Тимофейдэ 1-дэхи 4:6 - Шэнэ Хэлсээн

⁶ Иимэ заабаринуудые һүзэглэгшэдтэ үгэжэ байбал, өөрыгөө зорюулһан үнэн зүб һургаалаар ба һүзэг этигэлэй үгэнүүдээр һанал бодолоо дүүргэжэ, ши Христос Иисусай һайн албатан болохош.

Библи

⁶ Иимэ заабаринуудые һүзэглэгшэдтэ үгэжэ байбал, өөрыгөө зорюулһан үнэн зүб һургаалаар ба һүзэгэй үгэнүүдээр һанал бодолоо дүүргэжэ, ши Христоос Иисүүсэй һайн албатан болохош.

Тимофейдэ 1-дэхи 4:6 ပူးပေါင်းရင်းမြစ်များ

Матвей 13:52

Иисус тэдэндэ иигэжэ хэлэбэ: «Огторгойн хаан түрэ дахаһан алишье Хуули заадаг багша эрдэни баялигайнгаа санһаа шэнэшье, мүн урданайшье баялигуудые абажа хэрэглэдэг эзэндэ адли юм».

Лука 1:3

Бишье баһа болоһон бүгэдые эхинһээнь нарин нягтаар шудалаад, шамда номногдоһон һургаалай сохом үнэниие мэдэжэ байхыншни тула тохёолдоһон бүгэдые үнэн байдалаарнь хойно хойноһоонь дараалан шамда бэшэжэ дамжуулха гэжэ шиидэбэб.

Хэрэгүүд 1:15

Хэдэн хоногой удаа зуун хорёод һүзэглэгшэдэй суглараад байхада Пётр өөдөө бодожо хэлэбэ:

Хэрэгүүд 20:31

Тиимэһээ гурбан жэл соо үдэр һүнигүй нулимсаа дуһаан, таанадай хүн бүхэнииетнай һургажа байһыемни һанан, һэргэг байгты.

Хэрэгүүд 20:35

Тиигэжэ би таанадта яажа хүдэлхэб, ядуу һула зондо туһалхаб гэһэн жэшээ харуулаа бэлэйб. «Үгэхэнь абахаһаа бүри жаргалтай», – гэжэ Иисусай хэлэһые һанажа ябагты.

Римэйхиндэ 15:15

Энэ бэшэг соогоо зарим юумэнүүдые һануулхадаа би сэхыень хэлээб. Бурханай үршөөл хайраар би

Коринфынхидтэ 1-дэхи 4:17

Тиимэл зорилготойгоор Дээдын Эзэндэ үнэн сэхэ Тимофейе таанадта эльгээнэб. Тэрээндэ би Хүбүүндээл адли дуратай хүнби. Хаанашье ябахадаа һүзэглэгшэдэй бүхы бүлгэмүүдые һургадаг байһан тухаймни – Христос Иисустай нэгэдэһэн ажамидаралдаа баримталдаг юумэнүүд тухаймни таанадта тэрэ һануулха.

Коринфынхидтэ 2-дохи 11:23

Тэдэнэр Христосой зарасанар гү? Тиихэдэ би тэдэнһээ үлүү һайн зарасань гээшэб. Тиигэжэ үбэштэйрһэндэл хэлэһэмни мэдээжэ. Би тэдэ зонһоо үлүү ехээр ажаллажа, бүри оло дахин түрмэдэ орооб, тоогүй оло дахин ташуурдуулан хэһээлгээд, үхэлэй хажууда байгаа һэнби.

Коринфынхидтэ 2-дохи 3:6

Тэрэл Бурхан бэшээтэй Хуули дээрэ бэшэ, харин Нангин Һүлдэ дээрэ һуури татаһан Шэнэ Хэлсээнэй зарасанар байха боломжо бидэндэ олгоо. Юундэб гэхэдэ, Хуули үхэл асардаг, харин Һүлдэ амидарал үршөөдэг юм.

Коринфынхидтэ 2-дохи 6:4

Ямаршье юумэ хэхэдээ бидэ тохёолдоһон бэрхэшээл зоболонгуудые, дутагдал дундануудые, хүшэр байдалые даруу номгоноор дабажа гаран, өөһэдыгөө Бурханай үнэн зарасанар гэжэ харуулнабди.

Эфесэйхиндэ 6:21

Ажал хэрэгүүд тухаймни, хэр байһан тухаймни мэдээсэл, нам тухай бүхы һонинуудые таанадта манай инаг хайрата дүү, Дээдын Эзэнэй үнэн сэхэ албатан Тихик дуулгаха.

