Эфесэйхиндэ 6:19 - Шэнэ Хэлсээн

¹⁹ Һайн Мэдээсэл тухай нюуса зоригтойгоор тайлбарилан элирүүлхэдэмни Бурханай намда хэрэгтэй үгэнүүдые үгэжэ байхын тула минии түлөө баһа зальбаржа байгты.

Библи

¹⁹ Һайн Мэдээсэл тухай нюуса зоригтойгоор тайлбарилан элирүүлхэдэмни Бурханай намда хэрэгтэй үгэнүүдые үгэжэ байхын тула минии түлөө баһа зальбаржа байгты.

Эфесэйхиндэ 6:19 ပူးပေါင်းရင်းမြစ်များ

Хэрэгүүд 13:46

Павел Варнава хоёр зоригтойгоор иигэжэ хэлэбэ: – Бидэ Бурханай үгэ анха түрүүн таанадта асарха ёһотой байгаабди. Харин энэ үгые таанадай буруушаажа, мүнхын амидаралда хүртэхөөр бэшэбди гэжэ өөһэд тухайгаа һанаа юм һаатнай, бидэ мүнөө бусад арадуудта ошохомнай.

Хэрэгүүд 14:3

Гэбэшье Павел Варнава хоёр нилээд удаан саг соо тэндэ байгаад, Дээдын Эзэн тухай зоригтойгоор номнобо, харин Дээдын Эзэн өөрынгөө талаһаа Бурханай үршөөл хайра тухай номнолыень баталан, тэдэндэ гайхамшагта хэрэгүүдые болон дүлгэ тэмдэгүүдые үзүүлхэ арга олгожо байба.

Хэрэгүүд 18:26

Тэрэ хүн мүргэлэй гэртэ зоригтойгоор номножо эхилбэ. Прискилла Аквила хоёр тэрэниие шагнаад, гэртээ урижа, Бурханай зам тухай тэрээндэ бүри тодорхойгоор хөөрэжэ үгэбэ.

Хэрэгүүд 19:8

Павел гурбан һарын үргэлжэдэ мүргэлэй гэртэ ерэжэ, заргалдан, Бурханай хаан орон тухай зоригтойгоор хөөрэжэ, баталан һургажа байба.

Хэрэгүүд 2:4

Тиин тэдэнэр булта Нангин Һүлдөөр дүүрэн, Һүлдын хүсөөр элдэб хэлэнүүд дээрэ дуугаралдаба.

Хэрэгүүд 28:31

Тэрэ Бурханай хаан орон тухай номножо, Дээдын Эзэн Иисус Христос тухай зоригтойгоор һургажа байгаа. Хэншье тэрээндэ һаалта хэдэггүй һэн.

Хэрэгүүд 4:13

Зоригтой дорюун Пётр Иоанн хоёрые эрдэм номгүй юрын хүнүүд байна гэжэ ойлгоходоо, Зүблэлэй гэшүүд түрүүн ехээр гайхалсажа, һүүлээрнь Иисустай ябаһан хүнүүд байна гэжэ ажаглан тэмдэглэбэд.

Хэрэгүүд 4:29

Дээдын Эзэн, эдэнэй заналта дуулаад, Үгыешни айлтагүйгөөр номнохо арга мүнөө зарасанартаа олгыш даа.

Хэрэгүүд 4:31

Иигэжэ зальбарһанайнь һүүлдэ сугларһан байрадань газар хүдэлжэ, тэдэнэр булта Нангин Һүлдөөр дүүрээд, Бурханай Үгэ айлтагүйгөөр номножо оробо.

Хэрэгүүд 9:27

Гэбэшье тэрэниие Варнава дэмжэжэ, элшэнэртэ асараад, Саулай харгыдаа Дээдын Эзэниие хараһан, Дээдын Эзэнэй тэрээнтэй хөөрэлдэһэн, тиихэдэ ямар зоригтойгоор Саул Дамаск хотодо Иисусай нэрэ алдарые номноһон тухайнь хөөрэжэ үгэбэ.

Хэрэгүүд 9:29

Нэгэтэ тэрэ грек хэлэтэй еврейнүүдтэй хөөрэлдэхэдөө үгөө ойлголсобогүй. Тиимэһээ тэдэнь Саулые алаха гэжэ шиидэбэ.

Римэйхиндэ 15:30

Аха дүүнэр, намтай хамта минии түлөө Бурханда ханалгатайгаар зальбаржа байгыт даа гэжэ гуйнаб. Бидэ манай Дээдын Эзэн Иисус Христосто нэгэ адли этигэл һүзэгтэй, Һүлдын үршөөдэг нэгэ адли хайра дуратай ха юмбибди.

Римэйхиндэ 16:25

Бурханда магтаал соло дуудая! Тэрэ болбол Иисус Христос тухай минии номноһон Һайн Мэдээсэлэй ёһоор танай этигэл һүзэгые бэхижүүлхэ аргатай юм. Урдань тэрэ Һайн Мэдээсэл үни удаан саг соо далда нюуса байгаа.

Коринфынхидтэ 1-дэхи 1:5

Христостой нэгэдэхэдээ, таанад алишье талаһаа баяжабат, зондо Бурханай мэдээсэл дуулгахадаашье, тэрэниие ойлгоходоошье эрхим һайн болобот.

