Римэйхиндэ 2:14 - Шэнэ Хэлсээн

¹⁴ Бусад арадуудай зарим хүнүүд Хуулигүй байһаншье һаа, Хуулиин заабаринуудые зүнгөөрөө мэдэн сахижашье байдаг. Тиимэһээ тэдэнэр Хуулигүй байһаншье һаа, сэдьхэл дотороо хуулитай байһанаа харуулна.

Библи

¹⁴ Бусад арадуудай зарим хүнүүд Хуулигүй байһаншье һаа, Хуулиин заабаринуудые зүнгөөрөө мэдэн сахижа байдаг. Тиимэһээ тэдэнэр Хуулигүй байһаншье һаа, сэдьхэл дотороо хуулитай байһанаа харуулна.

Римэйхиндэ 2:14 ပူးပေါင်းရင်းမြစ်များ

Хэрэгүүд 10:35

Бурхан тэрээндэ һүгэдэгшэ, үнэн сэхээр амидарагша ямаршье яһатанай хүниие угтан абадаг.

Хэрэгүүд 14:16

Бүхы үндэһэ яһатанда өөһэдынгөө харгы замаар ябахыень Бурхан урдань буруушаадаггүй байгаа.

Хэрэгүүд 17:30

Бурханиие мэдээгүй сагта Бурхан эдэ бүгэдые хүнүүдтэ хүлисэдэг байгаа. Харин мүнөө хаа хаанагүй ажаһуудаг хүн зониие нүгэл үйлэдэхэеэ болихыень Бурхан захирна,

Римэйхиндэ 1:32

Тиимэ юумэ үйлэдэжэ байһан хүн бүхэн үхэлдэ хүртэхэ табилантай гэжэ Бурханай хэлэһые мэдэжэ байһаншье һаа, тэдэнэр нүгэлтэ юумэ хэжэл байдаг, үшөө тиихэдэ бусад зониие тиимэ юумэ үйлэдүүлхэдэ түлхидэг юм.

Римэйхиндэ 2:12

Бусад арадуудта Моисейн Хуули байгаагүй. Тэдэнэр Хуулигүйгөөр нүгэл шэбэл хээ, тиимэһээ Хуулигүйгөөр хосорхо. Еврейнүүд Хуулитай байгаа. Тэдэнэр Хуули доро нүгэл шэбэлээ хээ, тиин Хуулиин ёһоор гэмнүүлэн шүүлгэхэ юм.

Римэйхиндэ 2:15

Тэдэнэр өөрынгөө үйлэ хэрэгүүдээр Хуулиин эрилтэнүүдэй зүрхэ сэдьхэлдэнь бэшээтэй байһые харуулна. Тэдэнэй һэшхэлшье тэрэ ушар гэршэлнэ: заримдаа һанал бодолнуудынь тэдэниие зэмэлнэ, заримдаа хамгаална.

Римэйхиндэ 2:27

Тиимэһээ хэзээшье отолуулаагүй Хуули сахидаг хүн бүхэн еврейнүүдые гэмнэхэ бэшэ аал? Таанад отолуулһан байнат, Хуулитай байнат, гэхэдэ таанад тэрэ Хуули сахинагүйт.

Коринфынхидтэ 1-дэхи 11:14

Эрэ хүн ута үһэ табихадаа, өөрыгөө гутаадаг гэжэ оршолон һургана бэшэ аал?

Коринфынхидтэ 1-дэхи 9:21

Хуулигүй бусад арадуудай дунда байхадаа, би тэдэниие татахын тула Хуулигүй бусад арадай түлөөлэгшэдэл адляар байгааб. Тиихэдээ би Бурханай Хуулиин мэдэлһээ гараагүйб, Христосой Хуули баримталжа байгааб.

Эфесэйхиндэ 2:12

тиихэдэ таанад Христосгүй амидардаг байгаат. Таанад Бурханай шэлэһэн хүнүүдэй тоодо ородоггүй байгаат. Бурханай өөрынгөө хүнүүдтэ үгэһэн найдуулгада, тэрэнэй Хэлсээндэ таанад ямаршье хабаагүй байгаат. Таанад энэ газар дэлхэй дээрэ найдалгагүй, Бурхангүй амидаржа байгаа һэнта.

Эфесэйхиндэ 2:3

Бидэ булта тэдэ зондол адли Бурханай мэдэлдэ байдаггүй байгаабди, өөһэдынгөө бэеын ба һанал бодолой хүсэлэнгүүдые ханган, махабад бэеын жама ёһоор амидаржа байгаабди. Тиимэһээ өөһэдынгөө мүн шанарһаа боложо, бидэ хүн бүхэндэл адли Бурханай уур сухалһаа зобохо табилантай бэлэйбди.

Филиппынхидтэ 4:8

Аха дүүнэрни, таанад һанал бодолдоо үнэн зүб, шулуун сэхэ, һайн һайхан, арюун сэбэр, илдам налгай, магтаалда хүрэмөөр юумэнүүд тухай сэдьхэжэ ябагты гэжэ түгэсхэлдөө захиха байнаб.