Тимофейдэ 1-дэхи 1:14 - Шэнэ Хэлсээн

¹⁴ Дээдын Эзэн Иисус Христосой ашаар намда буян хэшэгээ хайрлаа. Тиигэжэ би Дээдын Эзэндэ һүзэглэдэг, тэрээндэ ба тэрэнэй хүнүүдтэ дуратай болоо хүм.

Библи

¹⁴ Эзэн Иисүүс Христоосой ашаар намда буян хэшэгээ хайрлаа. Тиигэжэ би Эзэндэ һүзэглэдэг, Тэрээндэ ба Тэрэнэй хүнүүдтэ дуратай болоо хүм.

Тимофейдэ 1-дэхи 1:14 ပူးပေါင်းရင်းမြစ်များ

Матвей 20:9

Табан сагта хүдэлхэеэ гараһан хүнүүд нэгэ-нэгэ динари ажалай хүлһэ абаба.

Хэрэгүүд 15:11

Бидэ гансал Дээдын Эзэн Иисусай үршөөл хайраар абарагдаабди гэжэ этигэнэбди, тиин тэдэшье баһа Иисусай үршөөл хайраар абарагдаа.

Римэйхиндэ 16:20

Маанадта амгалан байдал үршөөдэг Бурхан удангүй сатанае танай ула доро оруулан һүнөөхэ. Манай Дээдын Эзэн Иисусай үршөөл хайра таанадтай оршожо байхань болтогой!

Коринфынхидтэ 1-дэхи 15:10

Гэхэтэй сасуу би Бурханай үршөөл хайраар мүнөөнэй байдалтай байнаб, тиин тэрэ үршөөл хайрань дэмы үнгэрөөгүй. Би өөрынгөө хүсэ шадалаар бэшэ, харин досоомни ажаллажа байһан Бурханай үршөөл хайраар бусад элшэнэрһээ үлүү ехэ хүдэлжэ байгааб.

Коринфынхидтэ 1-дэхи 3:10

Бурханай намда үгэһэн абьяас бэлиг хэрэглэн, би сэсэн барилгашандал мэтэ барилгын һуури татааб, үшөө ондоо хүн тэрэ һуурин дээрэ байра барина. Гэхэтэй сасуу хүн бүхэн яажа барижа байһанаа анхарха ёһотой.

Коринфынхидтэ 2-дохи 4:15

Эдэ бүхэн таанадай аша туһада хэгдэһэн байна. Тиигэжэл бүри олон зоной Бурханиие магтажа, алдарыень дуудаһан ушарһаань Бурханай үршөөл хайра элбэгжэжэл байха.

Коринфынхидтэ 2-дохи 8:9

Таанад манай Дээдын Эзэн Иисус Христосой үршөөл хайрые мэдэнэ ха юмта. Тэрэ баян байһан аад, танай аша туһада үгытэй ядуу болоо. Өөрынгөө үгытэй ядуу байдалаар тэрэ таанадые баяжуулаа.

Галадуудта 1:13

Урдань иудейн ёһо гуримые бодотоор сахин ажамидаржа ябаһан тухаймни таанад дуулаа ёһотойт. Би Христосто һүзэглэдэг зониие гайтайгаар хашан мүрдэдэг, һандарган хосороодог һэм.

Фессалоникиинхидтэ 1-дэхи 1:3

Эсэгэ Бурханай урда тээ этигэл һүзэгөө хэрэг дээрээ бэелүүлдэг байһыетнай, хайра дуран ажалыетнай бүхэжүүлдэг байһыень, Дээдын Эзэн Иисус Христосто бэхи батаар найдажа байдагыетнай бидэ үргэлжэ һанадагбди.

Фессалоникиинхидтэ 1-дэхи 5:8

Гэхэдээ бидэ үдэрэй харьяалай хүнүүд хадаа эрүүл байха ёһотойбди. Бидэ һүзэг ба дуран хоёроо хуяг мэтэ үмдэжэ, абарагдаха найдалгаа дуулга мэтэ үмдөөд байха ёһотойбди.

Тимофейдэ 1-дэхи 2:15

Гэхэтэй сасуу эхэнэр хүн Бурханда һүзэглэжэ, бусад зондо дуратай, арюун нангин ажамидаралтай байбал, үхибүү түрэжэ абарагдаха юм.

Тимофейдэ 1-дэхи 4:12

Залуухан байнаш гээд шамда хайхарамжагүйгөөр бү хандаг. Ши хэлэһэн үгөөрөө, амидаралаараа, хайра дураараа, һүзэгөөрөө, арюун сэбэрээрээ һүзэглэгшэдтэ жэшээ харуулжа байгаарай.

Тимофейдэ 1-дэхи 6:11

Харин ши, Бурханай хүн, эдэ бүхэнһөө болгоомжоло. Ши Бурханай урда үнэн сэдьхэлтэй бай, Бурханай эрхэ хүсэлые гүйсэдхэ, тэрээндэ һүзэглэжэ, хайра дура сэдьхэлдээ бадараа, тэсэбэритэй, номгон даруу зантай бай.

Тимофейдэ 2-дохи 1:13

Минии шамда хөөрэһэн үнэн зүб һургаалые хатуугаар баримталжа ябаарай. Тэрэ һургаал шамда жэшээ боложо байг. Иисус Христостой нэгэдэхэдээ олоһон һүзэг, хайра дураяа бадараажа ябаарай.

Тимофейдэ 2-дохи 2:22

Залуугай ташаяанһаа зугадажа, Дээдын Эзэндэ үнэн зүрхэнһөө зальбаржа байһан зоноор хамта үнэн зүбые баримталжа, һүзэглэжэ, хайра дуратай, амгалан тайбан байгаарай.

Тидтэ 2:2

Һургаалай ёһоор наһатай эрэшүүлые һэргэг, түбшэн зантай, арюун ябадалтай, хатуу һүзэгтэй, хайра дуратай, тэсэбэритэй байхыень һургажа байгаарай.

Пётрой 1-дэхи хандалга 1:3

Манай Дээдын Эзэн Иисус Христосой Эсэгэ Бурханда баяр хүргэе! Үхэһэн Иисус Христосые амидыруулхадаа, Бурхан агууехэ үршөөл хайраараа шэнэ амидарал бидэндэ үршөөгөө. Тиин маанадые амиды найдалаараа дүүргээ,

Иоаннай 1-дэхи хандалга 4:10

Дуран гээшэ иимэ: Бурханда бидэ дурлаагүйбди, Бурхан өөрөө бидэндэ дурлажа, бидэнэй хэһэн нүгэлэй түлөө үргэл болгон, өөрынгөө Хүбүүе эльгээгээ.

Гэршэлгэ 22:21

Дээдын Эзэн Иисусай үршөөл хайрань бултанда хүртэхэ байна!