Иоанн 7:30 - Шэнэ Хэлсээн

³⁰ Тиигэжэ хэлэхэдэнь Иисусые засагаархин барижа хаахаяа һанаба, теэд хэншье тэрээнэй ойро хүрэбэгүй, юундэб гэхэдэ, тэрэнэй сагынь үшөө ерээдүй байгаа.

Библи

³⁰ Тиигэжэ хэлэхэдэнь Иисүүсые засагаархин барижа хаахаяа һанаба, теэд хэншье Тэрээнэй ойро хүрэбэгүй, юундэб гэхэдэ, Тэрэнэй сагынь үшөө ерээдүй байгаа.

Иоанн 7:30 ပူးပေါင်းရင်းမြစ်များ

Матвей 12:14

Харин фарисейнүүд мүргэлэй гэрһээ гаража ошоод, Иисусые яажа алаха тухай зүбшэн хэлсэбэ.

Матвей 21:46

Тиимэһээ Иисусые барижа хэһээхэеэ хүсэбэ, теэд улад зонһоо айба, юундэб гэбэл, зон тэрэниие лүндэншэ гэжэ тоолодог байгаа.

Марк 11:18

Тиигэжэ хэлэхыень түрүү санаартан, Хуули заадаг багшанар дуулаад, тэрэниие хюдаха арга бэдэрбэ. Юундэб гэбэл, бүхы хүн зон тэрэнэй һургаал гайхан анхаржа байгаа, тиимэһээл тэдэнэр Иисусһаа айжа байгаа.

Лука 20:19

Хуули заадаг багшанар ба ахамад санаартан Иисус маниие хадхажа, энэ һургаалта үгэ хөөрэбэ гэжэ ойлгоод, тэрэ дороо тэрэниие барижа абаха гэһэн аад, улад зонһоо айба.

Лука 22:53

Теэд үдэр бүхэн таанадтай хамта Бурхан Һүмэ соо байхадамни намайе бариха гэжэ забдаагүй һэнта. Харин мүнөө харанхы хара хүсэнэй эзэрхэхэдэ, танай саг ерээ гээшэ».

Иоанн 10:31

Тиихэдэнь еврейнүүд Иисусые алаха гэжэ дахин шулуунуудые бариба.

Иоанн 10:39

Еврейнүүд Иисусые дахин барихаяа һэдэбэ, зүгөөр Иисус тэдэндэ баригдабагүй.

Иоанн 11:57

Түрүү санаартан болон фарисейнүүд: «Иисусые барижа хаахымнай тула, тэрэнэй хаана байһые мэдэһэн хүн бүхэн бидэндэ дуулгаха ёһотой», – гэһэн захиралта гаргаба.

Иоанн 7:19

Моисей таанарта Бурханай хуули үгөө бэшэ һэн аал? Теэд таанарай хэнтнайшье тэрэ Хуули сахинагүйл! Юундэ таанар намайе алахаяа һананабта?

Иоанн 7:32

Иисус тухай арад зоной дунда арсалдаанай боложо байхые фарисейнүүд дуулаба. Тиин түрүү санаартан ба фарисейнүүд тэрэниие барижа хаагты гэжэ Һүмын харуулшадые эльгээбэ.

Иоанн 7:6

Иисус аха дүүнэртээ иигэжэ харюусаба: – Минии саг үшөөл ерээдүй байна. Таанарта ямаршье саг таараха ха юм.

Иоанн 7:8

Таанар һайндэртээ ошогты. Би тэрэ найрта ошохогүйб, минии саг үшөө ерээдүй байна.

Иоанн 8:20

Бурхан Һүмэдэ мүнгэ алта үргэдэг газарай хажууда зогсон номножо байхадаа, Иисус тиигэжэ хэлээ һэн. Тиин хэншье тэрээниие барижа тушаагаагүй, ушарынь нэрлэбэл, тэрэнэй сагынь үшөө ерээдүй байгаа.

Иоанн 8:37

Таанар Абраһамай үри һадаһад гээшэт гэжэ би мэдэнэб, теэд таанар намайе алаха һанаатайт, юундэб гэхэдэ, минии үгэнүүд таанарай зүрхэ сэдьхэлдэ байра олоногүй бшуу.

Иоанн 8:59

Тиихэдэнь еврейнүүд Иисусые шулуудажа алаха гэжэ шулуунуудые бариба. Теэд Иисус тэдэнһээ зайлажа, Бурхан Һүмэһөө гаража ошобо.

Иоанн 9:4

Үдэр байһан дээрэнь бидэ намайе эльгээһэн Эсэгын хэрэгүүдые бүтээхэ ёһотойбди. Мэнэ гэһээр һүни болохоёо байна, тиихэдэ хэншье юумэ хэжэ шадахагүй.