Хэрэгүүд 14:16 - Шэнэ Хэлсээн

¹⁶ Бүхы үндэһэ яһатанда өөһэдынгөө харгы замаар ябахыень Бурхан урдань буруушаадаггүй байгаа.

Библи

¹⁶ Үндэһэ яһатануудта өөһэдынгөө замаар ябахыень Бурхан урдань буруушаадаггүй һэн.

Хэрэгүүд 14:16 ပူးပေါင်းရင်းမြစ်များ

Хэрэгүүд 17:30

Бурханиие мэдээгүй сагта Бурхан эдэ бүгэдые хүнүүдтэ хүлисэдэг байгаа. Харин мүнөө хаа хаанагүй ажаһуудаг хүн зониие нүгэл үйлэдэхэеэ болихыень Бурхан захирна,

Римэйхиндэ 1:28

Тэдэ зоной Бурхан тухай бодожо байхаяа арсаһан хадань тэдэнэй тэнэг хооһон ухаан бодолойнгоо хүсэлэнгөөр ябахадань Бурхан һаалта хээгүй. Тиимэһээл тэдэ зон хэхэ ёһогүй юумэнүүдые хэнэ.

Римэйхиндэ 3:25

Бурхан маанадтай эбтэй эетэй болохын тула Христосые тахил болгон эльгээгээ. Тиимэһээ бидэ тэрээндэ һүзэглэһэнэйнгөө ашаар Бурхантай эблэрнэбди. Бурхан урдань тэсэбэритэй, нүгэлтэнүүдые тоонгүй байһанаараа үнэн зүб байһанаа харуулба. Баһа Иисуста һүзэглэһэн зониие үнэн сэдьхэлтэй гэжэ тоолоходоо Бурхан үнэн зүб байһанаа харуулна.

Эфесэйхиндэ 2:12

тиихэдэ таанад Христосгүй амидардаг байгаат. Таанад Бурханай шэлэһэн хүнүүдэй тоодо ородоггүй байгаат. Бурханай өөрынгөө хүнүүдтэ үгэһэн найдуулгада, тэрэнэй Хэлсээндэ таанад ямаршье хабаагүй байгаат. Таанад энэ газар дэлхэй дээрэ найдалгагүй, Бурхангүй амидаржа байгаа һэнта.

Пётрой 1-дэхи хандалга 4:3

Урдань таанад бусад арадуудай хэхэ дуратай юумэнүүдые хэжэ, нилээн саг үнгэргөөт. Зохихогүй юумэнүүдые үйлэдэжэ, зальхайржа, архидажа, һогтуу хүнүүдээр ниилэжэ, найрлажа, онгонуудта жэрхэдэһэтэйгээр мүргэжэ байгаат.