Лука 7:16 - Шэнэ Хэлсээн

¹⁶ Хүн зон бүгэдэ айн һүрдэбэ, Бурханиие алдаршуулан магтаба: «Агууехэ лүндэншэ манай дунда мүндэлбэл, арад зондоо туһалхаяа Бурхан морилжо ерэбэл», – гэлдэбэ.

Библи

¹⁶ Хүн зон бүгэдэ айн һүрдэбэ, Бурханиие алдаршуулан магтаба: – Агууехэ лүндэншэ манай дунда мүндэлбэл, арад зондоо туһалхаяа Бурхан морилжо ерэбэл, – гэлдэбэ.

Лука 7:16 ပူးပေါင်းရင်းမြစ်များ

Матвей 15:31

Тиин хэлэгүй байһан зоной хэлэхые, бэртэһэн хүнүүдэй эдэгэхые, дохолонуудай ябахые, һохорнуудай хараатай болоһые хараһан зон аргагүй ехээр гайхаа бэлэй. Тиигээд Израилиин Бурханда алдар соло дуудаа һэн.

Матвей 21:11

«Энэ Иисус алдартай Галилейн Назаредэй лүндэншэн мүн», – гэжэ улад зон харюусажа байгаа.

Матвей 28:8

Тиимэһээ эхэнэрнүүд айһаншье, нүгөө талаһаа баярлаһаншье юумэд яаралтайгаар агы нүхэнһөө гаража, тэрэнэй шабинартань энэ мэдээсэл дуулгахаяа гүйлдэбэ.

Матвей 9:8

Улад зон энээниие хараад айн һүрдэбэ, хүн түрэлхитэндэ иимэ ехэ эрхэ засаг хайрлаһанайнь түлөө Бурханиие магтан алдаршуулба.

Лука 1:65

Энэ ушарһан гайхамшагта үйлэ хэрэг тухай һураг бүхы Иудейн хадалиг улас соогуур таража, оршондонь ажаһуудаг зон булта айн һүрдэбэ.

Лука 1:68

«Израилиин Бурхан болохо Дээдын Эзэндэ алдар соло дуудаял! Аюул оһолһоо абархаяа Тэрэ арадтаа ерээ.

Лука 19:44

тиигээд өөһэдыетнай, үри хүүгэдыетнай хюдажа, хотыетнай һандаргажа, үнэһэн тоборог болгохо. Юундэб гэхэдэ, Бурханай шамайе абарха гэжэ ерэһэн саг мэдээгүй бшууш», – гэжэ хэлэбэ.

Лука 2:20

Малшад Бурханай Эльгээмэлэй дуулгаһые нюдөөрөө хараһанайнгаа, шэхээрээ дуулаһанайнгаа түлөө Бурханаа алдаршуулан, магтан гэртээ харибад.

Лука 24:19

«Ямар ушарнууд юм?» – гэжэ харгынь хани урдаһаань асууба. Тиихэдэнь тэдэнэр иигэжэ хөөрэбэ: «Эдэ бүхы ушарнууд Назарет хотын Иисустай тохёолдоо. Бүтээһэн үйлэ хэрэгүүдээрээ, айладхаһан юумэнүүдээрээ тэрэ Бурханда болон хүн зондо таатай, һүр хүсэтэй лүндэншэ байһанаа харуулаа.

Лука 5:26

Хүн зон булта гайхажа сошожо, Бурханаа алдаршуулан: «Гайхалтай юумэ энэ үдэр үзэбэбди даа!» – гэжэ айн һүрдэн үгэлбэд.

Лука 5:8

Иимэ олзотой болоһон Симон Пётр Иисусай урда үбдэглэн һэхэрэн һүгэдэжэ: «Дээдын Эзэн аа, намайе орхижо ошогты! Би нүгэлтэй хүнби», – гэжэ хэлэбэ.

Лука 7:15

Наһа барагшань тэлүүр дээрээ һуугаад, юумэ хэлэжэ эхилээ һэн. Иисус тэрэ хүбүүе эхэдэнь абаашажа үгэбэ.

Лука 7:39

Гэртээ Иисусые уриһан фарисей иигэжэ байһыень хараад: «Энэ хүн үнэхөөрөө лүндэншэ байгаа һаа, хүлыень ямар эхэнэрэй хүрэжэ байһые мэдэхэл һэн даа; нүгэлтэй эхэнэр байна гэжэ тухайлхал һэн даа», – гэжэ зосоогоо бодобо.

Лука 8:37

Тэнсэлгүйгөөр айн һүрдэһэн Герасын бүхы зон Иисусые нютагһаань гаража ябахые гуйба. Иисус онгосодоо һуужа, Галилейдээ бусаба.

Лука 9:19

«Зариман таниие Уһаар арюудхагша Иоанн гэлсэнэ, нүгөө зариман Илия гэлсэнэ, харин бусадынь эртэ урдын лүндэншэдэй нэгэниинь амидыраа гэжэ һанана», – гээд шабинарынь харюусаба.

Иоанн 1:21

– Тиихэдээ ши хэн гээшэбши? Илия гүш? – гэжэ тэдэнь һураба. – Бэшэб. – Ерэхэ ёһотой тэрэ лүндэншэ гүш? – Бэшэб.

Иоанн 1:25

– Ши Бурханай табисуурта бэшэ, Илия бэшэ, тэрэ лүндэншэ бэшэ аад, юундэ хүнүүдые уһаар арюудханабши? – гэжэ тэдэ һурана.

Иоанн 4:19

Тиихэдэнь эхэнэр хүниинь: – Эзэмни аа, шинии лүндэншэ байһые би ойлгожо байнаб, – гэжэ Иисуста хэлэбэ. –

Иоанн 6:14

Иисусай хэһэн иимэ гайхамшаг хэрэгүүдые хараад: – Энэмнай газар дэлхэйн зондо заларжа ерэхэ ушартай байһан ёһоороол тэрэ лүндэншэ юм байна! – гэжэ хүнүүд хэлсэбэ.

Иоанн 9:17

Аргалуулһан хүнһөө тэдэ дахин һураба: – Тэрэ хүн шамайе юумэ харадаг болгоо гэнэш. Тэрээнэй тухай ши өөрөө юун гэжэ һананабши? – Лүндэншэ гэжэ һананаб, – гээд тэрэнь харюусаба.

Хэрэгүүд 5:5

Эдэ үгэнүүдые дуулахадаа Анания амяа табин унаба. Болоһон ушар тухай дуулаһан хүнүүд бултадаа аргагүй ехээр айн һүрдэбэ.

Хэрэгүүд 7:37

Эгээл тэрэ Моисей израильшуудта: «Бурхан намайе эльгээһэндээл адляар таанадай аха дүүнэрэй дундаһаа таанадта Лүндэншые шэлэн эльгээхэ», – гэжэ хэлээ бэлэй.

Галадуудта 1:24

Намтай тохёолдоһон ушарта баярлан, тэдэ һүзэглэгшэд Бурханиие алдаршуулжа байгаа.