Филиппынхидтэ 2:20

Минии хажууда Тимофейһээ ондоо хэншье тиигэжэ ехээр таанадта һаналаа табижа ябадаггүй юм.

Филиппынхидтэ 2:22

Тимофейн үнэн шударгуу байһанаа баталһыень, тэрэ бидэ хоёрой эсэгэ хүбүүн хоёртол адляар хамта Һайн Мэдээсэл дэлгэрүүлхын түлөө хүдэлжэ байһые таанад өөһэдөө мэдэнэт.

Филиппынхидтэ 3:16

Яабашье бидэ мүнөө ойлгожо абаһан гуримаа саашадаашье баримталха ёһотойбди.

Колоссынхидтэ 2:19

Тэдэнэр бэеын толгой болохо Христосто найданагүй. Гэхэтэй сасуу бэе толгойн, Христосой хиналта доро ургажа, тэрэнэй бүридэл болон барисаагаар холбогдуулан эблэрэн, Бурханайл дураар ургадаг юм.

Колоссынхидтэ 3:16

Христосой һургаал ажамидаралайтнай гол хүтэлэгшэнь болог лэ. Бэе бэеэ ухаатайгаар, бодомжотойгоор һургажа, заабарилжа байгты. Бурханда баяр хүргэн, псаломууд, магтаалнууд, арюун нангин дуунуудые дуулажа байгты.

Колоссынхидтэ 4:7

Бидэнээр хамта Дээдын Эзэндэ алба хэдэг үнэн сэхэ, инаг хайрата манай дүү Тихик нам тухай таанадта дуулгаха.

Тимофейдэ 1-дэхи 1:10

зальхай ба ташаяан ябадалтай зондо, хүнүүдые хулуудаг, худал юумэ хэлэдэг, хуурмаг гэршэлгэ үгэдэг зондо, үнэн зүб һургаалда зохихогүй элдэб юумэ хэдэг зондо зорюулагдаһан байгаа юм гэжэ һанажа байха хэрэгтэй.

Тимофейдэ 1-дэхи 4:16

Ажабайдалдаа, һургажа байһан юумэндээ анхаралаа хандуула. Тиигэжэ байбал ши өөрыгөөшье, өөрынгөө шагнагшадыешье абархаш.

Тимофейдэ 1-дэхи 6:3

Ондоо юумэндэ һургажа байһан, Дээдын Эзэн Иисус Христосой үнэн үгые болон манай шажанай һургаалые баримталангүй байһан хүн

Тимофейдэ 2-дохи 1:6

Тиимэһээ гараа дээрэшни табихадамни шамда Бурханһаа үгтэһэн абьяас бэлиг зосоошни бадаржал байг лэ.

Тимофейдэ 2-дохи 3:10

Зүгөөр ши минии һургаалые баримталбаш, намдал адли ажамидарнаш, намдал адли зорилготой, һүзэгтэй, хайра дуратай байнаш, намдал адли шиираг тэсэбэритэй байнаш.

Тимофейдэ 2-дохи 4:3

Ушарынь юуб гэхэдэ, хүнүүд зүйтэй һургаал дуулахаяа болёод, шагнаха дуратай юумыень хэлэдэг багшанарые өөрынгөө дураар шэлэдэг саг ерэхэ.

Тидтэ 2:1

Харин ши үнэн бодото һургаалые номножо байгаарай.

Пётрой 1-дэхи хандалга 2:2

Һая түрэһэн үхибүүд яажа һүндэ дуратай байдаг бэ, тэдэндэл адляар таанадшье Бурханай Үгэдэ дуратай байгты. Тэрэнэй ашаар таанад ургахат, абарагдахат.

Иоаннай 2-дохи хандалга 1:9

Христосой һургаалһаа холодон, тэрэ һургаалые дахадаггүй хүн Бурхангүйгөөр ажаһууна гээшэ. Харин Христосой һургаалые хэн баримталан сахинаб, тэрэ хүн Эсэгэ Бурхантай, тэрэнэй Хүбүүнтэй нэгэн хамта байна.

Иудын хандалга 1:5

Дээдын Эзэнэй өөрынгөө арадые Египедһээ гаргажа абарһан тухайнь, тиигээд тэрээндэ һүзэглэдэггүй зониие үгы хэһэн тухайнь һанагты.