Коринфынхидтэ 1-дэхи 7:2 - Шэнэ Хэлсээн

² Гэхэтэй сасуу ташаяан хурисалһаа бэеэ һэргылхын тула хүн бүхэн һамгантай байха, эхэнэр хүн нүхэртэй байха ёһотой.

Библи

² Гэхэтэй сасуу ташаяан хурисалһаа бэеэ һэргылхын тула хүн бүхэн һамгантай байха, эхэнэр хүн нүхэртэй байха ёһотой.

Коринфынхидтэ 1-дэхи 7:2 ပူးပေါင်းရင်းမြစ်များ

Матвей 5:32

Харин би мүнөө таанадта иигэжэ хэлэхэб: өөртэнь урбаагүй эхэнэрһээ бусад шалтагаануудаар һалаһан алишье эрэ һамгаяа урбалтада түлхинэ; мүн тиимэ эхэнэрээр һамга хэһэн хүн баһал урбагша болоно.

Коринфынхидтэ 1-дэхи 6:18

Ташаяан хурисалһаа зайсажа байгты. Хүнэй үйлэдэдэг бусад нүгэлнүүд махабад бэеые ехэ гэмдэ орууладаггүй юм, харин янхаржа байһан хүн өөрынгөө бэеые ехэл гэмдэ оруулна гээшэ.

Коринфынхидтэ 1-дэхи 7:1

Таанадай намда бэшэһэн юумэн тухай хэлэбэл, эрэ хүнэй һамга абаагүй һаань һайн юм.

Коринфынхидтэ 1-дэхи 7:3

Эрэ хүн һамганайнгаа урда өөрынгөө уялга гүйсэд дүүргэхэ албатай, тиин эхэнэр хүншье нүхэрэйнгөө урда өөрынгөө уялга гүйсэд дүүргэхэ албатай юм.

Коринфынхидтэ 1-дэхи 7:9

Харин тэдэ хүнүүдэй бэеэ бариха аргагүй байбал, гэрлэгты гэжэ хэлэхэ байнаб. Хүсэлэнгөөр бэеэ туляахын орондо гэрлэһэниинь дээрэ юм.

Эфесэйхиндэ 5:28

Тон тиигэжэл нүхэд өөһэдынгөө бэедэ дуратай байһандал адляар һамгадтаа дуратай байха ёһотой. Һамгандаа дуратай эрэ өөртөө дуратай гэһэн үгэ юм.

Эфесэйхиндэ 5:33

Гэхэдэ энэ бүхэн таанадташье хабаатай: ямаршье эрэ өөртөө дуратай байһандал адляар һамгандаа дуратай байха ёһотой, тиин ямаршье эхэнэр нүхэрөө хүндэлжэ ябаха ёһотой юм.

Фессалоникиинхидтэ 1-дэхи 4:4

Хүн бүхэнтнай бэеэ арюун нангин ба сэбэрээр абажа ябаха ёһотой.

Тимофейдэ 1-дэхи 4:3

Тэдэ зон гэрлэхые, зарим юумэ эдихые хорихо. Зүгөөр Бурхан тэрэ эдеэ хоолые баясхалан хүргэһэн зальбаралай һүүлдэ һүзэглэгшэдтэ, үнэн зүбые мэдэрһэн хүнүүдтэ эдихыень бүтээгөө юм.