Эфесэйхиндэ 3:19 - Шэнэ Хэлсээн

¹⁹ Тэрэ гүйсэд мэдэрхын аргагүй байһан хайра дурые таанад мэдэрдэг болохот. Тиигээд таанад алишье талаһаа Бурхандал адли эрхим түгэс болоһойт гэжэ би зальбарнаб.

Библи

¹⁹ Тэрэ гүйсэд мэдэрхын аргагүй байһан хайра дурые таанад мэдэрдэг болохот. Тиигээд таанад алишье талаһаа Бурхандал адли эрхим түгэс болоһойт гэжэ би зальбарнаб.

Эфесэйхиндэ 3:19 ပူးပေါင်းရင်းမြစ်များ

Матвей 5:6

Үнэн зүбые угаа ехээр хүсэгшэд жаргалтайл, тэдэнэр һанаһандаа хүрэхэ юм.

Иоанн 1:16

Тэрэ өөрынгөө хизааргүй ехэ, урданайхиһаа үлүү ехэ буян хэшэгтэ маниие хүртүүлээ.

Иоанн 17:3

Хэтэ мүнхын амидарал гээшэ ори ганса үнэн бодото Бурхан бологшо шамайгаа, мүн шинии эльгээһэн Иисус Христосые мэдэхэ гэһэн удхатай.

Римэйхиндэ 8:35

Тиихэдээ юун бидэниие Христосой хайра дураһаа холодуулхаб? Зоболонгууд гү, али бэрхэшээлнүүд гү, али хашалга мүрдэлгэнүүд гү, али үлбэр үлэсхэлэн байдал гү, али ядуу тулюур байдал гү, али аюул оһол гү, али үхэл холодуулха болоно гү?

Римэйхиндэ 8:39

дээдын хүсэнүүдшье, доодын хүсэнүүдшье, бүтээгдэһэн бүхы юумэнүүдшье манай Дээдын Эзэн Христос Иисус соо оршоһон Бурханай хайра дуранһаа маанадые холодуулжа шадахагүй гэһэн бата этигэлтэй байнаб.

Коринфынхидтэ 2-дохи 5:14

Маанадые Христосой хайра дуран захирна, тиин хүн бүхэнэй түлөө нэгэ хүнэй үхэбэл, тэрэ үхэлыень хүн бүхэн хубаалсана гэжэ бидэ мэдэнэбди.

Эфесэйхиндэ 1:23

Һүзэглэгшэдэй бүлгэм Христосой махабад бэень гээшэ, бүтээгдэһэн бүхы юумые өөрөөрөө дүүргэдэг тэрэниие һүзэглэгшэдэй бүлгэм бүрин түгэс болгоно.

Эфесэйхиндэ 3:18

Тиигэбэл таанад Бурханай хүнүүдээр хамта Христосой хайра дуранай хизааргүй ехэ үргэн, ута байһые, аргагүй үндэр, гүнзэгы байһые тухайлха аргатай болохот.

Эфесэйхиндэ 5:2

Христосой бидэндэ дуратай байгаад, ами наһаяа хангалтай, Бурханда таатай тахил болгон маанадай түлөө үгэһэндэл адляар хайра дуранай жама ёһоор амидарагты.

Эфесэйхиндэ 5:25

Эрэшүүл, Христос яажа һүзэглэгшэдэй бүлгэмдэ дуратай байжа, тэрэнэй түлөө ами наһаяа үгөө һэм, тон тиигэжэл таанад һамгадтаа дуратай байгты.

Филиппынхидтэ 1:7

Таанад хододоо минии зүрхэ сэдьхэл соо оршонот! Тиимэһээл иигэжэ таанадта һанаагаа табижа байдагни зүб юм. Түрмэдэшье байхадамни, Һайн Мэдээсэлые хамгаалха, хатуугаар баталха эрхэ сүлөөтэйшье байхадамни, та бүгэдэ намда Бурханай даалгаһан ажалда хабаадалсажа туһалжа ябадаг һэнта.

Филиппынхидтэ 4:7

Тиигэбэл Бурхан таанадта хүнэй гүйсэд ойлгохын аргагүй амгалан тайбан байдал үршөөхэ, тиин тэрэ амгалан байдал зүрхэ сэдьхэлыетнай, һанал бодолыетнай Иисус Христосой ашаар сахижа байха.

Колоссынхидтэ 1:10

Тиигэбэл таанад Дээдын Эзэнэй хүсэһэн ёһоор ажамидаржа, тэрээндэ һайшаагдаха юумые хэдэг байхат. Таанад һайн һайхан хэрэгүүдые бүтээжэ, Бурханиие бүрил һайн мэдэрдэг болохо һэнта.

Пётрой 1-дэхи хандалга 1:8

Тэрэниие хараагүйшье һаа, таанад тэрээндэ дуратай байнат; мүнөө тэрэниие харангүйшье байхадаа, тэрээндэ этигэжэ байнат. Тиимэһээ таанад үгэнүүдээр дамжуулхын аргагүй, гайхалтай баяраар баясанат,

Пётрой 2-дохи хандалга 3:18

Зүгөөр, манай Дээдын Эзэн ба Абарагша Иисус Христосые саашадаашье мэдэржэ, үршөөл хайрадань хүртэжэ байгты. Тэрэ мүнөөшье, хэтын хэтэдэшье алдар солотой байһай! Болтогой!