Римэйхиндэ 16:17 - Шэнэ Хэлсээн

¹⁷ Аха дүүнэр, таанадай һуража абаһан бүхы юумые буруушаан, бэрхэшээл зоболон тулгаруулдаг, һүзэглэгшэдэй бүлгэмые хоорондонь хубаадаг хүнүүдһээ болгоомжолжо байгты гэжэ гуйнаб. Таанад тиимэ зонһоо зайсажа байгты.

Библи

¹⁷ Аха дүүнэр, таанадай һуража абаһан бүхы юумые буруушаан, бэрхэшээл зоболон тулгаруулдаг, һүзэглэгшэдэй бүлгэмые хоорондонь хубаадаг хүнүүдһээ болгоомжолжо байгты гэжэ гуйнаб. Таанад тиимэ зонһоо зайсажа байгты.

Римэйхиндэ 16:17 ပူးပေါင်းရင်းမြစ်များ

Матвей 18:17

Тэдэнииешье дуулахаяа арсабалнь, һүзэглэгшэдэй бүлгэмдэ дуулга. Хэрбээ һүзэглэгшэдэй бүлгэмые дуулахаяа арсабалнь, ши тэрэ хүндэ ондоо яһатанай хүндэ гү, али алба татаашада хандаһандал адляар хандажа бай.

Матвей 18:7

Хүнүүдые нүгэл хилэнсэдэ түлхидэг юумэнүүдһээ боложо газар дэлхэйдэ уй гашуудал тулгарна. Зүгөөр хүнүүдые нүгэл хилэнсэдэ түлхидэг юумэнүүд ходо олдоод лэ байха, тиигээд нүгэл хилэнсэдэ түлхигшэ аймшагтай уй гашуудал үзэхэ.

Матвей 7:15

Хуурмаг лүндэншэдһөө болгоомжолжо байгты. Тэдэнэр гадаада талаһаа хонид байһан хэбэр үзүүлэн таанадта ерэбэшье, досоогоо арьяатан шоно мэтэ байха.

Лука 17:1

Иисус шабинартаа хэлэбэ: «Хүнэй хорхойтожо, нүгэл хэхэ юумэн олон байдаг. Зүгөөр нүгэл хүүлэгшэ уй гашуудал үзэхэ!

Хэрэгүүд 15:24

Зарим һүзэглэгшэднай манһаа абаагүй захиралтаар һанал бодолыетнай һамааруулна, таанадые зобооно гэжэ бидэ дуулаабди.

Коринфынхидтэ 1-дэхи 11:18

Нэн түрүүн, танай бүлгэм суглархадаа хоорондоо хубаарана гэжэ би дуулааб, нэгэ талаараа тиимэл байха гэжэ би бодоноб.

Коринфынхидтэ 1-дэхи 3:3

Ушарынь юуб гэхэдэ, таанад үшөөл энэ дэлхэйн хүнүүдэй жама ёһоор ажамидарнат. Бэе бэедээ атаархалдадаг, хоорондоо арсалдадаг байһантнай таанадай энэ дэлхэйн хүнүүдэй заншалаар бэеэ абажа ябадаг энэ дэлхэйн хүнүүд байһыетнай харуулна бэшэ аал?

Галадуудта 2:4

Гансал худал хуурмаг һүзэгтэн энээн тухай хэлээ һэн. Иисус Христосой бидэндэ үгэһэн эрхэ сүлөө тухай тэдэнэр мэдэжэ, бидэниие дахин дарлаха һанаатайгаар тагнуулшад мэтэ мэхэ гохо гарган, бидэнэй дунда нюусаар шурган ороо бэлэй.

Филиппынхидтэ 3:17

Аха дүүнэрни, намайе һажаажа байгты. Манай таанадта харуулһан үльгэр жэшээгээр ажамидаржа байдаг хүнүүдые хаража, дуряажа байгты.

Колоссынхидтэ 2:8

Христосһоо бэшэ, харин замбуулиниие захирһан хүсэнүүдһээ, хүнүүдэй хөөрэдэг үльгэрнүүдһээ эхи абадаг дэмы хооһон, хуурмаг үгэнүүдэй эльбэдэ абтаад, богоолшолуулхаһаа һэргылэгты.

Фессалоникиинхидтэ 2-дохи 3:6

Аха дүүнэрни, бидэнэй үгэһэн захяа заабариие сахидаггүй, журамгүй һүзэглэгшэдһөө зайсажа байгты гэжэ Дээдын Эзэн Иисус Христосой нэрэ алдараар таанадтаа захиран ханданабди.

Тимофейдэ 1-дэхи 1:3

Македони ошоходоо би шамайе Эфес хотодо үлэхыешни гуйгаа һэнби. Зарим хүнүүд тэндэ хуурмаг юумэндэ һургажа байна, ши тэдэниие зогсоохо ёһотойш.

Тимофейдэ 2-дохи 3:5

Бурханда һүзэглэһэн хэбэр үзүүлээд, үнэн дээрээ сэдьхэлдээ ямаршье һүзэггүй хүнүүд байха. Тиимэ хүнүүдһээ зайсажа байгаарай.

Тидтэ 3:10

Хэрүүл татагшадта хоёр дахин ухаа заагаад, удаань тэдэнһээ холодожо байгаарай.

Иоаннай 1-дэхи хандалга 2:19

Христосой дайсад маниие хаяад ябаа һэн, теэд тэдэнэр манай хүнүүд байгаа гэхын аргагүй. Хэрбээ манай хүнүүд байгаа һаа, тэдэнэр манаар сугтаа үлэхэ һэн. Теэд бидэниие орхёод ошоһон ушарынь тодоруулбал, тэдэ манай хүнүүд бэшэ һэн.

Иудын хандалга 1:19

Тэдэ зонһоо боложо хүнүүд эбээ таһалдаг, тэдэ зон махабад бэеынгээ хүсэлэнгүүдтэ хүтэлүүлэн, Нангин Һүлдэгүй ажамидардаг.