Еврейнүүдтэ 3:6 - Шэнэ Хэлсээн

⁶ Харин Христос тэрээндэ ороходоо Бурханай гэртэ байһан Хүбүүндэл адли найдабаритай юм. Өөһэдынгөө этигэжэ байһан зориг ба найдабари хадагалжа байбал, бидэ тэрэнэй гэрынь болохобди.

Библи

⁶ Харин Христоос тэрээндэ орходоо Бурханай гэртэ байһан Хүбүүндэл адли найдабаритай. Өөһэдынгөө этигэжэ байһан зориг ба найдабари хадагалжа байбал, бидэ Тэрэнэй гэрынь болохобди.

Еврейнүүдтэ 3:6 ပူးပေါင်းရင်းမြစ်များ

Матвей 10:22

Минии түлөө таанадые булта үзэн ядаха; зүгөөр эсэстэнь хүрэтэр тэсэжэ гараһаниинь абарагдаха.

Матвей 16:18

Тиимэһээ би шамда хэлэнэб: ши Пётр – шулуун гээшэш, тиин би энэ шулуун дээрэ өөрынгөө һүзэглэгшэдэй бүлгэмые бодхоохоб, тэрэнииемни үхэлшье өөрөө диилэхэгүй.

Матвей 24:13

Зүгөөр эсэстэнь хүрэтэр тэсэжэ гараһаниинь абарагдаха.

Римэйхиндэ 11:22

Бурхан ямар үршөөл хайратай, ямар уур сухалтай байдаг бэ гэжэ таанад эндэһээ харабат. Бурхан өөртэнь үһэрхэһэн зондо уур сухалтайгаар, зүгөөр тэрэнэй үршөөл хайрада байһан танда үршөөл хайратайгаар хандадаг. Тэрэнэй үршөөл хайрадань оршоогүй һаатнай, таанадые баһал таһалжа хаяха.

Римэйхиндэ 12:12

Найдалаараа урмашажа, зоболон бэрхэшээлнүүдтэ тэсэбэритэй байжа, саг үргэлжэ зальбаржа байгты.

Римэйхиндэ 15:13

Найдал үршөөдэг Бурхан этигэл һүзэгэйтнай ашаар таанадые бүтэн баяр жаргалаар ба амгалан байдалаар дүүргэг лэ, тиигэжэ Нангин Һүлдын хүсөөр этигэл найдалтнай нэмэгдэжэ байг лэ.

Римэйхиндэ 5:2

Христос баһа этигэл һүзэгэймнай ашаар маанадые мүнөө манай оршожо байһан Бурханай үршөөл хайрада хүтэлэн асараа. Тиимэһээ Бурханай алдарта хүртэхэбди гэжэ найдан, баяр жаргалтай байнабди.

Коринфынхидтэ 1-дэхи 3:16

Таанад Бурханай һүмэ гээшэт, зосоотнай Бурханай Һүлдэ оршоно гэжэ таанад мэдэхэгүй аалта?

Коринфынхидтэ 1-дэхи 6:19

Танай махабад бэе зосоотнай оршодог Бурханһаа таанадта үгтэһэн Нангин Һүлдын һүмэ юм гэжэ таанад мэдэхэгүй аалта? Таанад өөһэдынгөө дураар бэшэт, таанад Бурханай мэдэлдэ байнат.

Коринфынхидтэ 2-дохи 6:16

Яажа Бурхан Һүмэ онгонуудта хамаатай байхаб? Бидэл амиды Бурханай Һүмэ гээшэбди. Бурхан өөрөө иигэжэ хэлээ юм: «Өөрынгөө хүнүүдэй дунда би гэр бодхоохоб, Тиигээд тэдэнэйнгээ дунда оршожо байхаб, Тэдэнэйнгээ Бурханиинь байхаб, Харин тэдэнэр минии арад болохо».

