Еврейнүүдтэ 4:9 - Шэнэ Хэлсээн

⁹ Гэхэтэй сасуу Бурхан өөрынгөө хүнүүдтэ субботын амаралтын үдэрые амалаа юм.

Библи

⁹ Гэхэтэй сасуу Бурхан Өөрынгөө хүнүүдтэ субботын амаралтын үдэрые амалаа.

Еврейнүүдтэ 4:9 ပူးပေါင်းရင်းမြစ်များ

Матвей 1:21

Тэрэшни хүбүү түрэхэ, тэрээндэ Иисус гэжэ нэрэ үгэхэш, юундэб гэбэл, тэрэ арад зоноо нүгэл хилэнсэгһээ абарха юм».

Тидтэ 2:14

Христос маанадые бузар муухай нүгэлнүүдһээмнай аршалан, мэдэлдэнь байдаг, һайн хэрэгүүдые хэхэ гэжэ зүдхэдэг сэбэр арад болгохын тула өөрыгөө бидэнэй түлөө үгөө юм.

Еврейнүүдтэ 11:25

Тэрэ богони хугасаанда нүгэлтэй амидаралтай байжа аяшаахын орондо Бурханай арадтай зобохонь дээрэ гэжэ тоолобо.

Еврейнүүдтэ 4:1

Тэрэ найдуулһан амаралтадань хүртэнгүй үлэшэхэгүйн тула бидэ булта болгоомжотой байха ёһотойбди.

Еврейнүүдтэ 4:10

Бурханай найдуулһан амаралтада хүртэһэн хүнүүд өөрынгөө хэрэгүүдһээ амаржа байһан Бурхандал адли баһал хэрэгүүдһээ амаржа байха.

Еврейнүүдтэ 4:3

Харин бидэ, һүзэглэһэн хүнүүд, Бурханай найдуулһан амаралтадань хүртэжэ байнабди. «Уур сухалдаа би тэдэниие амаруулха гэһэн газартаа хэзээшье оруулхагүйб гэжэ тангариглаһан байгааб», – гэжэ тэрэ өөрөө хэлээ. Газар дэлхэйе бүтээхэ сагһаа хойшо тэрэ ажалаа гүйсэдхэһэншье һаа, тиигэжэ хэлэһэн байгаа.

Еврейнүүдтэ 4:8

Хэрбээ Бурханай найдуулһан амаралтые Навинай Иисусай үгэһэн байбал, Бурхан тэрэнэй һүүлдэ ондоо үдэр тухай хэлэхэгүй бэлэй.

Пётрой 1-дэхи хандалга 2:10

Урдань таанад Бурханай хүнүүд бэшэ һэнта, зүгөөр мүнөө таанад тэрэнэй хүнүүд гээшэт. Урдань таанад Бурханай үршөөл хайрые мэдэхэгүй һэнта, мүнөө таанад тэрэнэй үршөөл хайрада хүртэбэт.

Гэршэлгэ 14:13

Удаань огторгойһоо иигэжэ дуугарха абяа дуулааб: «Буулгажа бэшээд аба: энэ сагһаа эхилэн Дээдын Эзэндэ үнэн сэхэ байжа наһа бараһан хүнүүд ямар жаргалтайб даа!» «Тиимэл даа, тэдэнэр хүндэ хүшэр ажалһаа одоол сүлөөржэ амархань, юундэб гэбэл, тэдэнэй бүтээһэн буянтай һайхан хэрэгүүдынь хойноһоонь ябалсана гэжэ Нангин Һүлдэ хэлэнэ».

Гэршэлгэ 21:4

Бурхан тэдэ хүнүүдэй нюдэнһөө гараһан дуһал нулимса бүхэниие аршаха. Үхэлгэ хосоролгошье саашадаа байхагүй, уйдхар гашуудал, орилолдоон бархиралдаан, үбдэлгэ хабдалгашье саашадаа байхагүй, ушарынь гэбэл, урданай бүхы юумэн урдажа ошоо».