Филиппынхидтэ 4:8 - Шэнэ Хэлсээн

⁸ Аха дүүнэрни, таанад һанал бодолдоо үнэн зүб, шулуун сэхэ, һайн һайхан, арюун сэбэр, илдам налгай, магтаалда хүрэмөөр юумэнүүд тухай сэдьхэжэ ябагты гэжэ түгэсхэлдөө захиха байнаб.

Библи

⁸ Аха дүүнэрни, таанад һанал бодолдоо үнэн зүб, шулуун сэхэ, һайн һайхан, арюун сэбэр, илдам налгай, магтаалда хүрэмөөр юумэнүүд тухай сэдьхэжэ ябагты гэжэ түгэсхэлдөө захиха байнаб.

Филиппынхидтэ 4:8 ပူးပေါင်းရင်းမြစ်များ

Матвей 22:16

Фарисейнүүд өөрынгөө шабинарые Иродэй талынхидтай хамта Иисуста эльгээжэ: «Багша аа! Ши үнэн сэхые хэлэдэгши, Бурханай бодото замаар ябахые һургадагши, хэнэйшье урда билдагуушалдаггүйш, юуб гэбэл, нюур харадаггүйш гэжэ бидэ мэдэнэбди.

Марк 6:20

Иоаннай эрхим һайн, гэгээн хүн байһыень мэдээд, Ирод тэрээнһээ айдаг, тэрэниие хамгаалдаг бэлэй. Иоаннай хэлэһэн юумэнүүдэй һанааень зобоодогшье һаань, Ирод тэрэниие шагнаха дуратай байгаа, шагнадагшье байгаа.

Лука 16:15

Иисус тэдэндэ хэлэбэ: «Таанад зоной урда Бурханай захяа заабари дүүргэдэг хэбэр үзүүлдэгта, харин Бурхан танай досоохиие нэбтэ хаража байна. Хүнүүдэй ехэ шухала гэжэ тоолодог юумэнүүд Бурханай урда юуншье бэшэ ха юм.

Лука 2:25

Боди һайхан сэдьхэлтэй, Бурханда бэшэрэн һүгэдэдэг, Нангин Һүлдэдэ хүртэһэн Симеон гэжэ хүн Иерусалим хотодо ажаһуугаа. Тэрэ хүн Израилиин абарагдахые хүлеэжэ байгаа.

Лука 23:50

Тэндэ баһа Иудей можын Аримафей хотын Иосиф гэдэг хүн байба. Тэрэ үнэн сэхэ, сагаан сэдьхэлтэй хүн Бурханай хаан ороной мандахые ехэл хүлеэжэ байгаа. Тэрэ баһа Зүблэлэй гэшүүн аад, Зүблэлэй гаргаһан шиидхэбэриие, үйлэдэһэн хара хэрэгые яашье зүбшөөжэ шадахагүй байба.

Иоанн 7:18

Өөрһөөн хэлэһэн хүн өөрыгөө магтуулхаяа оролдоно, харин намайе эльгээһэн Бурханиие алдаршуулхаяа оролдогшо үнэн зүбые хэлэнэ, тэрэнэй зүрхэ сэдьхэлдэ худал юумэн байхагүй.

Хэрэгүүд 10:22

– Бидэниие зуунай дарга Корнелий эльгээгээ. Тэрэ үнэн сэдьхэлтэн, Бурханда һүзэглэдэг хүн, тэрэниие бүхы еврей зон ехээр хүндэлдэг юм. Хэлэһэн юумыешни Корнелиин шагнахын тула Бурханай Эльгээмэл тэрэниие шамда эльгээжэ, шамайе гэртээ дуудажа асархыень захираа, – гэжэ тэдэ хүнүүд харюусаба.

Хэрэгүүд 22:12

Тэндэ Хуули хэшээлтэйгээр сахидаг Анания гэжэ хүн намда ерээ бэлэй. Тэрэ хүниие Дамаск хотын бүхы еврейнүүд ехэ хүндэлдэг юм.