Галадуудта 6:10

Арга боломжотой байхадаа бүхы хүнүүдтэ, илангаяа өөрынгөө бүлгэмэй һүзэглэгшэдтэ үлүү ехээр һайниие хэжэ ябагты.

Галадуудта 6:9

Тиимэһээ эсэхэ сусахые мэдэнгүйгөөр һайн юумэ хэжэ ябагты. Гэдэргээ сухаряагүй һаа, бидэ саг болзортонь ургасаа хуряахабди.

Эфесэйхиндэ 3:12

Христостой нэгэдэһэн, тэрээндэ этигэжэ һүзэглэжэ байһанаараа бидэ зоригтойгоор, найдамжатайгаар Бурханда ойртожо байна гээшэбди.

Колоссынхидтэ 1:23

Тиимэһээ таанад хатуу ба сухаришагүй һүзэглэжэ байха ёһотойт, Һайн Мэдээсэлые шагнажа этигэһэн найдабарияа алдаха ёһогүйт. Ушарынь юуб гэхэдэ, би Павел газар дэлхэй дээрэ бүхы амитадта номногдоһон тэрэ Һайн Мэдээсэлэй зарасань болооб.

Фессалоникиинхидтэ 1-дэхи 5:16

Ходо баяртай байгты.

Фессалоникиинхидтэ 2-дохи 2:16

Маанадта дуратай, хайра үршөөлөөрөө маанадые хэтын хэтэдэ урмашуулдаг, бата найдабари үршөөдэг Эсэгэ Бурхамнай болон манай Дээдын Эзэн Иисус Христос өөрөө

Тимофейдэ 1-дэхи 3:15

Хэрбээ минии һаатабал, үнэн зүбэй тулга ба түшэг болохо амиды Бурханай һүзэглэгшэдэй бүлгэмдэ, али Бурханай гэртэ яажа бидэ өөһэдыгөө абажа ябаха ёһотойбибди гэжэ энэ бэшэг сооһоо мэдэжэ байхаш.

Еврейнүүдтэ 1:2

Харин һүүлшын эдэ үдэрнүүдтэ тэрэ Хүбүүгээрээ дамжуулан бидэндэ үгэ хэлэжэ байна. Бурхан Хүбүүнэйнгээ ашаар замбуулин дэлхэйе бүтээжэ, бүхы юумые залгамжалхаар тэрэнээл шэлэжэ абаа гээшэ.

Еврейнүүдтэ 10:19

Аха дүүнэрни, Иисусай үхэлэй ашаар бидэ Нангин Газарта орохо дүүрэн эрхэтэйбди.

Еврейнүүдтэ 10:21

Бидэ Бурханай гэр хараха агууехэ санаартатайбди.

Еврейнүүдтэ 10:23

Бурхан найдуулһанаа дүүргэхэ гэжэ этигэлтэй байгаа юм хадаа этигэжэ байһан тэрэ найдуулгаяа бата баримталан ябаял.

Еврейнүүдтэ 10:35

Зоригоо бү алдагты, тиигэбэл агууехэ шагналда хүртэхэт.

Еврейнүүдтэ 11:1

Һүзэг этигэлтэй байхань найдажа байһан юумэндээ бата һаналтай байха, нюдөөрөө харадаггүй юумэнүүдтэ найдажа байха гээшэ.

Еврейнүүдтэ 3:14

Хэрбээ бидэ эхилһэн амидаралаа һүүл болоторнь хатуугаар баримталжа байбал, Христосто хабаатай болонобди.

Еврейнүүдтэ 4:11

Этигэлгүй байһанайнгаа тула унаһан тэдэ хүнүүдтэл адли нэгэмнайшье унангүй, тиимэ амаралтада хүртэхын тула бүхы шадалаараа шармайе.

