Римэйхиндэ 8:29 - Шэнэ Хэлсээн

²⁹ Бурханай шэлэжэ абаһан хүнүүд Хүбүүндэнь адли байха табилантай, тиин Хүбүүниинь олон һүзэглэгшэ аха дүүнэрэй дунда ууган Хүбүүниинь байха юм.

Библи

²⁹ Бурханай шэлэжэ абаһан хүнүүд Хүбүүндэнь адли байха табилантай, тиин Хүбүүниинь олон һүзэглэгшэ аха дүүнэрэй дунда ууган Хүбүүниинь байха.

Римэйхиндэ 8:29 ပူးပေါင်းရင်းမြစ်များ

Матвей 12:50

Огторгойдо оршодог Эсэгымни эрхэ хүсэл бүтээгшэд минии аха дүүнэр, эгэшэ дүүнэр, эжымни гээшэ», – гэбэ.

Матвей 25:40

Тиихэдэнь хаан: „Эгээлэй юрын минии дахагшадай нэгэндэнь тиимэ һайн юумэ хэхэдээ, таанад намдашье һайниие хээ гээшэт“, – гэжэ харюусаха.

Матвей 28:10

Тиихэдэнь Иисус: «Бү айгты. Аха дүүнэрни болохо шабинартам ошожо, Галилейдэ ерэхыень хэлэгты, тэдэ намтай тэндэ уулзаха», – гэбэ.

Матвей 7:23

Одоо тиихэдэнь би: «Би хэзээшье таанадые мэдэдэг байгаагүйб. Холо бологты намһаа, нүгэлтэ зон», – гэжэ харюусахалби.

Иоанн 17:16

Тэдэнэр, намда адли, энэ дэлхэйн зоноор нэгэн бэшэ ха юм.

Иоанн 17:19

Эдэниие үнэн зүйлэй хүсөөр шинии болгохын тула, би өөрыгөө шамда зорюулааб.

Иоанн 17:26

Намда шинии дурладагтал адли дуран тэдэнэй досоо байхын тула, мүн тэдэнэй досоо минии байхын тула би тэдэндэ шинии нэрые нээгээб, нээжэшье үгэхэб.

Иоанн 20:17

– Намайе бү бари! – гэжэ Иисус тэрээндэ хэлэбэ. – Би Эсэгэдээ үшөө бусаагүй байнаб. Минии аха дүүнэртэ ошоод, «Би өөрынгөө, мүн таанарай Эсэгэдэ, өөрынгөө, мүн таанарай Бурханда бусанаб», – гэжэ хэлэ.

Римэйхиндэ 11:2

Эхинһээ нааша шэлэжэ абаһан арадһаа Бурхан арсаагүй. Нангин Бэшэг соо Израилиин арадые зэмэлэн Илиягай Бурханда хандаһые һананагүй аалта?

Римэйхиндэ 13:14

Харин Дээдын Эзэн Иисус Христосые хуяг дуулгадал адли үмдэел, нүгэлтэ мүн шанар байдалаа анхархаяа, хүсэлэнгүүдыень хангахаяа болиёл.

Римэйхиндэ 9:23

Бурхан алдартаа хүртөөхэ гэжэ бэлдээд байһан үршөөлтэ хүнүүдтээ баһал элбэг дэлбэг алдараа элирүүлхэ дуратай байна.

Коринфынхидтэ 1-дэхи 15:49

Газар хүрьһэнһөө бүтээгдэһэн хүнэй түхэл шанартай ябадагтаал адляар бидэ баһа Тэнгэриин хүнэй түхэл шанартай ябахалди.

Коринфынхидтэ 1-дэхи 2:7

Минии номнодог сэсэн ухаан хүнүүдһээ далда хадагалагдаһан Бурханай нюуса ухаан юм, гэхэтэй зэргэ Бурхан манай магтаал солотой байхын тула газар дэлхэйн үшөө бүтээгдээгүй байхада тэрэ ухаа заяагаа юм.

Коринфынхидтэ 1-дэхи 8:3

Тиихэдэ Бурханда дуратай хүниие Бурхан мэдэхэ юм.

