Хэрэгүүд 23:6 - Шэнэ Хэлсээн

⁶ Зүблэлэй гэшүүдэй нэгэ зариманиинь саддукейнэр, нүгөөдүүлынь фарисейнүүд байна гэжэ харахадаа, Павел шангаар ооглобо: – Аха дүүнэрни, би фарисейнүүдэй хүбүүн гээшэб, өөрөө фарисей хүнби. Үхэһэн хүнүүдэй амидыралгада этигэжэ байһанаймнай түлөө намайе сүүдлэжэ байна.

Библи

⁶ Зүблэлэй гэшүүдэй нэгэ зариманиинь саддукейнэр, нүгөөдүүлынь фарисейнүүд байна гэжэ харахадаа, Павел шангаар ооглобо: – Аха дүүнэрни, би фарисейнүүдэй хүбүүнби, өөрөө фарисей хүнби. Үхэһэн зон амидырха гэһэн найдалтай байһанаймни түлөө намайе шүүбэрилжэ байна.

Хэрэгүүд 23:6 ပူးပေါင်းရင်းမြစ်များ

Матвей 10:16

Шонын һүрэгтэ хонидые тууһан мэтээр би таанадые эльгээнэб. Тиимэһээ таанар могой мэтэ сэсэн, гулабхаа мэтэ эгээлэй даруу байгты.

Матвей 22:23

Хүнүүд үхөөд амидырдаггүй гэжэ тоолодог саддукейнүүдэй зариманиинь тэрэл үдэр Иисуста ерээд, иигэжэ асууба:

Матвей 3:7

Уһанда арюудхуулхаяа олон фарисейнүүдэй, саддукейнэрэй ерэжэ ябахые хараад, Иоанн тэдэндэ иигэжэ хэлэбэ: «Хорото могойн таһардаһад! Бурханай буулгаха хэһээлтэһээ иигээд хулжахыетнай таанарта хэн заагааб?

Хэрэгүүд 22:3

– Би Килики ороной Тарс хотодо түрэһэн еврей хүнби. Тэрэ хотодо Гамалиилай хүтэлбэри доро үбгэ эсэгэнэрэй Хуули ехэ нягтаар сахижа хүмүүжүүлэгдэһэн хүнби. Би таанадтал адли Бурханай урда бүхы үүргэнүүдээ оролдосотойгоор дүүргэдэг һэнби.

Хэрэгүүд 22:30

Хойто үдэрынь Павелые юунэй түлөө еврейнүүд зэмэлнэб гэжэ тодорхойлхо һанаатай түмэнэй дарга тэрэнэй гэнжыень тайлажа, түрүү санаартадай болон Зүблэлэй гэшүүдэй суглархые захиржа, Павелые тэдэнэй урда байлгаба.

Хэрэгүүд 22:5

Минии хэлэһые ахамад санаарташье, Зүблэлэй гэшүүдшье баталха. Тэдэнһээ би бэшэг абаад, Христосто һүзэглэдэг тэндэхи зониие барижа хүлеэд, Иерусалим хэһээхыень абажа ерэхээр аха дүүнэртээ Дамаск ошохо гэжэ гараа бэлэйб.

Хэрэгүүд 23:1

Павел Зүблэлэй гэшүүдые шэртэн хараад: – Аха дүүнэр! Бүхы наһаараа энэ үдэр хүрэтэр би Бурханда үнэн сэхээр алба хээб, – гэжэ хэлэбэ.

Хэрэгүүд 23:15

Мүнөө таанар, мүн Зүблэлэй гэшүүд Павелай хэрэгые дахин шалгажа хараха һанаатайбди гэһэн хэбэр үзүүлэн, түмэнэй даргада хүнүүдые эльгээжэ, тэрэниие асаруулагты. Бидэ бэлэн байхабди, иишэ орохоһоонь урда тэрэниие алахабди, – гэбэ.

Хэрэгүүд 23:20

– Павелые Зүблэлэй гэшүүдтэ абаашахые шамһаа гуйха тухай еврейнүүд хоорондоо үгэсэн хэлсэбэд, – гэжэ хүбүүн харюусаба. – Тэдэ Павелай хэрэгые дахин шалгажа хараха һанаатайбди гэһэн хэбэр үзүүлхэ.

Хэрэгүүд 23:7

Иигэжэ хэлэһэнэйнь һүүлээр фарисейнэр ба саддукейнэр хоорондоо арсалдажа, сугларһан зоной һаналнуудынь хубаарба.

Хэрэгүүд 24:15

Эдэ зоной Бурханда найдадагтал адляар би баһал үнэн сэдьхэлтэншье, бусадшье зон амидырха гэжэ найдадаг хүнби.

Хэрэгүүд 24:21

Тэдэнэй урда зогсожо байхадаа: «Үхэһэн зоной амидыралгын түлөө таанад мүнөөдэр намайе шүүбэрилнэт!» – гэжэ хэлэһэнэймни түлөө үһөөрхэһэн байжа магадгүй.

Хэрэгүүд 28:20

Энэ талаар уулзажа хөөрэлдэхын тула би таанадые өөртөө дуудааб. Юуб гэхэдэ, Израилиин зоной найдажа байһан хүнэй түлөө би гэнжэлүүлээд ябанаб.

Филиппынхидтэ 3:5

Би түрэһөөр наймадахи үдэртөө бэлгээ отолуулһан байгааб. Би болбол Израильһаа уг изагууртай, Вениаминай обогой жэнхэни еврей хүнби. Моисейн Хуули хэшээлтэйгээр сахижа байдаг фарисей байхадаа,

Колоссынхидтэ 1:5

Үнэн зүб үгые, Һайн Мэдээсэлые анхан таанадта номноходомнай, таанад найдалга тухай дуулаа һэнта. Бурханай тэнгэри дээрэ бэлдээд байһан юумэндэ найдажа байһан дээрэһээ таанад һүзэглэнэт, дуратай байнат.

Еврейнүүдтэ 6:19

Тэрэ найдалга манай амиин бархагтал мэтэ юм. Тэрэ найдалга аюулгүй, бата, тэнгэриин һүмын хүшэгэй саагуур досоонь ородог юм.