хараа үзөөгүй юм.