Коринфынхидтэ 1-дэхи 4:10 - Шэнэ Хэлсээн

¹⁰ Бидэ Христосой түлөө тэнэг болообди, зүгөөр таанад Христостой хамтаран сэсэн мэргэн болобот! Бидэ ахир һулабди, тиихэдэ таанад хүсэтэй болобот! Бидэнэй нэрые гутаагаа, харин таанад алдар солодо хүртэбэт!

Библи

¹⁰ Бидэ Христоосой түлөө тэнэг болообди, зүгөөр таанад Христоостой хамтаран сэсэн мэргэн болобот! Бидэ ахир һулабди, тиихэдэ таанад хүсэтэй болобот! Бидэнэй нэрые гутаагаа, харин таанад алдар солодо хүртэбэт!

Коринфынхидтэ 1-дэхи 4:10 ပူးပေါင်းရင်းမြစ်များ

Матвей 24:9

Тэрэ үедэ таанарые барижа хааха, тамалха, алаха байха. Минии түлөө таанадые бүхы арадууд үзэн ядаха.

Матвей 5:11

Минии түлөө доромжолуулһан, хашуулжа намнуулһан, элдэбээр хардуулһан байбал, таанад жаргалтайт.

Лука 10:16

Түлөөлэгшэдни, таанадые шагнажа байһан хүнүүд намайешье шагнана, таанадые буруушааһан хүнүүд намайешье буруушаана. Харин намайе буруушааһан хүнүүд намайе иишэ эльгээһэн Бурханиие буруушаана гээшэ», – гэжэ хэлэбэ.

Лука 18:9

Өөһэд тухайгаа Бурханай эрхэ мэдэлые дүүргэнэбди гэжэ тоолоод, бусадые доромжолдог зарим хүнүүдтэ Иисус иимэ һургаалта үгэ хөөрэбэ:

Лука 6:22

Хүн түрэлхитэнэй Хүбүүнһээ боложо таанадые хүнүүдэй үзэн ядажа, доромжолоошье һаань, мүргэлэй гэрһээ намнаашье һаань, үнэн нэрыетнай гутаагаашье һаань, таанад жаргалтайт.

Хэрэгүүд 17:18

Эпикур болон стоик һургаалай философууд тэрээнтэй уулзажа: – Энэ хооһон үгэтэй хүн юу хэлэхэ һанаатай байнаб? – гэжэ нэгэ зариманиинь хэлсэжэ байба. – Үгы, энэшни хариин бурхадууд тухай номноно ха, – гэжэ нүгөөдүүлынь хэлэжэ байба. Юундэ тиигэжэ хэлсээб гэхэдэ, Павел Иисус тухай, тэрэнэй амидыралга тухай номноһон байгаа.

Хэрэгүүд 17:32

Үхэһэн хүнүүдые амидыруулһан тухай дуулахадаа, нэгэ зарим зон ташаганаса энеэлдэбэ, нүгөө зариманиинь: – Бидэ шамайе үшөө дахин шагнуужамди, – гэлдэбэ.

Хэрэгүүд 26:24

Иигэжэ Павелай өөрыгөө үмэглэжэ байхада Фест: – Павел шинии ухааншни муудаа! Ши ехэ эрдэм номһоо боложо үбэштэйрөөш, – гэжэ шангаар хашхарба.

Хэрэгүүд 9:16

Минии түлөө аргагүй ехэ зоболон эдлэхыень би өөрөө тэрээндэ харуулхаб, – гэжэ хэлэбэ.

Коринфынхидтэ 1-дэхи 1:21

Энэ дэлхэйн зоной өөһэдынгөө ухаагаар Бурханиие мэдэрхын аргагүй байхыень Бурхан өөрөө оюун ухаагаараа заяагаа, тиигээд «тэнэг» гэгдэдэг мэдээсэлээр һүзэглэгшэ зониие абарха гэжэ шиидээ.

Коринфынхидтэ 1-дэхи 1:23

Харин бидэ саазалуулагдаһан Христос тухай, еврейнүүдэй дурые гутаадаг, бусад арадуудта, ямаршье удхагүй байдаг мэдээсэлые номнонобди.

Коринфынхидтэ 1-дэхи 1:25

Бурханай тэнэг гүүлэдэг юумэнь хүнүүдэй ухаанһаа сэсэн юм, Бурханай бирагүй һула гүүлэдэг юумэнь хүнүүдэй хүсэ шадалһаа хүсэтэй юм.

