Галадуудта 5:14 - Шэнэ Хэлсээн

¹⁴ Юундэб гэхэдэ, Хуулиин бүхы зүйлнүүд: «Дүтынгөө хүндэ өөртөөл адли дуратай бай», – гэһэн энэ захяа заабари соо тобшологдоно.

Библи

¹⁴ Юундэб гэхэдэ, Хуулиин бүхы зүйлнүүд: «Дүтынгөө хүндэ өөртөөл адли дуратай бай», – гэһэн энэ захяа заабари соо тобшологдоно.

Галадуудта 5:14 ပူးပေါင်းရင်းမြစ်များ

Матвей 7:12

Бусад хүнүүд танда ямараар хандаһай гэжэ һананабта, тиигэжэл таанад бусадуудта хандажа байгты: энэ болбол Моисейн Хуулиин ба лүндэншэдэй һургаалай гол удхань мүн.

Марк 12:31

Хоёрдохи эгээн шухала захяа заабари иимэ: „Бусад зондо өөртөөл адли дуратай бай“. Эдэ хоёрһоо үлэмжэ шухала захяа заабари үгы юм».

Марк 12:33

Тиин Эзэн Бурхандаа бүхы зүрхэ сэдьхэлээрээ, бүхы һүнэһэ һүлдөөрөө, бүхы ухаан бодолоороо, байһан хүсэ шадалаараа дуратай бай; бусад зондо өөртөөл адли дуратай бай гэхэдээ ши баһал тон зүб хэлэнэш. Эдэ захяа заабаринууд маанадай үргэхэ аргатай бүхы тахилнуудһаа, бүхы үргэл бэлэгүүдһээ шухала юм».

Иоанн 13:34

Би таанарта шэнэ захяа заабари үгэнэб: бэе бэедээ дуратай байгты. Би таанарта дуратай байгааб, тэрээндэл адляар таанаршье бэе бэедээ дуратай байгты.

Галадуудта 1:6

Агууехэ үршөөл хайраараа таанадые дуудаһан Христосһоо иимэ түргөөр холодожо, ондоо һургаал номнолдо хулжан ороходотнай би ехэ шаналжа байнаб.

Галадуудта 6:2

Христосой үгэһэн «хуули» иимэ: бэе бэеынгээ ашаа бэрхэшээлые хубаалсажа, бэе бэедээ туһалжа байгты.

Тимофейдэ 1-дэхи 1:5

Һүзэглэгшэдэй бэе бэедээ дуратай байхые урмашуулхань тэрэ захиралтын зорилго болоно. Тиимэ хайра дуран үнэн зүрхэнһөө, арюун сэбэр һанаанһаа, бодото һүзэг этигэлһээ эхи абадаг.