Фессалоникиинхидтэ 1-дэхи 4:17 - Шэнэ Хэлсээн

¹⁷ Тиигээд амиды байһан бидэнэр тэдэ үхэһэн хүнүүдтэй хамта Дээдын Эзэниие угтахаяа агаарта үүлэн дээрэ гарахабди. Тиигээд Дээдын Эзэнтэй ходол хамта байхабди.

Библи

¹⁷ Тиигээд амиды байһан бидэнэр тэдэ үхэһэн хүнүүдтэй хамта Эзэниие угтахаяа агаарта үүлэн дээрэ дэгдэхэбди. Тиигээд Эзэнтэй ходол хамта байхабди.

Фессалоникиинхидтэ 1-дэхи 4:17 ပူးပေါင်းရင်းမြစ်များ

Матвей 26:64

Иисус тэрээндэ: «Ши тиигэжэ хэлээш. Харин би та бүхэндэ иигэжэ хэлэхэб: Мэнэ гэһээр таанад Хүн түрэлхитэнэй Хүбүүе Һүр хүсэтэй Бурханай баруун талада һуухыень, тэнгэриин үүлэнүүд дээрэ тамаран ерэхыень үзэхэт», – гэбэ.

Марк 14:62

«Тиимэб. Һаяар Хүн түрэлхитэнэй Хүбүүнэй Һүр хүсэтэй Бурханай баруун талада һуухыень, тэнгэриин үүлэнүүд дээгүүр заларан ерэхыень үзэхэт», – гэжэ Иисус тэрээндэ хэлэбэ.

Иоанн 12:26

Намда алба хэдэг хүн минии хойноһоо дахаад ябаг! Минии байһан лэ газарта минии зараса байлсаха. Намда алба хэдэг хүниие минии Эсэгэ хүндэлхэ юм.

Иоанн 14:3

Би ошожо, таанарта байра бэлдэхэб; минии байдаг газарта таанарайшье намтай суг байлсахын тула би һөөргөө бусажа ерээд, таанарые абаашахаб.

Иоанн 17:24

Эсэгэмни аа! Шинии үгэһэн хүнүүдэй намтай хамта минии ошохо газарта байхыень хүсэнэб. Юртэмсэ дэлхэйн бии болохоһоо урда ши намда дуратай байжа намда олгоһон алдар солыеш тэдэнэр хараг үзэг лэ.

Хэрэгүүд 1:9

Эдэ үгэнүүдээ хэлэһээр Иисус элшэнэрэйнгээ хаража байтар тэнгэри өөдэ дэгдэжэ захалба, тииһээр үүлэндэ халхалуулба.

Хэрэгүүд 8:39

Тэдэ хоёрой уһанһаа гарахадань, Дээдын Эзэнэй Һүлдэ түшэмэл дээрэ тогтобо, харин Филиппые Бурханай Эльгээмэл дээшэнь дэгдээбэ. Түшэмэл тэрэниие ондоо хараагүй, гэбэшье ехэ баяртай юумэн замаа саашань үргэлжэлүүлбэ.

Коринфынхидтэ 2-дохи 5:8

Бидэ зоригтой байнабди, эдэ бэенүүдээ орхёод, Дээдын Эзэнтэй гэртэнь байха дуратай байнабди.

Филиппынхидтэ 1:23

Тэрэ хоёр зүг хоюулан намайе өөр тээшээ татаад байна. Үхөөд, Христостой суг байхые аргагүй ехээр хүсэнэб. Энэнь ушаргүй һайн шэлэлтэ юм.

Фессалоникиинхидтэ 1-дэхи 3:13

Тиигэбэл Дээдын Эзэн Иисусай өөрынгөө хүнүүдтэй хүрэжэ ерэхэдэнь, Эсэгэ Бурханай урда нүгэлгүй, арюун сэбэр байхынтнай тула Дээдын Эзэн таанадые бэхижүүлхэ.

Фессалоникиинхидтэ 1-дэхи 4:15

Мүнөө бидэ таанадта Дээдын Эзэнэй һургаал номнонобди: Дээдын Эзэнэй ерэхэдэ амиды байгаа бидэ үхэһэн хүнүүдһээ түрүүн тэрээнтэй уулзахагүйбди.

Фессалоникиинхидтэ 1-дэхи 4:18

Иигэжэл, эдэ үгэнүүдээр бэе бэеэ урмашуулжа байгты.

Фессалоникиинхидтэ 1-дэхи 5:10

Иисус бидэнэй орондо үхөө, тиимэһээ тэрэнэй ерэхэдэ бидэ амидышье һаа, наһа бараһаншье һаа, тэрээнтэй хамта амидарха ёһотойбди.

Пётрой 2-дохи хандалга 3:13

Тиихэдэ бидэ Бурханай найдуулһан ёһоор ажамидарха шэнэ огторгой ба шэнэ газар дэлхэй хүлеэжэ байнабди.

Гэршэлгэ 1:7

Хаража байгты: үүлэн соогуур тэрэ ерэхэ. Бүхы хүнүүд, мүн жадаар хадхаашадшье тэрээниие хараха. Газар дэлхэйн бүхы арадууд тэрээниие шаналан хайрлаха. Үнэхөөрөө тиихэ юм. Болтогой!

Гэршэлгэ 11:12

«Наашаа дэгдэгты!» гэжэ тэнгэри дээрэһээ шангаар дуугарха абяан лүндэншэдтэ дуулдаба. Тиин дайсадайнгаа хараһаар байтарынь, лүндэншэд үүлэнэй дээгүүр тэнгэри өөдэ дэгдэшэбэ.

Гэршэлгэ 12:5

Нарайлха эхэнэр хүбүү түрэбэ. Тэрэнь бүхы арадуудые түмэр таягаараа ударидан зонхилжо байха юм. Тэрэ хүбүүниинь Бурханда, Бурханай хаан шэрээдэ дэгдүүлэн абаашагдаба.