Гэршэлгэ 15:4 - Шэнэ Хэлсээн

⁴ Хэн шамһаа айхагүйб даа, Эзэн Бурхан, шинии нэрэ солые хэн алдаршуулан магтахагүйб даа?! Гансал ши нангин гэгээн ха юмши! Бүхы арадууд шинии урда һүгэдэн унажа мүргэхэл. Юундэб гэбэл, шинии үнэн зүб хэрэгые бултадаа үзэһэн хараһан ха юм.

Библи

⁴ Хэн Танһаа айхагүйб даа, Эзэн Бурхан, Танай нэрэ солые хэн алдаршуулан магтахагүйб даа?! Гансал Та нангин гэгээнта! Бүхы арадууд Танай урда һүгэдэн унажа мүргэхэл. Юундэб гэбэл, Танай үнэн зүб хэрэгые бултадаа үзөө хараа.

Гэршэлгэ 15:4 ပူးပေါင်းရင်းမြစ်များ

Римэйхиндэ 15:9

Баһа бусад арадуудай үршөөл хайрынь түлөө Бурханда магтаал соло дуудажа байхын тула Христос ерээ юм. «Бусад арадуудай дунда би шам тухай айладхажа байхаб, шинии нэрэ алдарта би магтаалнуудые дуулажа байхаб», – гэжэ Нангин Бэшэг соо бэшээтэй байдаг.

Пётрой 1-дэхи хандалга 1:16

«Би арюун нангин байнаб, тиимэһээ таанадшье арюун нангин байгты», – гэжэ Нангин Бэшэгтэ хэлэгдэнэ.

Гэршэлгэ 11:15

Долоодохи эльгээмэл бүреэгээ дуугаргаба. Тиихэдэнь тэнгэридэ иигэжэ шангаар дуугарха абяанууд дуулдаба: – Дэлхэйн засаг түрэ Эзэн Бурханаймнай, тэрэнэй Табисууртын засаг түрэ болоо. Тэрэ засаг түрые Бурхан хэтэ мүнхэдөө барижа байха.

Гэршэлгэ 14:7

«Бурханһаа айжа түбэгшөөжэ байгыт! Тэрэнэй алдар солые суурхуулан магтажа байгыт! Юуб гэбэл, Бурханай зарга шүүбэри хэхэ сагынь ерээд байнал! Огторгой тэнгэриие, газар дайдые, далай, мүрэнүүдые Бүтээгшын урда һүгэдэн мүргыт!»

Гэршэлгэ 16:5

Уһа мүрэнүүдэй эльгээмэлэй иигэжэ хэлэхыень дуулабаб: мүнөөнэйшье, урданайшье Нангин гэгээн Бурхан, ши, зүбөөр иигэжэ шиидхэһэн байнаш:

Гэршэлгэ 16:7

Тахилай шэрээгэй хажууһаа иигэжэ хэлэхыень би дуулааб: Тиимэ даа, Хамагые зонхилогшо Эзэн Бурхан, шинии гаргаһан шиидхэбэринүүд үнэн зүб байна!

Гэршэлгэ 19:2

Ушарынь хэлэбэл, тэрэнэй шиидхэбэринүүд үнэн зүб юм: бүхы газар дэлхэйнхидые зальхайруулһанайнь түлөө аргагүй забхай Янхан эмые Бурхан шүүбэрилэн гэмнээ: зарасанарайнь шуһа адхаруулһанайнь түлөө Янхан эмые Бурхан хэһээгээ!

Гэршэлгэ 19:8

Басагандань нарин улһаар оёһон ялагар, сэбэр хубсаһан үгтэнхэй. Нарин улһан гээшэнь Бурханай арад зоной үнэн зүб үйлэ хэрэг гэһэн удхатай.

Гэршэлгэ 3:7

Филадельфиин һүзэглэгшэдэй бүлгэмэй түлөөлэгшэдэ бэшээрэй: «Нээгээ һаа, хэнэйшье хаажа шадахагүй, хаагаа һаа, хэнэйшье нээжэ шадахагүй Давидай оньһон түлхюуртэй Нангин Үнэн сэдьхэлтэн иигэжэ хэлэнэ:

Гэршэлгэ 4:8

Эдэ дүрбэн амитад тус бүридөө зургаа зургаан далитай һэн. Далинуудайнь дээгүүршье, доогууршье олон нюдэнүүд байгаа. Тэдэ дүрбэн амитад эсэн сусангүй, үдэр һүнигүй иигэжэ ходо дабтагша һэн: – Хамагые зонхилогшо арюун нангин, арюун нангин, арюун нангин Эзэн Бурхан түрүүншье байгаа, мүнөөшье байна, саашадаашье байхал!

Гэршэлгэ 6:10

«Нангин гэгээн, хамагые зонхилогшо үнэн бодото Эзэн Бурхан аа! Газар дэлхэй дээрэ бидэниие алаашадые гэмнэнгүй, хэһээнгүй хэды болотор хүлеэхэ гээ юмши!» – гэжэ тэдэ алуулагшад шанга шангаар хашхаралдаба.