Тимофейдэ 1-дэхи 5:6 - Шэнэ Хэлсээн

⁶ Харин хүсэлэнгүүдээ хангажа байдаг бэлбэһэн эхэнэр амилжа байһаншье мүртөө үхэһэнтэй адли юм.

Библи

⁶ Харин хүсэлэнгүүдээ хангажа байдаг бэлбэһэн эхэнэр амилжа байһаншье мүртөө үхэһэнтэй адли юм.

Тимофейдэ 1-дэхи 5:6 ပူးပေါင်းရင်းမြစ်များ

Матвей 8:22

Теэд Иисус тэрээндэ: «Намтай яба. Үхэһэн хүнүүд өөһэдөө үхөөшэдөө хүдөөлүүлэг лэ», – гэжэ харюусаба.

Лука 12:19

Зай, тиигээд өөртөө: ‘Азатай хүн байнаб! Олон жэл соо өөрыгөө хангаха эд зөөритэйб. Мүнөө юундэш һанаагаа зобонгүй, эдижэ, уужа, хүхижэ, сэнгэжэ байхаб’, – гэжэ хэлэхэб“.

Лука 15:13

Нэгэ хэды хоноод, бага хүбүүниинь хубита зөөриеэ абаад, холын газарта ошожо, ехээр һэбхиржэ, зөөриеэ үрижэрхибэ.

Лука 15:24

Энэ хүбүүмни үхэшэһэн аад, амидыраа ха юм, үгы болошоһон аад, олдоо ха юм“, – гэбэ. Тиигээд лэ хүбүүнэйнгээ бусажа ерэһые тэмдэглэн, хүхижэ сэнгэжэ эхилбэ.

Лука 15:32

Харин дүү хүбүүншни үхэһэн аад лэ, амидыржа, үгы болоһон аад лэ, олдожо ерээ бшуу. Тиимэһээ бидэ баярлаха, сэнгэхэ ёһотой ха юмбди“, – гэжэ хэлэбэ».

Лука 16:19

Нэгэ баян хүн байгаа гэхэ. Магнал торгон хубсаһа үмдэдэг, мүн үдэр бүхэндэ ялагар тологор найр зугаа хэдэг байгаа.

Лука 7:25

Таанар юу үзэхэеэ тиишэ ошообта? Зөөлэн хубсаһа үмдөөд ябаһан хүниие гү? Теэд ялагар салагар, үзэсхэлэн һайханаар хубсалһан хүнүүд хаанай ордонуудтал ажаһуудаг ха юм.

Эфесэйхиндэ 2:1

Урдань таанад өөһэдынгөө муу муухай хэрэгүүдһээ болон нүгэл шэбэлһээ боложо үхэһэн амитад байгаат.

Эфесэйхиндэ 2:5

нүгэл шэбэлһээ боложо үхэһэн бидэниие Христостой хамта амидыруулаа гээшэ. Таанад Бурханай үршөөл хайраар абарагдаба гээшэт.

Эфесэйхиндэ 5:14

Гэрэл туяагай ашаар элирүүлэгдэһэн бүхы юумэн гэрэл туяа болоно. Тиимэһээ иигэжэ хэлэдэг байха: «Унтажа байһан хүн, һэри, амидыра, Христос шамайе гэрэлтүүлхэ».

Колоссынхидтэ 2:13

Таанад нүгэл хэдэг, отолуулаагүй, Бурханай хүнүүд бэшэ байһан дээрэһээ урдань үхэһэн хүнүүдтэл адли байгаат. Харин Бурхан таанадые мүнөө Христостой хамта амидыруулаа. Бурхан бидэнэй бүхы нүгэлнүүдые хүлисөө.

Тимофейдэ 2-дохи 3:6

Тэдэнэй зариманиинь айлаар ябажа, элдэб янзын ташаяан хүсэлэнгүүдтэ хүтэлүүлэн, нүгэл абаһан, һуража байдагшье һаа,

Яковай хандалга 5:5

Эндэ, газар дэлхэй дээрэ байхадаа таанад гансал өөһэдынгөө гэдэһэ дүүргэхэ ба наартайгаар сагаа үнгэргэхэ тухайл бододог байгаат. Харин мүнөө таанад гаргахаяа абаашажа байһан шахамал буруундал адли байнат.

Гэршэлгэ 18:7

Өөрыгөө тэрэ хэды ехээр магтуулаа гээшэб, хэды ехэ баялиг соо умбаа гээшэб, тэды ехэ ядарал зоболон, уйдхар гашуудал тэрээндэ асарагты! Юундэб гэбэл, тэрэ ниислэл иигэжэ досоогоо һанаа: «Би хатан шэнги һайн һуунаб, би бэлбэһэн эхэнэр бэшэб, уйдхар гашуудалые үзэхэгүйб!»

Гэршэлгэ 3:1

Сардисай һүзэглэгшэдэй бүлгэмэй түлөөлэгшэдэ иигэжэ бэшээрэй: «Бурханай Нангин долоон Һүлдын, мүн долоон одонуудай Эзэн иигэжэ хэлэнэ: танай бүтээһэн үйлэ хэрэгые мэдэнэб; таанад амиды гэжэ тоологдонот, үнэхөөрөө таанад үхөөд байнат.