Филиппынхидтэ 2:11 - Шэнэ Хэлсээн

¹¹ тиигээд Эсэгэ Бурханай алдар солодо, Иисус Христос болбол Дээдын Эзэн юм гэжэ Хүн бүхэн айладхажа байха.

Библи

¹¹ тиигээд Эсэгэ Бурханай алдар солодо, Иисүүс Христоос болбол Эзэн юм гэжэ хүн бүхэн айладхажа байха.

Филиппынхидтэ 2:11 ပူးပေါင်းရင်းမြစ်များ

Матвей 10:32

Улад зоной урда минии мэдэлдэ байнаб гэжэ айладхаһан хүн бүхэниие бишье Огторгойдо оршодог Эсэгынгээ урда минии гэжэ гэршэлхэб.

Лука 2:11

мүнөөдэр Давид хаанай хотодо танай Абарагша түрэбэ, Бурханай табисуурта Дээдын Эзэн мүндэлбэ.

Иоанн 12:42

Ахамадуудайшье дунда Иисуста этигэһэн хүн үсөөн бэшэ һэн, харин энээн тухайгаа тэдэ сэхэ хэлэхэеэ фарисейнүүдһээ түбэгшөөдэг, мүргэлэй гэрһээ намнуулхабди гэжэ айдаг байгаа.

Иоанн 13:13

Таанар намайе багша, Дээдын Эзэн гэжэ нэрлэнэт, энэ зүб – би үнэндөө тиимэб.

Иоанн 13:14

Тиин Дээдын Эзэн, багша байһан аад, би таанарай хүл угаагааб, тиимэһээ таанаршье бэе бэеынгээ хүл угааха ёһотойт.

Иоанн 14:13

Минии нэрэ дурдажа, юу гуйхабта, би бүгэдыень бүтээхэб, тиигэжэ Хүбүүнэйнгээ ашаар Эсэгэнь алдаршаха юм.

Иоанн 14:23

Иисус харюусаба: – Намда дуратай хүн минии һургадаг ёһоор ябаха, тиихэдэнь минии Эсэгэ тэрээндэ дуратай байха. Бидэ Эсэгэтэеэ хамта тэрэ хүндэ ерэжэ, тэрээнтэй байхабди.

Иоанн 17:1

Эдэ үгэнүүдэйнгээ һүүлээр Иисус тэнгэри өөдэ хараад, иигэжэ хэлэбэ: – Эсэгэ аа! Сагни ерэбэ. Хүбүүнэйшни шиниингээ нэрэ алдаршуулхын тула ши Хүбүүгээ алдаршуула.

Иоанн 20:28

– Дээдын Эзэмни, Бурхамни! – гэжэ Фома хашхараад абаба.

Иоанн 9:22

Хүбүүнэй түрэлхидынь юундэ тиигэжэ харюусааб гэбэл, еврейнүүдэй ахамадуудһаа айгаа. Ушарынь хэлэбэл, Иисусые Бурханай табисуурта гэжэ тоолодог хүн бүхэниие мүргэлэй гэртэ оруулхагүй гэһэн шиидхэбэри тэдэ ахамадууд гаргаад байгаа бшуу.

Хэрэгүүд 10:36

Иисус Христосоор дамжуулан, амгалан байдал тухай һургаал номнолые Бурхан бүхы Израилиин хүн зондо айладхаһан байна. Иисус Христос хүн бүхэнэй Дээдын Эзэн гээшэ.

Хэрэгүүд 2:36

Тиимэ ушарһаа таанадай саазалһан Иисусые Бурхан өөрөө Дээдын Эзэн болон Бурханай табисуурта болгожо табяа. Израилиин бүхы зон, энээниие хадуужа абагты.

Римэйхиндэ 14:11

«Яһатан бүхэн урдамни мүргэхэ, ямаршье хэлэтэй хүн намайе Бурхан гэжэ айладхаха, ами наһаараа тангаригланаб гэжэ Дээдын Эзэн хэлэнэ», – гэжэ Нангин Бэшэг соо хэлээтэй байдаг.

Римэйхиндэ 14:9

Амиды ба үхэһэн хүнүүдэй Дээдын Эзэн байхын тула Христос үхөөд амидырһан байгаа.

Римэйхиндэ 15:9

Баһа бусад арадуудай үршөөл хайрынь түлөө Бурханда магтаал соло дуудажа байхын тула Христос ерээ юм. «Бусад арадуудай дунда би шам тухай айладхажа байхаб, шинии нэрэ алдарта би магтаалнуудые дуулажа байхаб», – гэжэ Нангин Бэшэг соо бэшээтэй байдаг.

Коринфынхидтэ 1-дэхи 12:3

Бурханай Һүлдөөр хүтэлүүлһэн ямаршье хүн: «Иисус хараалда хүртэг лэ», – гэхэгүйл, тон тиигэжэл Нангин Һүлдөөр хүтэлүүлһэн хүнһөө ондоо ямаршье хүн: «Иисус болбол Дээдын Эзэн», – гэхэгүйл гэжэ таанадта дуулганаб.

Коринфынхидтэ 1-дэхи 15:47

Түрүүшын Адам газар хүрьһэнһөө бүтээгдэһэн газар дэлхэйн хүн юм, харин нүгөө Адам тэнгэриһээ юм.

Коринфынхидтэ 1-дэхи 8:6

бидэндэ ори гансал Эсэгэ Бурхан, ори ганса Эзэн Иисус Христос бии юм. Эсэгэ Бурхан бүхы юумые бүтээһэн байгаа, бидэ тэрэнэй түлөө ажамидарнабди; бүхы юумэн Дээдын Эзэн Иисус Христосой ашаар бүтээгдэһэн байгаа, бидэ тэрэнэй ашаар ажамидарнабди.

Пётрой 1-дэхи хандалга 1:21

Тэрэнэйл аша туһаар таанад Бурханда этигэнэт. Бурхан тэрэниие үхөөд байхадань амидыруулаа, алдаршуулаа, тиимэһээл таанад Бурханда һүзэглэнэт, найданат.

Иоаннай 1-дэхи хандалга 4:15

Иисус болбол Бурханай Хүбүүн гэжэ мэдэрдэг хүн Бурхантай нэгэн хамта байна, Бурхан тэрэ хүнтэй нэгэн хамта байна.

Иоаннай 1-дэхи хандалга 4:2

Бурханай һүлдые иигээд мэдэхэт: Иисус Христос хүн боложо, газарта ерээ гэдэг һүлдэ бүхэн Бурханай Һүлдэ мүн.

Иоаннай 2-дохи хандалга 1:7

Юундэб гэбэл, олон тоото мэхэшэд газар дэлхэй руу ошобо. Иисус Христосые хүн боложо газарта ерэһые тэдэ мэдэрнэгүй. Тиимэ хүнүүд мэхэшэд, Христосой дайсад гээшэ.

Гэршэлгэ 3:5

Илагша баһал сагаан хүбсаһа үмдэхэ; тэрэнэй нэрые амидаралай номһоо би хэзээшье зуража хаяхагүйб, тэрэ хүн минии юм гэжэ өөрынгөө Эсэгын урда, Бурханай Эльгээмэлнүүдэй урда мэдэрхэб.