Коринфынхидтэ 1-дэхи 10:12

Тиимэһээ батаар зогсоноб гэжэ өөр тухайгаа бодожо байһан хүн унашахагүйн тула болгоомжотой байг.

Коринфынхидтэ 1-дэхи 2:14

Зүгөөр Һүлдые тогтоожо абаагүй хүн Бурханай Һүлдын үгэһэн абьяас бэлигүүдые абажа шадахагүй. Тиимэ хүн тэдэ абьяас бэлигүүдые ойлгохогүй, тэдэниие ямаршье удхагүй гэжэ тоолохо. Ушарынь юуб гэхэдэ, тэдэ юумэнүүдые гансал оюун сэдьхэлээрээ ойлгожо болохо юм.

Коринфынхидтэ 1-дэхи 2:3

Тиимэһээ таанадта ерэхэдээ би һуларшаһан, ехэл һүрдэһэн амитан байгаа бэлэйб,

Коринфынхидтэ 1-дэхи 3:18

Таанад өөһэдыгөө бү мэхэлэгты. Хэрбээ таанадай хэн нэгэн энэ дэлхэйн шатада өөрыгөө сэсэн мэргэнби гэжэ тоолоболнь, үнэндөө сэсэн мэргэн болохын тула тэнэг болохо ёһотой.

Коринфынхидтэ 1-дэхи 3:2

Таанадай хатуу юумэ эдижэ шадахагүй байһан хада би таанадые һүгөөр тэжээһэн байгааб. Зүгөөр, мүнөөшье таанад хатуу юумэ эдижэ шадахагүйт.

Коринфынхидтэ 1-дэхи 4:8

Зай, тиихэдээ таанад садхалдиба гүт? Баяжаба гүт? Бидэнэй хаан шэрээдэ һуугаагүй байхада таанад хаанууд болобо гүт? Үнэхөөрөө таанадай хаан шэрээдэ һуухые хүсэнэб, тиигэбэл бидэшье таанадтай хамта захирха һэмди.

Коринфынхидтэ 2-дохи 10:10

«Павелай бэшэгүүд хатуу, шэрүүн байдаг, харин маанадтай байхадаа тэрэ өөрөө зөөлэн, үгэнүүдыньшье энхэргэн байдаг», – гэжэ таанадай зариман хэлэһэн байна.

Коринфынхидтэ 2-дохи 11:19

Таанад өөһэдөө ехэл сэсэн ухаантай, тиин тэнэг үбэштэй зондо ехэл тэсэбэритэй байдаг ха юмта!

Коринфынхидтэ 2-дохи 11:29

Хэн нэгэнэй һулархада, бишье һуларһан шэнги байдагби. Хэн нэгэнэй хорхойтолгодо абтан нүгэл үйлэдэхэдэ, бишье тэрэнэй түлөө сухалдадагби.

Коринфынхидтэ 2-дохи 13:9

Маанадай ахир һула байхада, харин таанадай хүсэтэй байхада бидэ баярладагбди. Тиигээд баһал таанадай заһархын түлөө бидэ зальбаржа байдагбди.

Коринфынхидтэ 2-дохи 4:12

Энэнь үхэл маанад соо, харин амидарал таанад соо ажаллана гэһэн удхатай юм.

Коринфынхидтэ 2-дохи 6:8

Бидэ нэрэ хүндэтэйшье, нэрэ хүндэгүйшье ябаабди, магтаалдашье, хараалдашье хүртэжэ байгаабди. Үнэн зүбые хэлэжэ байһаншье һаа, бидэ худалшад мэхэшэдшье гэжэ тоологдодог байгаабди.

Фессалоникиинхидтэ 1-дэхи 4:8

Тиимэһээ энэ һургаал буруушааһан хүн болбол хүниие буруушаана бэшэ, харин таанадта Нангин Һүлдэеэ үршөөжэ байгаа Бурханиие буруушаана.

Пётрой 1-дэхи хандалга 4:14

Христосой нэрэ алдарай түлөө таанадые хүнүүдэй доромжолболнь, таанад жаргалтайт. Ушарынь хэлэбэл, алдар солын Һүлдэ, Бурханай Һүлдэ таанад соо оршоно гээшэ.