Хэрэгүүд 6:3

Аха дүүнэр, Нангин Һүлдөөр дүүрэһэн, сэсэн ухаатай долоон эрэшүүлые өөһэдынгөө дундаһаа шэлэжэ абагты. Тиихэдэтнай бидэ энэ хэрэгые тэдэндэ даалгахабди,

Римэйхиндэ 13:13

Үдэрэй гэрэл туяада ажамидаржа байһан зондо зохихоор өөһэдыгөө абажа ябаял: забхай найр наада хэнгүй, архидангүй, ташаяаралдангүй, зальхайралдангүй, хэрүүл ама гаргангүй, атаархалдангүй байжа үзэел.

Римэйхиндэ 13:3

Засаг захиргаан һайн юумэ бүтээжэ байһан зондо бэшэ, харин харата муухай юумэ үйлэдэжэ байһан зондо аймшагтай байдаг. Засаг захиргаанһаа айхын хэрэггүй: һайн юумэл бүтээжэ байгаарай, тиигэбэл засаг захиргаанай магтаалда хүртэхэш.

Римэйхиндэ 14:18

Таанад тиимэ маягаар Христосто алба хэжэ байбал, Бурханда таатай ба хүн зондо хүндэтэй байхат.

Римэйхиндэ 2:29

Жэнхэни еврей болбол гансал махабад бэеэ отолуулһан бэшэ, харин зүрхэ сэдьхэлэйнгээ гүн соо отолуулһан байха ёһотой. Энэнь Хуулиин тогтоолнуудай бэшэ, харин Нангин Һүлдын ажал юм. Тиимэ хүн уладай магтаалда бэшэ, харин Бурханай магтаалда хүртэхые хүсэдэг.

Коринфынхидтэ 1-дэхи 4:5

Тиимэһээ тогтоогдоһон сагай болоогүйдэ хэнииешье бү шүүбэрилэ. Дээдын Эзэн ерэхэдээ, шэб харанхыда хоргодоһон юумэнүүдые гэрэлтүүлхэ, хүнүүдэй далда һанаа зорилгые элирүүлхэ, тиихэдэ хүн бүхэн хэһэн зэргээрээ Бурханайл магтаалда хүртэхэ.

Коринфынхидтэ 2-дохи 13:7

Буруу юумэ бү үйлэдэһэйт гэжэ бидэ Бурханда зальбарнабди. Шалгалтаяа баряабди гэжэ харуулхын тула зальбарнагүйбди, харин маанадай шалгалтаяа үгөөгүйшье һаа, таанадай үнэн зүб юумэ бүтээжэ ябахын тула тиигэжэ зальбарнабди.

Коринфынхидтэ 2-дохи 6:8

Бидэ нэрэ хүндэтэйшье, нэрэ хүндэгүйшье ябаабди, магтаалдашье, хараалдашье хүртэжэ байгаабди. Үнэн зүбые хэлэжэ байһаншье һаа, бидэ худалшад мэхэшэдшье гэжэ тоологдодог байгаабди.

Коринфынхидтэ 2-дохи 8:18

Тэрээнтэй хамта бидэ Һайн Мэдээсэл номноһонойнгоо түлөө бүхы һүзэглэгшэдэй бүлгэмүүдтэ магтаалда хүртэжэ байһан һүзэглэгшэ дүүгээ ябуулжа байнабди.

Коринфынхидтэ 2-дохи 8:21

Ушарынь хэлэхэдэ, бидэ гансал Бурханай урда бэшэ, харин хүн зоной урда үнэн зүб юумэ хэхэ гэжэ оролдонобди.

Галадуудта 5:22

Нангин Һүлдын үрэ дүн болбол иимэ: хайра дуран, баяр, энхэ тайбан, тэсэбэри, һайн һанаан, ниигүүлэсхы сэдьхэл, үнэн сэхэ ябадал,

Эфесэйхиндэ 4:25

Тиимэһээ худал юумэ хэлэхэеэ болёод, дүтынгөө хүндэ хүн бүхэнтнай үнэниие хэлэжэ байг, ушарынь хэлэхэдэ, бидэ бултадаа нэгэ бэеын эрхэтэнүүд ха юмди.

