Коринфынхидтэ 1-дэхи 3:9 - Шэнэ Хэлсээн

⁹ Бидэ Бурханай түлөө хамтаран ажаллагшад гээшэбди, харин таанад – Бурханай таряалан гээшэт. Тиихэдээ таанад баһа Бурханай барилга гээшэт.

Библи

⁹ Бидэ Бурханай түлөө хамтаран ажаллагшад гээшэбди, харин таанад – Бурханай таряалан гээшэт. Тиихэдээ таанад баһа Бурханай барилга гээшэт.

Коринфынхидтэ 1-дэхи 3:9 ပူးပေါင်းရင်းမြစ်များ

Матвей 15:13

Иисус иигэжэ харюусаба: «Тэнгэридэ байгша Эсэгымни таряагүй ямаршье ургамал үндэһэтэйгөө хамта абтажа хаягдаха.

Матвей 16:18

Тиимэһээ би шамда хэлэнэб: ши Пётр – шулуун гээшэш, тиин би энэ шулуун дээрэ өөрынгөө һүзэглэгшэдэй бүлгэмые бодхоохоб, тэрэнииемни үхэлшье өөрөө диилэхэгүй.

Матвей 9:37

Тиимэһээ Иисус шабинартаа иигэжэ хэлэбэ: «Ургаса ехэ байна, теэд тэрэниие суглуулха хүнүүдынь үсөөн лэ.

Марк 16:20

Тиигээд шабинарынь хаа хаанагүй ябажа, эндэ тэндэ номножо байба. Дээдын Эзэн тэдэндэ хамһалсажа, хэлэһэн үгэнүүдэйнь үнэн зүб байһые гайхамшагта үйлэ хэрэгүүдээр баталдаг байгаа.

Хэрэгүүд 4:11

Тэрэ болбол – «таанадай, барилгашадай голоһон шулууниинь аад, байрын түшэг тулгууринь болоо».

Коринфынхидтэ 1-дэхи 3:16

Таанад Бурханай һүмэ гээшэт, зосоотнай Бурханай Һүлдэ оршоно гэжэ таанад мэдэхэгүй аалта?

Коринфынхидтэ 1-дэхи 3:6

Би үрэнүүдые тариһан, Аполлос уһалһан, харин Бурхан ургуулһан байгаа.

Коринфынхидтэ 1-дэхи 6:19

Танай махабад бэе зосоотнай оршодог Бурханһаа таанадта үгтэһэн Нангин Һүлдын һүмэ юм гэжэ таанад мэдэхэгүй аалта? Таанад өөһэдынгөө дураар бэшэт, таанад Бурханай мэдэлдэ байнат.

Коринфынхидтэ 2-дохи 6:1

Бурханай буян хэшэгые дэмы бү абагты гэжэ бидэ Бурхантай хамта ажаллажа байһан ушарһаа таанадые гуйнабди.

Коринфынхидтэ 2-дохи 6:16

Яажа Бурхан Һүмэ онгонуудта хамаатай байхаб? Бидэл амиды Бурханай Һүмэ гээшэбди. Бурхан өөрөө иигэжэ хэлээ юм: «Өөрынгөө хүнүүдэй дунда би гэр бодхоохоб, Тиигээд тэдэнэйнгээ дунда оршожо байхаб, Тэдэнэйнгээ Бурханиинь байхаб, Харин тэдэнэр минии арад болохо».

Эфесэйхиндэ 2:10

Ямар байнабди, тиимээр Бурхан бидэниие бүтээгөө, бидэниие Иисус Христостой нэгэдүүлэн һайн һайхан хэрэгүүдые хэдэг заншалтай байхыемнай анханһаа түлэблэн бүтээгөө юм.

Колоссынхидтэ 2:7

Таанадые һургаһан ёһоор тэрээн соо үндэһэеэ гүнзэгы табигты, тэрэниие һуури болгон ажамидаралаа зохёогты, бүри ехээр тэрээндэ һүзэглэжэ байгты. Тиигэхэтэйгээ сасуу Бурханда ходо баяр хүргэжэ байгты.

Тимофейдэ 1-дэхи 3:15

Хэрбээ минии һаатабал, үнэн зүбэй тулга ба түшэг болохо амиды Бурханай һүзэглэгшэдэй бүлгэмдэ, али Бурханай гэртэ яажа бидэ өөһэдыгөө абажа ябаха ёһотойбибди гэжэ энэ бэшэг сооһоо мэдэжэ байхаш.

Еврейнүүдтэ 3:6

Харин Христос тэрээндэ ороходоо Бурханай гэртэ байһан Хүбүүндэл адли найдабаритай юм. Өөһэдынгөө этигэжэ байһан зориг ба найдабари хадагалжа байбал, бидэ тэрэнэй гэрынь болохобди.

Пётрой 1-дэхи хандалга 2:5

Таанад амиды шулуунуудта адли Бурханда ерэгты, тиигээд Бурхан таанадһаа һүмэ бодхоохо, тиигээд тэрэ һүмэдөө таанад нангин санаартан болоод, Иисус Христосоор дамжуулан Нангин Һүлдэһөө Бурханда һайшаагдаха оюун ухаанай үргэл асаржа байгты.

Иоаннай 3-дахи хандалга 1:8

Үнэн бодото ябадалай түлөө хамта ажаллахынь тула тиимэ хүнүүдые һайшаан дэмжэхэ ёһотойбди.