Гэршэлгэ 11:12 - Шэнэ Хэлсээн

¹² «Наашаа дэгдэгты!» гэжэ тэнгэри дээрэһээ шангаар дуугарха абяан лүндэншэдтэ дуулдаба. Тиин дайсадайнгаа хараһаар байтарынь, лүндэншэд үүлэнэй дээгүүр тэнгэри өөдэ дэгдэшэбэ.

Библи

¹² «Наашаа дэгдэгты!» гэжэ тэнгэри дээрэһээ шангаар дуугарха абяан лүндэншэдтэ дуулдаба. Тиин дайсадайнгаа хараһаар байтарынь, лүндэншэд үүлэнэй дээгүүр тэнгэри өөдэ дэгдэшэбэ.

Гэршэлгэ 11:12 ပူးပေါင်းရင်းမြစ်များ

Лука 16:23

Тэрэ баян тамын оёорто хаягдаад зобожо байхадаа, дээшээ хаража, Абраһамые, мүн хажуудань Лазариие холоһоо анхарба.

Хэрэгүүд 1:9

Эдэ үгэнүүдээ хэлэһээр Иисус элшэнэрэйнгээ хаража байтар тэнгэри өөдэ дэгдэжэ захалба, тииһээр үүлэндэ халхалуулба.

Фессалоникиинхидтэ 1-дэхи 4:17

Тиигээд амиды байһан бидэнэр тэдэ үхэһэн хүнүүдтэй хамта Дээдын Эзэниие угтахаяа агаарта үүлэн дээрэ гарахабди. Тиигээд Дээдын Эзэнтэй ходол хамта байхабди.

Гэршэлгэ 12:5

Нарайлха эхэнэр хүбүү түрэбэ. Тэрэнь бүхы арадуудые түмэр таягаараа ударидан зонхилжо байха юм. Тэрэ хүбүүниинь Бурханда, Бурханай хаан шэрээдэ дэгдүүлэн абаашагдаба.

Гэршэлгэ 3:21

Би илажа гараад, өөрынгөө Эсэгэтэй хамта хаан шэрээдэнь һуугаа һэм, тэрээндэл адляар, намтай хамта минии хаан шэрээдэ һууха эрхые би илагшада олгохоб.

Гэршэлгэ 4:1

Тэрэнэй удаа би тэнгэри өөдэ шэртэхэдээ, тэнгэриин үүдэнэй онгорхой байхые обёорбоб. Тиин бүреэгэй дуугарһандал адли абяа дуулабаб. Түрүүн хандаһан абяан намда иигэжэ хэлэбэ: – Өөдөө гара. Тиигээд юунэй болохые шамда хөөрэхэб.