Тимофейдэ 1-дэхи 5:21 - Шэнэ Хэлсээн

²¹ Ямаршье юумэ хэхэдээ хүнүүдые илгангүй, нюур харангүй эдэл үгэһэн заабаринуудыемни сахижа байхыешни Бурханай, Христос Иисусай ба шэлэгдэһэн Эльгээмэлнүүдэй урда би шамайе гуйжа найжа байнаб.

Библи

²¹ Ямаршье юумэ хэхэдээ, хүнүүдые илгангүй, нюур харангүй, эдэл үгэһэн заабаринуудыемни сахижа байхыешни Бурханай, Христоос Иисүүсэй ба шэлэгдэһэн Эльгээмэлнүүдэй урда би шамайе гуйнаб.

Тимофейдэ 1-дэхи 5:21 ပူးပေါင်းရင်းမြစ်များ

Матвей 16:27

Хүн түрэлхитэнэй Хүбүүн Эсэгынгээ алдар соо Эльгээмэлнүүдтэйгээ хамта һаяар ерэхэл, тиигээд хэһэн хэрэгэйнь зэргээр хүн бүхэниие шиидхэхэл.

Матвей 25:41

Тиигээд хаан тэрэнэй зүүн талада байгаашадта хандан: „Бурханай хараалда хүртэгшэ таанад, намһаа холо бологты! Шолмосто, мүн тэрэнэй эльгээгдэмэлнүүдтэ бэлдээтэй хэтэ заяанай гал тамада ошогты!

Матвей 28:20

Таанарта минии захиһан бүхы юумэнүүдые сахижа байхыень тэдэниие һургагты. Би таанадтай хамаг юумэнэй эсэс хүрэтэр хододоо хамта байхаб».

Лука 20:21

Тэдэнь билдагуушалан: «Багша аа! Ши бодото үнэниие хэлэдэгши, нюур харадаггүйш, Бурханай бодото замаар ябахые һургадагши гэжэ бидэ мэдэнэбди.

Лука 9:26

Намһаа, минии һургаалһаа эшэбэлтнай, би, Хүн түрэлхитэнэй Хүбүүн хожом өөрынгөө, Эсэгынгээ, мүн Бурханай Эльгээмэлнүүдэй алдар нэрэ нэрлүүлэн, энэ дэлхэйдэ ерэхэдээ, таанадһаа өөрөөшье эшэхэб.

Коринфынхидтэ 2-дохи 5:16

Тиимэһээ бидэ энэ сагһаа эхилээд хэнииешье энэ дэлхэйн заргаар бү шиидхэе. Нэгэтэ бидэ Христосые энэ дэлхэйн заргаар шиидхэһэн байгаабди, мүнөө тиигэхэеэ болёобди.

Фессалоникиинхидтэ 1-дэхи 5:27

Бүхы һүзэглэгшэдтэ энэ бэшэгые уншажа үгэгты гэжэ би Дээдын Эзэнэй нэрэ түрөөр гуйнаб.

Тимофейдэ 1-дэхи 6:13

Бүхы юумэндэ ами хайрлажа байһан Бурханай урда, Понтий Пиладта һүзэгөө баталжа хэлэһэн Христос Иисусай урда Дээдын Эзэн Иисус Христосой ерэхэ үдэр хүрэтэр гэмнүүлхэгүйн тула заабариие үнэн сэхээр сахижа байхыешни би шамда захинаб.

Тимофейдэ 2-дохи 2:14

Хэлэһэн эдэ бүгэдыемни шагнагшадтаа һануулжа байгаарай. Үгэнүүд тухай арсалдахаяа болигты гэжэ Дээдын Эзэниие гэршэ болгон захиржа байгаарай. Тиимэ арсалдаан шагнагшадта ямаршье туһагүй, тэдэнэй һүзэг этигэл алдуулдаг юм.

Тимофейдэ 2-дохи 4:1

Иисус Христос хаан ороноо захирхаяа ерэхэдээ үхэһэн ба амиды хүнүүдые бултыень шүүхэ. Тиимэһээ Бурханай, Христосой урда

Яковай хандалга 3:17

Харин дээрэһээ үгтэдэг ухаан маанадые арюун сэбэр, эб найрамдалтай, номгон даруу, энэрхы сэдьхэлтэй, үршөөл хайратай, аша туһатай, хүнэй нюур харадаггүй, үнэн сэхэ болохо тээшэ хүтэлдэг юм.

Пётрой 2-дохи хандалга 2:4

Бурханай Эльгээмэлнүүдэйшье нүгэл хэхэдэ Бурхан тэдэниие хайрлаагүй юм, Зарга сүүдэй Үдэрэй ерэтэр тэдэниие тамада мүнхын харанхыда хүлеэд барижа байгаа.

Иудын хандалга 1:6

Эрхэ түрэеэ алдаад, байраяа орхиһон Эльгээмэлнүүдые Бурхан харанхыда хэтын хэтэдэ гэнжээр хүлиһэн тухайнь һанагты. Тэдэ Эльгээмэлнүүд агууехэ үдэр зарга шүүбэридэ оротороо тэндэ байха юм.

Гэршэлгэ 14:10

Бурханай уур сухалай аягаһаа тэрэнэй уур сухалай холисогүй сэбэр архи ууха, тэдэ хүнүүдые арюун нангин эльгээмэлнүүдэй урда, Үргэлэй Хурьганай урда асараад, гал түймэр руу, хүхэрэй хүхэ дүлэн руу хаяжа, тамалан хэһээхэ.