Еврейнүүдтэ 4:14

Бидэ Бурханай дэргэдэ байһан Бурханай Хүбүүн Иисус гэдэг агууехэ Ахамад Санаартатай ха юмди. Тиимэһээ өөһэдынгөө шүтэжэ байгаа һүзэг этигэлые хатуугаар сахижа ябаял.

Еврейнүүдтэ 4:16

Тиин бидэ зоригжожо, буян хэшэгтэй Бурханай хаан шэрээдэ ойртожо үзэел даа. Бидэ маанадтал туһа болохо хэмжээгээр тэндэ үршөөл хайрада хүртэжэ, буян хэшэг олохобди.

Еврейнүүдтэ 6:11

Таанадай найдажа байһан юумэнэй үнэн зүб байхын тулада таанадай хүн бүхэн эсэстэ хүрэтэрөө зүдхэмжэтэй байһай гэжэ хүсэнэбди.

Еврейнүүдтэ 6:18

Бурханай худалаар хэлэжэ болохогүй, хубилдаггүй хоёр юумэн бии юм. Тиимэһээ бидэ урдамнай оршожо байһан найдуулга хатуугаар адхаад, ехэтэ урмашажа, Бурхантай хамтархадаа хоргодохо газар олобобди.

Еврейнүүдтэ 7:19

Моисейн Хуули ямаршье юумые эрхим түгэс болгоогүй. Тиимэһээ маанадай Бурханда ойртохын тула мүнөө бүри һайн найдуулга үгтэнэ.

Пётрой 1-дэхи хандалга 1:8

Тэрэниие хараагүйшье һаа, таанад тэрээндэ дуратай байнат; мүнөө тэрэниие харангүйшье байхадаа, тэрээндэ этигэжэ байнат. Тиимэһээ таанад үгэнүүдээр дамжуулхын аргагүй, гайхалтай баяраар баясанат,

Пётрой 1-дэхи хандалга 2:5

Таанад амиды шулуунуудта адли Бурханда ерэгты, тиигээд Бурхан таанадһаа һүмэ бодхоохо, тиигээд тэрэ һүмэдөө таанад нангин санаартан болоод, Иисус Христосоор дамжуулан Нангин Һүлдэһөө Бурханда һайшаагдаха оюун ухаанай үргэл асаржа байгты.

Пётрой 1-дэхи хандалга 4:17

Зарга шүүбэриин эхилхэ саг дүтэлөөд байна. Тиихэдэ Бурханай хүнүүд хамагай түрүүн зарга шүүбэридэ орохо. Хэрбээ заргаяа бидэнһээ эхилбэл, Бурханда һүзэглэхэеэ арсаһан хүнүүд ямар хойшолонтой байхань гээшэб?

Гэршэлгэ 2:18

Тиатирай һүзэглэгшэдэй бүлгэмэй түлөөлэгшэдэ бэшээрэй: «Носожо байһан гал дүлэн шэнги ялалзама нюдэтэй, халуун пеэшэн соо халаажа улайлгаһан зэд шэнги хүлнүүдтэй Бурханай Хүбүүн иигэжэ хэлэнэ:

Гэршэлгэ 2:25

Теэд мүнөө таанадта бии байһан юумэеэ минии ерэтэр баряад байгты.

Гэршэлгэ 2:26

Минии бүхы зарлигые эсэстэнь хүрэтэр бэелүүлдэг илагшын эрхэ мэдэлдэнь арадуудые үгэхэб. Бишье баһал тиигэжэ өөрынгөө Эсэгэһээ засаг түрые абаа һэм. Илагша тэрэ хүн тэдэ арадуудые түмэр таягаараа захиргаалан зонхилжо байха; тэдэ зон шабар амһартануудтал адляар хяа бута сохюулха. Тэрэ илагшада үглөөнэй одые үгэхэб.

Гэршэлгэ 3:11

Иигээд удангүй ерэхэб. Илалтынтнай аша үрые хэнэйшье абажа ябашахагүйн тула бии байһан юумэеэ шангаар баряад байгаарайт.