Иоанн 5:30 - Шэнэ Хэлсээн

³⁰ Би өөрынгөө дура зоргоор юушье хэжэ шадахагүйб. Эсэгынгээл хэлээшээр шүүбэрилнэб, тиин минии зарга шүүбэри – үнэн зүб юм, ушарынь гэбэл, би өөрынгөө дураар юумэ хэнэ бэшэб, харин намайе эльгээгшэ Эсэгын дура хүсэлөөр болоноб.

Библи

³⁰ Би Өөрынгөө дура зоргоор юушье хэжэ шадахагүйб. Эсэгынгээл хэлээшээр шүүбэрилнэб, тиин Минии зарга шүүбэри – үнэн зүб юм, ушарынь гэбэл, Би Өөрынгөө дураар юумэ хэнэ бэшэб, харин Намайе эльгээгшэ Эсэгын дура хүсэлөөр болоноб.

Иоанн 5:30 ပူးပေါင်းရင်းမြစ်များ

Матвей 26:39

Тиигээд тээ хажуу тээшээ ошожо, уруугаа харан газар дээрэ хэбтээд: «Эсэгэмни! Хэрбээ арга бии һаа, энэ аягаһаа амсуулангүй, иимэ ехэ зоболон намһаа зайлуулыш даа. Гэбэшье минии дура хүсэлөөр бэшэ, харин шинии эрхэ хүсэлөөр болог лэ», – гэжэ зальбарба.

Иоанн 14:10

Би Эсэгэ соогоо байнаб, Эсэгэмни минии досоо байдаг гэжэ ши этигэнэгүй гүш? Теэд таанарта хэлэдэг үгэнүүдээ би өөрһөө хэлэнэгүйб, тэрэ минии досоо оршодог Эсэгэмни ажаллана гээшэ.

Иоанн 17:4

Намда даалгаһан ажал хэрэгыешни бэелүүлэн, би шамайе газар дээрэ суурхуулан нэрлүүлээб.

Иоанн 18:11

– Һэлмэеэ хуйдань хэ! Иимэ хуби заяа Эсэгэмни намда үгөө юм. Энээнһээ би арсаха аалби? – гэжэ Петрто Иисус хэлэбэ.

Иоанн 4:34

– Намайе эльгээһэн Бурханай хүсэл дурыень бэелүүлэн, намда даалгаһан ажал хэрэгыень түгэсхэхэ гээшэ – минии эдеэ хоол мүн, – гэжэ Иисус тэдэндээ хэлэбэ. –

Иоанн 5:19

Теэд Иисус тэдэндэ харюусаба: – Би таанарта үнэниие хэлэнэб: Хүбүүниинь өөрынгөө дураар юушье хэжэ шадахагүй. Эсэгэнь хайшан гээд хэнэб, тэрээнииень хараад лэ Хүбүүниинь хэдэг. Эсэгэнь юу хэнэб, тиимэл юумэ Хүбүүниинь хэдэг.

Иоанн 6:38

Юундэб гэхэдэ, өөрынгөө дураар юумэ хэхэеэ би тэнгэриһээ буужа ерээ бэшэб, харин намайе эльгээһэн Эсэгын дура хүсэлые бэелүүлхэеэ ерээб.

Иоанн 8:28

Иисус үргэлжэлүүлэн: – Хүн түрэлхитэнэй Хүбүүниие таанарай дээшэнь дэгдүүлхэдэ, минии «Би» байһые, минии өөрынгөө дураар юушье хэдэггүй байһые, Эсэгынгээл һургаһан ёһоор хэлэдэг байһые таанар ойлгохот.

Иоанн 8:42

Иисус тэдээндэ харюусаба: – Хэрбээ Бурхан таанарай эсэгэ байгаа һаа, таанар намда дуратай байха һэнта, юундэб гэбэл, би Бурханһаа иишээ ерээб, Бурхандаа ошожо ябанаб. Би өөрһөөн ерээгүйлби – намайе Бурхан эльгээгээл!

Иоанн 8:50

Би өөртөө алдар соло бэдэрнэ бэшэб, теэд намда алдар соло бэдэрэгшэ ондоо нэгэн бии юм, тэрэл шиидхэнэ.

Римэйхиндэ 15:3

Юундэб гэбэл, Христосшье ганса бэеэ бодожо байгаагүй юм. Харин: «Шамайе доромжолһон баһалтанууд нам дээрэ буугаа», – гэжэ Нангин Бэшэг соо бэшэгдэһэнэй ёһоор болоо юм.

Римэйхиндэ 2:2

Тиимэ мэтын юумэнүүдые үйлэдэжэ байһан хүнүүдые гэмнэн шүүбэрилжэ байһан Бурхан үнэн зүб юм гэжэ бидэ мэдэнэбди.

Римэйхиндэ 2:5

Харин таанад зүрюутэжэ, Бурханда хандахаяа арсанат. Тиигэжэ тэрэнэй уур сухалаа элирүүлхэ, газар дэлхэйнхидые гэмнэн шүүбэрилхэ үдэр хүрэтэр таанад өөһэдтөө бүрил муу хэһээлтэ бэлдэжэ байнат.