Иоанн 1:17 - Шэнэ Хэлсээн

¹⁷ Бурхан Моисейгээр дамжуулан Хуули үгөө, харин Иисус Христосоор дамжан, үршөөл хайра, үнэн зүйл үгтөө.

Библи

¹⁷ Бурхан Моисейгээр дамжуулан Хуули үгөө, харин Иисүүс Христоосоор дамжан, үршөөл хайра, үнэн зүйл үгтөө.

Иоанн 1:17 ပူးပေါင်းရင်းမြစ်များ

Иоанн 1:14

Үгэ хадаа хүн боложо түрөөд, бидэнэй дунда амидаржа байгаа. Эсэгэ Бурханай ори ганса Хүбүүниинь үршөөл хайрын ба үнэн зүйлэй бэелэл байжа, бидэндэ һүр шадалаа харуулаа.

Иоанн 14:6

– Би болбол Харгы зам гээшэб, Үнэн зүйл, Ажамидарал гээшэб. Намаар ошоогүй хүн Эсэгэдэ хүрэжэ шадахагүй.

Иоанн 18:37

– Тиихэдээ ши яабашье һаа, хаан болоно хаяаш? – гэжэ Пилат асууба. – Ши өөрөө намайе хаан гэнэш. Би үнэн зүйлые гэршэлхын тула түрэһэн, дэлхэйдэ ерэһэн байнаб. Үнэн зүйлые баримталагшад бултадаа минии хэлэһые дуулана, – гэбэ Иисус.

Иоанн 5:45

Эсэгынгээ урда таанарые зэмэлхэеэ ерээ гэжэ намайе бү һанагты. Таанарые Моисей зэмэлхэ, харин таанар Моисейдэ найдадаг ха юмта.

Иоанн 7:19

Моисей таанарта Бурханай хуули үгөө бэшэ һэн аал? Теэд таанарай хэнтнайшье тэрэ Хуули сахинагүйл! Юундэ таанар намайе алахаяа һананабта?

Иоанн 8:32

Тиихэдээ таанар үнэн зүйлые ойлгохот, үнэн зүйл таанарые сүлөөлхэ.

Иоанн 9:29

– Бурхан болбол Моисейтэй хөөрэлдэдэг байһан юм гэжэ бидэ мэдэнэбди. Харин энэ хүн хаанаһаа бии болооб гэжэ мэдэнэгүйбди.

Хэрэгүүд 28:23

Павелтай хэлсэжэ тогтооһон үдэр тэрэнэй байрада ехэ олон зон сугларба. Үглөөнһөө үдэшэ орой болотор Павел Бурханай хаан орон тухай номнобо. Иисус тухай хэлэһэн үгэнүүдэйнгээ үнэн зүб байһыень Моисейн Хуулиин ба лүндэншэдэй гэршэнүүдээр баталжа байгаа.

Хэрэгүүд 7:38

Эгээл тэрэ Моисей израилиин арад зонтой сүл губида хамта байжа, өөртэйнь болон манай үбгэ эсэгэнэртэй Синай хада дээрэ хөөрэлдэһэн Бурханай Эльгээмэлтэй уулзажа, амиды үгэнүүдые хүлеэн абаад, бидэндэ дамжуулан үгөө бэлэй.

Римэйхиндэ 6:14

Нүгэл танай ажамидаралые захирха ёһогүй. Таанад Хууляар бэшэ, харин Бурханай үршөөл хайраар ажамидарна ха юмта.

Коринфынхидтэ 2-дохи 1:20

Тэрэ Бурханай бүхы найдуулгануудайнь «тиимэ» гээшэ. Тиимэһээл Христосоор дамжуулан бидэ «Болтогой» гэжэ Бурханай алдарта айладхаа бэлэйбди.

Галадуудта 3:17

Христос тухай хэлсээе Бурханай баталһан сагһаа дүрбэн зуун гушан жэл үнгэрһэн хойно бии болоһон Хуули энэ хэлсээе болюулха аргагүй, тиимэһээ Бурханай найдуулгань хүсэндөө үлэбэ гэжэ би хэлэнэб.

Еврейнүүдтэ 9:22

Үнэндөө Хуулиин ёһоор бүхы юумэн шуһаар лэ арюудхагдадаг, тиимэһээ шуһа адхаруулангүй нүгэл сагааруулжа болоогүй һэн.