Римэйхиндэ 16:25 - Шэнэ Хэлсээн

²⁵ Бурханда магтаал соло дуудая! Тэрэ болбол Иисус Христос тухай минии номноһон Һайн Мэдээсэлэй ёһоор танай этигэл һүзэгые бэхижүүлхэ аргатай юм. Урдань тэрэ Һайн Мэдээсэл үни удаан саг соо далда нюуса байгаа.

Библи

²⁵ Бурханда магтаал соло дуудая! Тэрэ болбол Иисүүс Христоос тухай минии номноһон Һайн Мэдээсэлэй ёһоор танай һүзэгые бэхижүүлхэ аргатай. Урдань тэрэ Һайн Мэдээсэл үни удаан саг соо далда нюуса байгаа.

Римэйхиндэ 16:25 ပူးပေါင်းရင်းမြစ်များ

Матвей 13:17

Олон лүндэншэд, Бурханай хүнүүд таанадай хаража байһан юумэ харахые ехээр хүсэбэшье, хараагүй, таанадай дуулажа байһан юумэ дуулаха дуратай байгаад, дуулажа шадаагүй гэжэ таанадта баталан хэлэнэб.

Матвей 13:35

«Би һургаалта үгэнүүдые тэдэндэ хэлэхэб, юртэмсын бүтээгдэхэһээ нааша нюуса байһан бүхы юумэнүүдые тайлбарилхаб», – гэжэ лүндэншын хэлэһэниинь бүтэжэ байгаа.

Матвей 20:7

Тэдэнь: „Маниие хэншье хүлһэлөөгүйл“, – гэжэ харюусаба. Тиихэдэнь тэрэ хүн: „Зай, тиимэ һаа, таанар минии үзэмэй сэсэрлигтэ ошожо ажаллагты“, – гэжэ хүнүүдтэ хэлэбэ.

Хэрэгүүд 20:32

Би таанадые Бурханда, Бурханай үршөөл хайра тухай һургаалда даалганаб. Бурханай үршөөл хайра тухай һургаал таанадые үлүү һайн һургажа магадгүй. Һүзэглэгшэ зондо бэлдээтэй зөөри зөөшэһөө тэрэ һургаал таанадта баһа үгэхэ.

Хэрэгүүд 9:20

Иисус болбол Бурханай Хүбүүн гэжэ мүргэлэй гэрнүүдтэ номножо захалба.

Римэйхиндэ 11:25

Аха дүүнэр, өөһэдыгөө сэсэн ухаатайбди гэжэ бодожо байхагүйнтнай тула энэ нюуса үнэниие таанадта мэдүүлхэ һанаатайб. Израилиин зарим хүн зон хододоо тиимэ зүрюу байхагүй, тэдэнэр шэлэгдэһэн бусад арадуудай бүрин Бурханда ерэтэр лэ тиимэ байха.

Римэйхиндэ 14:4

Ондоо хүнэй зарасые шүүбэрилжэ байхаар ши хэн гээшэбши? Тэрэ хүнэйшни эзэниинь лэ зарасынгаа зүб гү, али буруу байһыень мэдэхэ юм. Тэрэ зүб байха, юундэб гэбэл, Дээдын Эзэн тэрэниие зүб байлгаха арга хүсэтэй юм.

Римэйхиндэ 16:24

Манай Дээдын Эзэн Иисус Христосой үршөөл хайра та бүхэнтэй оршожо байһай!

Римэйхиндэ 2:16

Тон энээндэл адляар номноһон Һайн Мэдээсэлэймни ёһоор тэрэ Үдэр Иисус Христосой ашаар бүхы хүнүүдэй нюуса һанал бодолнуудыень Бурхан гэмнэн шүүхэ юм.

Коринфынхидтэ 1-дэхи 1:23

Харин бидэ саазалуулагдаһан Христос тухай, еврейнүүдэй дурые гутаадаг, бусад арадуудта, ямаршье удхагүй байдаг мэдээсэлые номнонобди.

Коринфынхидтэ 1-дэхи 2:7

Минии номнодог сэсэн ухаан хүнүүдһээ далда хадагалагдаһан Бурханай нюуса ухаан юм, гэхэтэй зэргэ Бурхан манай магтаал солотой байхын тула газар дэлхэйн үшөө бүтээгдээгүй байхада тэрэ ухаа заяагаа юм.

Коринфынхидтэ 1-дэхи 4:1

Бурханай нюуса тайлбарилжа байхаар табигдаһан юрэ Христосой зарасанар байһыемнай таанад ойлгохо ёһотойт.

Коринфынхидтэ 2-дохи 4:3

Хэрбээ манай номножо байһан Һайн Мэдээсэл далда байгаа һаа, тэрэ гансал хосоржо байһан зондо далда байха.

Коринфынхидтэ 2-дохи 4:5

Бидэ өөһэдыгөө номноно бэшэбди, харин Иисус Христосые Дээдын Эзэн байна гэжэ, бидэ Иисусай аша туһада танай зарасанар байнабди гэжэ номнонобди.

