Марк 10:14 - Шэнэ Хэлсээн

¹⁴ Тиигэхыень ойлгоходоо, Иисус уурлажа: «Үхибүүдые наашань табигты, намда ерэхэдэнь һаалта бү хэгты, ушарынь юуб гэбэл, эдэ үхибүүдтэл адли зон Бурханай хаан түрын мэдэлдэ юм.

Библи

¹⁴ Тиигэхыень хараад, Иисүүс уурлажа: – Үхибүүдые наашань табигты, Намда ерэхэдэнь һаалта бү хэгты. Эдэ үхибүүдтэл адли зон Бурханай хаан түрын мэдэлдэ юм.

Марк 10:14 ပူးပေါင်းရင်းမြစ်များ

Матвей 18:10

Таанад эдэ багашуулай нэгыеньшье доогуур бү харагты, тэдэнэй тэнгэридэ оршогшо һахюуһан – Эльгээмэлнүүдынь – минии Эсэгын шарайе хододоо тэнгэридэ хаража байдаг юм гэжэ танда хэлэнэб.

Матвей 18:4

Энэ үхибүүндэл адли хэн номгон даруу болоноб, тэрэ Огторгойн хаан түрэдэ үлэмжэ ехэнь гээшэ.

Матвей 19:14

Теэд Иисус: «Үхибүүдые наашань табигты, намда ерэхэдэнь һаалта бү хэгты, юундэб гэхэдэ, эдэ үхибүүдтэ адлишуу хүнүүд лэ Огторгойн хаан оронойхин юм», – гэжэ хэлээ.

Матвей 5:10

Бурханай эрхэ хүсэлөөр ажаһууһанайнгаа түлөө хашуулагшад жаргалтайл, Огторгойн хаан түрэ тэдэнэй ха юм.

Матвей 5:3

«Бурханай Һүлдөөр дуталдагшад, жаргалтайл, Огторгойн хаан түрэ тэдэнэй ха юм.

Марк 3:5

Иисус тэдэниие сухалтайгаар хараад, зүрхэ сэдьхэлэйнь мохооршоһондо уйдан гашуудажа, үбшэн хүндэ хандан: «Гараа һарбай», – гэбэ. Үбшэн хүнэй гараа һарбайхадань, хатаһан гарынь эдэгэшэһэн байгаа.

Марк 8:33

Харин Иисус шабинар тээшээ эрьен хараад, Пётрые зэмэлэн: «Холо боло намһаа, сатана! Шинии һанал бодолнуудшни Бурханһаа үршөөгдэнэ бэшэ, харин хүн шанарһаашни бүрилдэнэ!» – гэбэ.

Иоанн 3:3

– Дахин түрэһэн лэ хүн Бурханай хаан орониие үзэхэ гэжэ би шамда үнэниие хэлэнэб! – гэжэ Иисус тэрээндэ харюусаба.

Иоанн 3:5

– Би шамда үнэниие хэлэнэб: уһанһаа, Һүлдэһөө түрэһэн хүн лэ Бурханай хаан орондо орожо шадаха!

Хэрэгүүд 2:39

Таниие, танай хүүгэдые болон Дээдын Эзэнэй, манай Бурханай өөртөө уряалһан, холууршье байһан хүн бүхэниие, Бурхан найдуулһан байгаа, – гэжэ Пётр тэдээндэ харюусаба.

Хэрэгүүд 3:25

Таанад лүндэншэдэй үри һадаһад мүн гээшэт, тиин танай үбгэ эсэгэнэрэй Бурхантай баталһан хэлсээндэ таанад баһа хабаатай болонот. «Шинии үри һадаһаар дамжан бүхы дэлхэйн арад зон үршөөл хайрада хүртэхэ», – гэжэ Бурхан Абраһамда хэлэһэн байна.

Римэйхиндэ 11:16

Хэрбээ дээжынь Бурханда зорюулаатай байбал, үлэһэнииньшье арюун сэбэр байхал. Хэрбээ модоной үндэһэниинь Бурханда зорюулаатай байбал, эшэ һалаануудыньшье баһа арюун сэбэр байха юм.

Римэйхиндэ 11:28

Бусад арадууд таанадай аша туһада Һайн Мэдээсэлые буруушааһан еврейнүүд Бурханай дайсадынь болоо. Харин Бурханай шэлэжэ абаһанай, үбгэ эсэгэнэртэнь үгэһэн найдуулгын ашаар тэдэнэр Бурханай нүхэдынь юм.

Коринфынхидтэ 1-дэхи 14:20

Аха дүүнэр, таанад үхибүүдтэл адляар бодомжолхоёо болигты. Нүгэл шэбэлэй талаар зэмэгүй хүүгэд байгты, харин бодомжолходоо наһаяа хүсэһэн хүнүүд байгты.

Коринфынхидтэ 1-дэхи 7:14

Юундэб гэхэдэ, һүзэглэдэггүй эрэ һүзэглэдэг һамганайнгаа ашаар арюудхагдана, тон тиигэжэл һүзэглэдэггүй эхэнэр һүзэглэдэг нүхэрэйнгөө ашаар Бурханай урда арюудхагдана гээшэ. Тиигээгүй һаа, тэдэнэй үхибүүдынь сэбэр бэшэ байха һэн, үнэндөө болбол тэдэ үхибүүд Бурханай урда арюун сэбэр юм.

Эфесэйхиндэ 4:26

Уур сухалда абтаһаншье һаа, нүгэл шэбэл бү үйлэдэгты, наранай орохоһоо урда уур сухалтнай бууран намдаг.

Тимофейдэ 2-дохи 1:5

Үнэн зүрхэнһөө Бурханда һүзэглэдэг байһыешни би һананаб. Лоида хүгшэн эжышни, Евника эхэшни үнэн зүрхэнһөө һүзэглэдэг бэлэй. Шишье баһал тиимэ һүзэгтэйш гэжэ би этигэнэб.

Тимофейдэ 2-дохи 3:15

шинии үхибүүн байха сагһаа мэдэдэг Нангин Бэшэг шамайе һургажа, сэсэн ухаатай болгоно. Тиин тэрэ ухаан Иисус Христосто этигэһэн һүзэгэйшни ашаар шамайе абарна.

Пётрой 1-дэхи хандалга 2:2

Һая түрэһэн үхибүүд яажа һүндэ дуратай байдаг бэ, тэдэндэл адляар таанадшье Бурханай Үгэдэ дуратай байгты. Тэрэнэй ашаар таанад ургахат, абарагдахат.

Гэршэлгэ 14:5

Тэдэнэр хэзээдэшье худал хуурмаг үгэ хэлэдэггүй, гэм зэмэгүй байһан юм.