Римэйхиндэ 14:19 - Шэнэ Хэлсээн

¹⁹ Тиимэһээл бидэ энхэ тайбаниие найруулдаг, бэе бэеынгээ этигэл һүзэг бэхижүүлдэг юумэнүүдтэ зорижо байха ёһотойбди.

Библи

¹⁹ Тиимэһээл бидэ энхэ тайбаниие найруулдаг, бэе бэеынгээ һүзэг бэхижүүлдэг юумэнүүдтэ зорижо байха ёһотойбди.

Римэйхиндэ 14:19 ပူးပေါင်းရင်းမြစ်များ

Матвей 5:9

Амгалан байдал найруулагшад жаргалтайл, Бурхан тэдэниие үхибүүдни гэжэ нэрлэхэл.

Марк 9:50

Дабһан болбол һайн юумэн гээшэ, теэд амтаяа гээхэдэнь, дахин яажа гашуун болгохобта? Таанад досоогоо дабһатай байгты, хоорондоо эбтэй эетэй ажамидарагты».

Римэйхиндэ 12:18

Хүн бүхэнтэй эбтэй эетэй байхын тула бүхы шадалаараа шармайжа байгты.

Римэйхиндэ 15:2

Бусад һүзэглэгшэдэй эрхим һайн байхын түлөө, этигэл һүзэгынь бата бэхи болгохын тула бидэ булта тэдэндэ аша туһатай юумэ хэхэ ёһотойбди.

Коринфынхидтэ 1-дэхи 10:23

Бидэ ямаршье юумэ хэхэ эрхэтэйбди гэжэ зарим хүнүүд хэлэдэг, гэхэтэй сасуу бүхы юумэн һайн бэшэ юм. «Бидэ ямаршье юумэ хэхэ эрхэтэйбди», гэхэтэй сасуу бүхы юумэн аша туһатай бэшэ юм.

Коринфынхидтэ 1-дэхи 10:33

Ямаршье юумэ хэхэдээ, би өөрынгөө һайн һайханай түлөө бэшэ, харин бүхы хүнүүдэй абарагдахын тула тэдэнэй һайн һайханай түлөө оролдодогби.

Коринфынхидтэ 1-дэхи 14:26

Тиигээд юун гэжэ хэлэхэбиб, аха дүүнэр? Танай суглархада нэгэнтнай бурханай дуунуудтай, нүгөөдэтнай һургаалтай, үшөө нүгөөдэтнай Бурханай нээжэ үгэһэн мэдээсэлтэй, заримантнай танигдахагүй хэлэнүүд дээрэ үгтэһэн мэдээсэлтэй, нүгөө заримантнай хэлэгдэһэн юумэнэй тайлбарилгатай байдаг. Эдэ бүгэдэ булта һүзэглэгшэдэй бүлгэмэй аша туһада юм.

Коринфынхидтэ 1-дэхи 14:3

Харин Бурханай мэдээсэлые зондо элирүүлһэн хүнүүд тэдэ зониие һургана, урмашуулна, һанааень заһана ха юм.

Коринфынхидтэ 1-дэхи 14:4

Танигдахагүй хэлэнүүд дээрэ дуугардаг хүнүүд өөһэдыгөө һургана, харин Бурханай мэдээсэл элирүүлһэн хүнүүд һүзэглэгшэдэй бүхы бүлгэмые һургана гээшэ.

Коринфынхидтэ 1-дэхи 14:5

Тиимэһээ танигдахагүй хэлэнүүд дээрэ дуугарһайт гэжэ би та бүхэндэ хүсэнэб, гэхэтэй сасуу Бурханай мэдээсэл элирүүлхэ абьяастай байһайт гэжэ би бүришье ехээр хүсэнэб. Юундэб гэхэдэ, мэдээсэл элирүүлһэн хүн танигдахагүй хэлэнүүд дээрэ дуугаржа байһан хүнһөө бүри шухала, зүгөөр һүзэглэгшэдэй бүлгэмдэ һургаал дамжуулхын тула танигдахагүй хэлэн дээрэ хэлэһэн юумэеэ тайлбарилха аргатай хүниие би энэ тоодо оруулнагүйб.

Коринфынхидтэ 1-дэхи 7:15

Һүзэглэдэггүй хүн һүзэглэдэг ханиһаан һалаха хүсэлтэй байбал, һалаг лэ. Тиимэ ушарта һүзэглэдэг ханинь, эхэнэршье хүн байг, эрэшье хүн байг, дураараа болог. Бурхан бидэниие энхэ тайбан ажамидархымнай түлөө дуудаа юм.

Коринфынхидтэ 1-дэхи 8:1

Мүнөө таанадай бэшэһэн онгонуудта үргэгдэһэн эдеэн тухай хөөрэлдэе. Бидэ булта мэдэлгэтэйбди гэжэ тэдэнэй хэлээшэ үнэн зүб юм. Гэхэдэ тиимэ мэдэлгэ хүниие омог бардам болгодог, харин хайра дуран бэхижүүлдэг юм.

Коринфынхидтэ 2-дохи 12:19

Таанадай урда бэеэ хамгаалжа байнабди гэжэ ман тухай таанад саг үргэлжэ бодожо байнат гэжэ би мэдэнэб. Бидэ Бурханай урда Христосой маанадһаа дуулаха дуратай юумыел хэлэнэбди. Тиин, инаг хайрата аха дүүнэрни, маанадай бэшэжэ байһан юумэнүүд таанадайл аша туһада бэшэгдэнэ.

Коринфынхидтэ 2-дохи 13:11

Мүнөө, аха дүүнэрни, баяртай! Заһарха гэжэ оролдожо, хэлэһэн юумэнүүдыемни анхаржа, хоорондоо эбтэй эетэй, энхэ тайбан байгыт даа. Хайра дуран ба энхэ тайбан үршөөдэг Бурхан таанадтай оршожо байһай!

Эфесэйхиндэ 4:12

Тэрэ Бурханай хүнүүдые Бурханда алба хэхэ ажалда бэлдэхын тула, Христосой бэеые бодхохын тула тиигээ юм.

Эфесэйхиндэ 4:29

Хорото үгэнүүд аманһаатнай бү гараг. Шагнажа байһан хүнүүдтэ хэрэгтэй, һүзэгыень бэхижүүлхэ аргатай, аша туһатайл үгэнүүдые хэлэжэ байгты.

Тимофейдэ 1-дэхи 1:4

Арсалдаан лэ гаргадаг үльгэрнүүдээ, дууһашагүй угай бэшэгүүдээ хөөрэхэеэ болигты гэжэ тэдээндэ захираарай. Һүзэгынь Бурханай түсэбтэй таарахагүй байһаниинь мэдээжэ.

Тимофейдэ 2-дохи 2:22

Залуугай ташаяанһаа зугадажа, Дээдын Эзэндэ үнэн зүрхэнһөө зальбаржа байһан зоноор хамта үнэн зүбые баримталжа, һүзэглэжэ, хайра дуратай, амгалан тайбан байгаарай.

Еврейнүүдтэ 12:14

Хүн бүхэнтэй эбтэй эетэй байхые, арюун амидаралтай һуухые оролдожо байг, тиигээгүй хүнүүд Эзэн Бурханиие харахагүй.

Пётрой 1-дэхи хандалга 3:11

Тэрэ хүн нүгэл үйлэдэхэеэ болёод, һайн һайхан хэрэгүүдые бүтээжэ байг, энхэ тайбан байдалые найруулжа байг, энхэ тайбан байдалые тогтоожо байг.