Матвей 26:18 - Шэнэ Хэлсээн

¹⁸ «Тиимэ нэгэ хүндэ хото ошоод: „Минии саг ойртобо, би шабинартаяа хамта Паасхын хоол гэртэшни барихамни гэжэ багшамнай хэлэнэ“, – гээд хэлээрэйгты», – гэжэ Иисус шабинартаа захиба.

Библи

¹⁸ – Тиимэ нэгэ хүндэ хото ошоод: «Минии саг ойртобо, Би шабинартаяа хамта Паасхын хоол гэртэшни барихамни гэжэ багшамнай хэлэнэ», – гээд хэлээрэйгты, – гэжэ Иисүүс шабинартаа захиба.

Матвей 26:18 ပူးပေါင်းရင်းမြစ်များ

Матвей 21:3

Таанарта хэн нэгэнэй юумэ хэлээ һаань, „Эдэнэр Эзэндэ хэрэгтэй болоо“ гэжэ харюусаарайт, тиихэдэтнай элжэгэнүүдые абажа ябахыетнай дары зүбшөөхэ».

Матвей 23:10

Баһа „һургагша“ гэжэ өөһэдыгөө бү нэрлэгты, юундэб гэбэл, гансал Бурханай табисуурта Христос танай һургагша юм.

Матвей 23:8

Теэд таанарай хэншье багша гэжэ өөрыгөө нэрлүүлхэ ёһогүй, юундэб гэбэл, таанар ори ганса багшатайт, тиин таанад бултадаа аха дүүнэр гээшэт.

Матвей 26:19

Шабинарынь Иисусай хэлэһэн ёһоор боложо, Паасхын хоол бэлдэбэ.

Матвей 26:2

«Хоёр хоноод, Паасхын һайндэр болохо гэжэ мэдэнэт, тиихэдэ Хүн түрэлтэнэй Хүбүүниие хэрээһэндэ хадажа саазалха», – гэжэ хэлэбэ.

Матвей 26:49

Иуда сэхэ Иисуста дүтэлэн ерэжэ: «Рабби, амар мэндэ!» – гэмсээрээ тэрээниие таалаба.

Марк 5:35

Тиигэжэ байтарынь мүргэлэй гэрэй даргада хэдэн хүн ерэжэ: «Басаганшни наһа бараа, ши багшые бү тухашаруула», – гэжэ хэлэбэ.

Лука 22:53

Теэд үдэр бүхэн таанадтай хамта Бурхан Һүмэ соо байхадамни намайе бариха гэжэ забдаагүй һэнта. Харин мүнөө харанхы хара хүсэнэй эзэрхэхэдэ, танай саг ерээ гээшэ».

Иоанн 11:28

Тиигэжэ хэлээд, Марфа Мария эгэшэдээ ошожо һэмээхэнээр: – Багша эндэ ерээд байна, тэрэ шамайе ерэ гэнэ, – гэбэ.

Иоанн 12:23

Иисус харюусаба: – Хүн түрэлхитэнэй Хүбүүнэй алдар соло элирхэ саг ерэбэ!

Иоанн 13:1

Иимэ ушар Паасхын һайндэрэй урдахана болоо һэн. Энэ дэлхэйе орхёод, Эсэгэдээ бусаха сагни ерэбэ гэжэ Иисус мэдэжэ байгаа. Энэ дэлхэйдэ үлэхэ шабинартаа тэрэ аргагүй дуратай һэн. Мүнөө тэрэнээ Иисус тон элеэр харуулба.

Иоанн 17:1

Эдэ үгэнүүдэйнгээ һүүлээр Иисус тэнгэри өөдэ хараад, иигэжэ хэлэбэ: – Эсэгэ аа! Сагни ерэбэ. Хүбүүнэйшни шиниингээ нэрэ алдаршуулхын тула ши Хүбүүгээ алдаршуула.

Иоанн 20:16

– Мария! – гэбэ Иисус. Мария гэдэргээ эрьен хараад: – Раббуни! – гэжэ еврей хэлэн дээрэ хашхараад абаба (энэнь «багша» гэһэн удхатай үгэ).

Иоанн 7:30

Тиигэжэ хэлэхэдэнь Иисусые засагаархин барижа хаахаяа һанаба, теэд хэншье тэрээнэй ойро хүрэбэгүй, юундэб гэхэдэ, тэрэнэй сагынь үшөө ерээдүй байгаа.

Иоанн 7:6

Иисус аха дүүнэртээ иигэжэ харюусаба: – Минии саг үшөөл ерээдүй байна. Таанарта ямаршье саг таараха ха юм.

Иоанн 7:8

Таанар һайндэртээ ошогты. Би тэрэ найрта ошохогүйб, минии саг үшөө ерээдүй байна.