Галадуудта 2:2

Бурханай хүсэһэн хадань би иишэ ерээ һэм. Дэмы юумэ хэжэ байгаагүйгөө тодорхойлхын тула би бусад арадуудта номнодог һургаалаа эгээн хүндэтэ багшанарта баһа хөөрөө бэлэйб.

Эфесэйхиндэ 1:9

зориһон юумээ бүтээгээ, Христосоор дамжан бүтээхэ гэжэ анханһаа шиидэһэн өөрынгөө эрхэ мэдэлэй нюусые бидэндэ нээгээ.

Эфесэйхиндэ 3:11

Замбуулин дэлхэйе бүтээхэһээ урда түлэблэжэ байһан юумэеэ Бурхан манай Дээдын Эзэн Иисус Христосой ашаар бэелүүлээ.

Эфесэйхиндэ 6:19

Һайн Мэдээсэл тухай нюуса зоригтойгоор тайлбарилан элирүүлхэдэмни Бурханай намда хэрэгтэй үгэнүүдые үгэжэ байхын тула минии түлөө баһа зальбаржа байгты.

Колоссынхидтэ 2:2

Тэдэниие урмашуулхын, хайра дураарнь нэгэдүүлхын тула, үнэн зүб ойлгосо үгэдэг баталаатай баялигаар элбэг байлгахын тула би тиигэжэ хүдэлнэб. Тиигэжэл тэдэ зон Бурханай нюусые, Христосые мэдэхэ.

Колоссынхидтэ 4:3

Христос тухай нюусые тайлбарилхадамнай, Бурханай үгые дэлгэрүүлхэдэмнай, Бурханай бидэндэ һайн боломжо үгэжэ байхынь тулада, таанад бидэнэйшье түлөө баһа зальбаржа байгты. Христос тухай номноһонойнгоо түлөө би мүнөө түрмэдэ һуужа байнаб.

Фессалоникиинхидтэ 1-дэхи 3:13

Тиигэбэл Дээдын Эзэн Иисусай өөрынгөө хүнүүдтэй хүрэжэ ерэхэдэнь, Эсэгэ Бурханай урда нүгэлгүй, арюун сэбэр байхынтнай тула Дээдын Эзэн таанадые бэхижүүлхэ.

Фессалоникиинхидтэ 2-дохи 2:14

Бидэнэй таанадта номноһон Һайн Мэдээсэлэй ашаар абарагдахынтнай тула Бурхан таанадые дуудаа юм. Дээдын Эзэн Иисус Христосой алдарые хубаалсахаар тэрэ таанадые дуудаа.

Фессалоникиинхидтэ 2-дохи 3:3

Гэхэдэ Дээдын Эзэн этигэл найдабаритай юм. Тиимэһээ тэрэ таанадые батажуулжа, шолмосһоо аршалжа байха.

Тимофейдэ 2-дохи 1:9

Бурхан хэһэн хэрэгүүдэймнай түлөө бидэниие абараа бэшэ, харин өөрынгөө һайн хүсэлөөр ба үршөөл хайраар бидэниие абаржа, гэгээн арад болгохоёо дуудаа юм. Бурхан сагай урадхалай эхи абахаһаа урда бидэндэ Иисус Христосой ашаар өөрынгөө үршөөлые хайрлаа юм.

Тимофейдэ 2-дохи 2:8

Минии номноһон Һайн Мэдээсэлэй ёһоор үхөөд амидырһан Давидай үри һадаһан болохо Иисус Христосые һанажа байгаарай.

Еврейнүүдтэ 7:25

Тиимэһээ зониие үргэлжэ абаржа байха аргатай тэрэ санаарта хэтын хэтэдэ амиды байжа, тэрээгүүр дамжан Бурханда ерэһэн хүнүүдэй түлөө Бурханай урда гуйдаг юм.

Пётрой 1-дэхи хандалга 1:20

Юртэмсэ дэлхэйн зохёон бүтээгдэхэһээ урда таанадайл аша туһада Бурхан Христосые шэлэжэ абаа юм, үе сагай дүүрэжэ байхада тэрэниие элирхэйлэн харуулаа юм.

Пётрой 1-дэхи хандалга 5:10

Зүгөөр танай зоболонгууд һаядаа дууһаха. Иисус Христостой нэгэдүүлэн, мүнхэ алдараараа хубаалсахын тула таанадые дуудаһан, элдэб үршөөлнүүдэй эхин болохо Бурхан таанадые заһаха, бэхижүүлхэ, хүсэ шадалтай болгохо, батадхаха.

Гэршэлгэ 10:7

Теэд Бурханай долоодохи эльгээмэлэй бүреэгээ дуугаргахадань, Бурханай нюуса түсэб бүрин бэелүүлэгдэхэ. Бурхан энэ түсэб тухай өөрынгөө зарасанар-лүндэншэдтэ урид мэдээсэһэн байгаа».