Гэршэлгэ 14:6 - Шэнэ Хэлсээн

⁶ Газар дэлхэй дээрэ һуугшадта, али бүхы арадуудта, угсаатанда, элдэб янзын хэлэтэй зондо, бүхы үндэһэ яһатанда хэтэ мүнхын Һайн Мэдээсэл дуулгахын тула Бурханай үшөө нэгэ эльгээмэлэй огторгойдо элин ниидэжэ ябахые би удаань харааб.

Библи

⁶ Газар дэлхэй дээрэ һуугшадта, али бүхы арадуудта, угсаатанда, элдэб янзын хэлэтэй зондо, бүхы үндэһэ яһатанда хэтэ мүнхын Һайн Мэдээсэл дуулгахын тула үшөө нэгэ Эльгээмэлэй огторгойдо элин ниидэжэ ябахые би удаань харааб.

Гэршэлгэ 14:6 ပူးပေါင်းရင်းမြစ်များ

Матвей 10:27

Харанхыда таанарта хэлэһыемни гэрэлтэйдэ дабтажа хэлэхэ ёһотойт. Шэхэндэтнай шэбэнэжэ хэлэһыемни гэрэй оройһоо айладхаха ёһотойт.

Марк 16:15

Тиигээд тэдэндээ иигэжэ хэлэбэ: «Бүхы газар дэлхэйгээр ябажа, хүн бүхэндэ Һайн Мэдээсэл номногты.

Римэйхиндэ 16:25

Бурханда магтаал соло дуудая! Тэрэ болбол Иисус Христос тухай минии номноһон Һайн Мэдээсэлэй ёһоор танай этигэл һүзэгые бэхижүүлхэ аргатай юм. Урдань тэрэ Һайн Мэдээсэл үни удаан саг соо далда нюуса байгаа.

Колоссынхидтэ 1:23

Тиимэһээ таанад хатуу ба сухаришагүй һүзэглэжэ байха ёһотойт, Һайн Мэдээсэлые шагнажа этигэһэн найдабарияа алдаха ёһогүйт. Ушарынь юуб гэхэдэ, би Павел газар дэлхэй дээрэ бүхы амитадта номногдоһон тэрэ Һайн Мэдээсэлэй зарасань болооб.

Фессалоникиинхидтэ 2-дохи 2:16

Маанадта дуратай, хайра үршөөлөөрөө маанадые хэтын хэтэдэ урмашуулдаг, бата найдабари үршөөдэг Эсэгэ Бурхамнай болон манай Дээдын Эзэн Иисус Христос өөрөө

Еврейнүүдтэ 13:20

Өөрынгөө шуһанай сэнгээр мүнхын хэлсээе оложо абаһан хонидой агууехэ Адуулагшые, Манай Дээдын Эзэн Иисусые Бурхан амидыруулаа юм. Энхэ тайбанай эрхэ хүсэлыень таанадай бэелүүлхын тула Бурхан таанадые хэрэгтэй һайн һайхан юумээр хангаг лэ, тиин өөртэнь һайшаагдадаг юумые Иисус Христосоор дамжуулан таанад соо бүтээг лэ. Христосто хэтын хэтэдэ алдар соло! Болтогой!

Пётрой 1-дэхи хандалга 1:25

Гэхэтэй хамта Дээдын Эзэнэй Үгэ хэтын хэтэдэ мүнхэ оршодог», – гэжэ Нангин Бэшэг соо хэлэгдэнэ. Энэ Дээдын Эзэнэй Үгэ таанадта номногдоһон Һайн Мэдээсэл гээшэ.

Гэршэлгэ 10:11

Тиигээд Бурханай Эльгээмэл намда иигэжэ айладхан хэлэһэн юм: «Ши олон ондоо арадууд, үндэһэ яһатан, элдэб янзын хэлэтэй зон, хаашуул тухай урид мэдэжэ, дахин саашадаа абарал буулгадаг болохош».

Гэршэлгэ 10:7

Теэд Бурханай долоодохи эльгээмэлэй бүреэгээ дуугаргахадань, Бурханай нюуса түсэб бүрин бэелүүлэгдэхэ. Бурхан энэ түсэб тухай өөрынгөө зарасанар-лүндэншэдтэ урид мэдээсэһэн байгаа».

Гэршэлгэ 13:7

Бурханай табисуурта арад зоной урдаһаа тэмсэжэ, тэрэ зониие илаха эрхэ засаг тус арьяатанда үгтэнхэй. Алишье угсаатаниие, арадуудые, элдэб янзын хэлэтэй зониие, бүхы яһатан үндэһэтэниие захиран зонхилжо байха эрхэ засаг тэрэ арьяатанда үгтэнхэй.

Гэршэлгэ 3:10

Тэсэбэритэй байха тухай минии зарлиг заабариие сахиһан туладатнай, газар дэлхэйнхидые туршажа үзэхэеэ бүхы юртэмсэдэ тохёолдохоёо байгаа гай аюулай үедэ би таанадые хамгаалан үлөөхэб.

Гэршэлгэ 5:9

Тиин тэдэнэр иимэ шэнэ дуу дуулаба: ши энэ ном абажа, тамгыень эбдэжэ тайлаха эрхэтэйш, ши үргэл болгогдожо алуулаад, өөрынгөө улаан шуһанай сэнгээр али бүхы угсаатаниие, элдэб янзын хэлэтэй зониие, бүхы уг изагууртаниие, үндэһэ яһатаниие Бурханда абажа үгөөш.

Гэршэлгэ 8:13

Зогсоод хаража байтарни, огторгойдо нэгэ бүргэд ниидэн, иигэжэ шангаар дуугаржа байба: «Газар дэлхэйдэ һуугшадта гайтай ехэ уйдхар гашуудал тохёолдохонь, юуб гэбэл, Бурханай бусад гурбан эльгээмэлнүүд бүреэгээ дуугаргахаяа байна».