Эфесэйхиндэ 5:9

Гэрэл туяа таанадые һайн һайхан, гэнэн сэхэ, үнэн сэдьхэлтэй болгодог.

Эфесэйхиндэ 6:14

Бэлэн байгты! Үнэн сэхэ ябадалаараа һур бэһэндэл адляар бэеэ бэһэлжэ байгты, үнэн сэдьхэлээрээ хуягтал адляар өөһэдыгөө хамгаалжа байгты.

Филиппынхидтэ 3:1

Аха дүүнэрни, Дээдын Эзэнтэй нэгэдэһэндээ баяр жаргалтай байгты гэжэ түгэсхэлдөө хэлэхэ байнаб. Урда бэшэһэн юумээ дахин дабтахадамни намда хүндэ бэшэ, харин таанадта аша туһатай юм.

Колоссынхидтэ 4:5

Сагаа гээнгүй һүзэглэдэггүй зондо аша туһа хүргэжэ байгаарайт, тэдэндэ ехэл ухаамсараар хандажа байгаарайт.

Фессалоникиинхидтэ 1-дэхи 4:12

Тиигэжэл таанад һүзэггүй хүнүүдтэ хүндэтэй, ямаршье дутагдалгүй, эрхим түгэс хүнүүд байхат.

Тимофейдэ 1-дэхи 3:11

Тэдэнэй һамгадыньшье һайхан зантай, хоб-жэб зөөдэггүй, архинша бэшэ, ямаршье юумэндэ этигэл найдабаритай байха ёһотой.

Тимофейдэ 1-дэхи 3:4

гэр бүлэдөө һанаагаа табидаг хүн байха ёһотой, тэрэнэй үхибүүдынь үгыень дууладаг, хүндэлдэг байха ёһотой.

Тимофейдэ 1-дэхи 4:12

Залуухан байнаш гээд шамда хайхарамжагүйгөөр бү хандаг. Ши хэлэһэн үгөөрөө, амидаралаараа, хайра дураараа, һүзэгөөрөө, арюун сэбэрээрээ һүзэглэгшэдтэ жэшээ харуулжа байгаарай.

Тимофейдэ 1-дэхи 5:10

һайн һайхан үйлэ хэрэгүүдээрээ суурхаһан байха ёһотой: үхибүүдээ һайн хүмүүжүүлһэн, аяншадые гэртээ амаруулжа байһан, бусад һүзэглэгшэдэй урда өөрынгөө уялгануудые дүүргэжэ, зобожо байһан зондо туһалжа, өөрыгөө үлзытэй һайхан хэрэгүүдтэ зорюулжа байха ёһотой.

Тимофейдэ 1-дэхи 5:2

эгэшэ хүндэ эжыдээл адляар ханда, өөрһөөн дүү басагадта дүү басагандаал адли сэхэ сэбэрээр хандажа байгаарай.

Тидтэ 1:8

мүн аяншадые гэртээ угтажа абадаг, һайн юумэндэ дуратай, ехэ томоотой, үнэниие баримталдаг, арюун ябадалтай, үнэн сэдьхэлтэй, бэеэ баридаг хүн байха ёһотой.

Тидтэ 2:14

Христос маанадые бузар муухай нүгэлнүүдһээмнай аршалан, мэдэлдэнь байдаг, һайн хэрэгүүдые хэхэ гэжэ зүдхэдэг сэбэр арад болгохын тула өөрыгөө бидэнэй түлөө үгөө юм.

Тидтэ 2:2

Һургаалай ёһоор наһатай эрэшүүлые һэргэг, түбшэн зантай, арюун ябадалтай, хатуу һүзэгтэй, хайра дуратай, тэсэбэритэй байхыень һургажа байгаарай.