Коринфынхидтэ 2-дохи 3:18

Тиимэһээ бидэ булта хушагдаагүй нюураараа Дээдын Эзэнэй алдарые хаража байнабди. Дээдын Эзэнэй Һүлдэ Дээдын Эзэнэй алдарта бүри ойртуулан маанадые хубилгана.

Эфесэйхиндэ 1:11

Бурхан өөрынгөө зорилгоор, заяаһан ёһоороо маанадые Христостой нэгэдхүүлэн өөрынгөө арад болгон шэлэжэ абаа.

Эфесэйхиндэ 4:24

Бурханай дүрые һажааһан үнэн сэдьхэлтэй, арюун гэгээн амидаралтай шэнэ хүн боложо хубилагты.

Филиппынхидтэ 3:21

Бүхы юумые өөрынгөө эрхэ мэдэлдэ оруулха аргатай хүсэ шадалаараа тэрэ манай ахир һулахан бэенүүдые хубилгажа, өөрынгөө алдарта бэетэй адлихан болгохо юм.

Колоссынхидтэ 3:10

Таанад шэнэ хүнүүд болобот. Таанадта өөрыгөө бүрин мэдүүлхын тула Бурхан, Бүтээгшэ тиимэ хүнүүдые бүрил өөртөө адли болгон шэнэдхэдэг юм.

Тимофейдэ 2-дохи 1:9

Бурхан хэһэн хэрэгүүдэймнай түлөө бидэниие абараа бэшэ, харин өөрынгөө һайн хүсэлөөр ба үршөөл хайраар бидэниие абаржа, гэгээн арад болгохоёо дуудаа юм. Бурхан сагай урадхалай эхи абахаһаа урда бидэндэ Иисус Христосой ашаар өөрынгөө үршөөлые хайрлаа юм.

Тимофейдэ 2-дохи 2:19

Тиигэбэшье Бурханай татаһан бата һуури хүдэлөөгүй юм. «Дээдын Эзэн өөрынгөө хүнүүдые мэдэхэ», «Дээдын Эзэнэй харьяалда орооб гэжэ хэлэһэн хүн нүгэлтэ хэрэгүүдые хэхэеэ болихо ёһотой» гэһэн үгэнүүдтэй тамга тэрэ татагдаһан һууриндань табигданхай байна.

Пётрой 1-дэхи хандалга 1:2

Иисус Христосой үгэ дуулажа, шуһаарнь сэбэрлүүлхын тула таанад Эсэгэ Бурханай эрхэ мэдэлээр шэлэгдэжэ абтаһан байгаат, тэрэнэй Нангин Һүлдын ашаар арюудхагдаһан байгаат. Бурханай үршөөл хайра, амгалан тайбан та бүхэнтэй элбэг дэлбэг байхань болтогой.

Пётрой 1-дэхи хандалга 1:20

Юртэмсэ дэлхэйн зохёон бүтээгдэхэһээ урда таанадайл аша туһада Бурхан Христосые шэлэжэ абаа юм, үе сагай дүүрэжэ байхада тэрэниие элирхэйлэн харуулаа юм.

Иоаннай 1-дэхи хандалга 3:2

Инаг хайрата аха дүүнэрни, бидэ мүнөө Бурханай үхибүүд гээшэбди, теэд саашадаа ямар болохомнай үшөөл мэдэгдэнэгүй. Христосой ерэхэдэ тэрээндэл адли болохобди гэжэ ойлгонобди, юундэб гэбэл, бидэ тэрэниие үнэн бодото зандань харахабди.

Гэршэлгэ 13:8

Үргэлэй Хурьганай тэмдэглэдэг амидаралай ном соо нэрэнүүдэйнь бэшэгдээгүй бүхы газар дайдын зон тэрэ арьяатанда һүгэдэн мүргэхэ. Үргэлэй Хурьган тахил болгогдон Бурханда үргэгдэхэ юм гэжэ газар дэлхэйн бүтээгдэхэһээ түрүүн хараалагдаа һэн.