Коринфынхидтэ 1-дэхи 2:7

Минии номнодог сэсэн ухаан хүнүүдһээ далда хадагалагдаһан Бурханай нюуса ухаан юм, гэхэтэй зэргэ Бурхан манай магтаал солотой байхын тула газар дэлхэйн үшөө бүтээгдээгүй байхада тэрэ ухаа заяагаа юм.

Коринфынхидтэ 1-дэхи 4:1

Бурханай нюуса тайлбарилжа байхаар табигдаһан юрэ Христосой зарасанар байһыемнай таанад ойлгохо ёһотойт.

Коринфынхидтэ 2-дохи 1:11

бидэнэй тулада танай үргэжэ байһан зальбаралнууд бидэндэ туһалнал. Тиимэһээ маанадта аша туһатай байһанайнь түлөө олон зон Бурханда баяр баясхалан хүргэхэл.

Коринфынхидтэ 2-дохи 3:12

Иимэ эрхим һайн найдалгатай байхадаа бидэ ехэл зоригтой байнабди.

Коринфынхидтэ 2-дохи 6:11

Коринфынхид, бидэ таанадта сэхыень хэлэнэбди, зүрхэ сэдьхэлнай нээлтэтэй байна.

Коринфынхидтэ 2-дохи 7:4

Би таанадта аргагүй ехээр найдажа байнаб, таанадаар аргагүй ехээр омогорхожо байнаб. Бүхы бэрхэшээл зоболонгуудтаа би ехэл урма зоригтой, аргагүй баяр жаргалтай байнаб.

Коринфынхидтэ 2-дохи 8:7

Таанад һүзэг этигэлээрээ, үгэ хүүрээрээ, мэдэлгээрээ, оролдосоороо, маанадта хандуулһан хайра дураараа аргагүй баян бардам хүнүүд гээшэт. Тиимэһээ энэшье үлзы һайн ажалаа хэнһээшье үлүү һайнаар дүүргэхыетнай хүсэнэбди.

Эфесэйхиндэ 1:9

зориһон юумээ бүтээгээ, Христосоор дамжан бүтээхэ гэжэ анханһаа шиидэһэн өөрынгөө эрхэ мэдэлэй нюусые бидэндэ нээгээ.

Колоссынхидтэ 2:2

Тэдэниие урмашуулхын, хайра дураарнь нэгэдүүлхын тула, үнэн зүб ойлгосо үгэдэг баталаатай баялигаар элбэг байлгахын тула би тиигэжэ хүдэлнэб. Тиигэжэл тэдэ зон Бурханай нюусые, Христосые мэдэхэ.

Колоссынхидтэ 4:3

Христос тухай нюусые тайлбарилхадамнай, Бурханай үгые дэлгэрүүлхэдэмнай, Бурханай бидэндэ һайн боломжо үгэжэ байхынь тулада, таанад бидэнэйшье түлөө баһа зальбаржа байгты. Христос тухай номноһонойнгоо түлөө би мүнөө түрмэдэ һуужа байнаб.

Фессалоникиинхидтэ 1-дэхи 2:2

Филиппы хотодо байхадамнай ямар муугаар бидэндэ хандажа, бидэниие баһажа доромжолһыень таанад мэдэнэт. Манда эсэргүүсэһэн зоной олон байһаншье һаань, Һайн Мэдээсэлые номнохо зориг бидэндэ Бурхан үгөө юм.

Фессалоникиинхидтэ 1-дэхи 5:25

Аха дүүнэрни, бидэнэй түлөө баһа зальбаржа байгты.

Фессалоникиинхидтэ 2-дохи 3:1

Аха дүүнэрни, түгэсхэлдэнь иимэ юумэн хэлэхэ байнаб: Дээдын Эзэнэй һургаал таанадай дунда яажа таража байнаб, тон тиигэжэл саашадаа таража, алдаршажа байхын тула таанад бидэнэй түлөө зальбаржа байгты.

Тимофейдэ 1-дэхи 3:16

Һүзэг этигэлэймнай элирүүлһэн үнэн зүбынь үнэхөөрөө агууехэ юм: Хүнэй дүрсэ дүрсэлэн Бурхан ерээ, Тэрэнэй үнэн зүб байһыень Нангин Һүлдэ харуулаа, Тэрэ өөрыгөө Эльгээмэлнүүдтэ харуулаа. Арадуудай дунда тэрээн тухай номноо, бүхы газар дэлхэйн зон тэрээндэ этигээ, Тиигээд тэрэ тэнгэридэ дэгдэһэн байгаа.

Филимондо 1:22

Тиихэ үедөө намда нэгэ таһалга бэлдэжэ байгаарай. Та бүхэнэй зальбаралые Бурхан дуулажа, намайе таанадта эльгээхэ гэжэ би найданаб.

Еврейнүүдтэ 13:18

Үргэлжэ зүб юумые хэхэ гэжэ оролдон, арюун сэдьхэлтэй байнабди гэжэ бидэ өөһэд тухайгаа найданабди. Тиимэһээ бидэнэй түлөө зальбаржал байгты.