Тидтэ 2:7

Ши өөрөө алибаа юумэндэ һайн хэрэгүүдээрээ жэшээ харуулжа байха ёһотойш. Һургажа байхадаа үнэн сэхэ, томоотой байгаарай.

Тидтэ 3:14

Манай хүнүүд өөһэдтөө шухала хэрэгтэй юумэ хэжэ, буянтай һайхан хэрэгүүдые бүтээн, сагаа үнгэргэжэ һураха ёһотой. Тэдэнэр удхагүй дэмыгээр ажамидарха ёһогүй.

Еврейнүүдтэ 11:2

Һүзэг этигэлээрээ манай үбгэ эсэгэнэр Бурханай һайшаалда хүртэһэн байна.

Еврейнүүдтэ 13:18

Үргэлжэ зүб юумые хэхэ гэжэ оролдон, арюун сэдьхэлтэй байнабди гэжэ бидэ өөһэд тухайгаа найданабди. Тиимэһээ бидэнэй түлөө зальбаржал байгты.

Яковай хандалга 1:27

Үншэн үхибүүдтэ, бэлбэһэн эхэнэрнүүдтэ туһалха, юрын байдалаар өөрыгөө бузарлахаһаа болгоомжолхонь лэ Эсэгэ Бурханда һайшаагдадаг һүзэг һүлдэ юм.

Яковай хандалга 3:17

Харин дээрэһээ үгтэдэг ухаан маанадые арюун сэбэр, эб найрамдалтай, номгон даруу, энэрхы сэдьхэлтэй, үршөөл хайратай, аша туһатай, хүнэй нюур харадаггүй, үнэн сэхэ болохо тээшэ хүтэлдэг юм.

Пётрой 1-дэхи хандалга 1:22

Үнэн зүбые дахажа, Бурханда һүзэглэдэг аха дүүнэртээ үнэн зүрхэнһөө дуратай байхын тула таанад сэдьхэл зүрхэеэ арюудхабат. Тиимэһээ бүхы һанал бодолоороо бэе бэедээ дуратай байгты.

Пётрой 1-дэхи хандалга 2:12

бусад арадуудай дунда өөһэдыгөө һайн абажа ябагты гэжэ гуйнаб. Тиигэбэлтнай мүнөө таанадые нүгэл хэгшэд гэжэ хардажа байһан зон таанадай һайн һайхан үйлэ хэрэгүүдые харахадаа, Бурханай газар дэлхэй дээрэ хүнүүдые шалгахаяа ерэхэдэнь, тэрэниие алдаршуулха.

Пётрой 1-дэхи хандалга 4:8

Юумэнэй түрүүндэ үнэн зүрхэнһөө бэе бэедээ дуратай байгты, юундэб гэхэдэ, дуран олон нүгэлнүүдые хүлисэн арилгадаг юм.

Пётрой 2-дохи хандалга 3:1

Хайрата аха дүүнэрни, таанадта хоёрдохиёо бэшэнэб. Түрүүн бэшэһэн юумэнүүдээ һануулан, зосоотнай арюун һанал бодолнуудые түрүүлхэ гэжэ оролдобоб.

Иоаннай 1-дэхи хандалга 3:18

Үхибүүдни, иигэжэ дэмы хооһон ама хэлээрээ дурлаһан хэбэр үзүүлээд бү байя, харин үнэхөөрөө дуратай байһанаа үнэн бодото хэрэгээрээ харуулая!

Иоаннай 1-дэхи хандалга 3:3

Христосто иимэ этигэл найдабаритай байгаа һаа, алишье хүн өөрыгөө арюудхана, ушарынь гэбэл, Христос арюун нангин байгаа.

Иоаннай 1-дэхи хандалга 4:1

Инаг хайрата аха дүүнэрни, али бүхы һүлдэнүүдтэ бү этигэгты, Бурханһаа эльгээгдэһэн һүлдэнүүд гү гэжэ шалгагты, юундэб гэбэл, худал хуурмаг лүндэншэд газар дэлхэй дээрэ олон болошонхой.