Фессалоникиинхидтэ 1-дэхи 2:17 - Шэнэ Хэлсээн

¹⁷ Аха дүүнэрни, таанадтай саг зуура хахасаад байхадаа таанадаа ехэл үгылөөбди, таанадтай дахин уулзахаяа ехээр оролдообди. Үшөө бидэ һанал бодолоороо ходо таанадтай байгаабди.

Библи

¹⁷ Аха дүүнэрни, таанадтай саг зуура хахасаад байхадаа таанадаа ехэл үгылөөбди, таанадтай дахин уулзахаяа ехэл һэдээбди. Зүгөөр һанал бодолоороо ходо таанадтайгаа байгаабди.

Фессалоникиинхидтэ 1-дэхи 2:17 ပူးပေါင်းရင်းမြစ်များ

Лука 12:58

Хүнэй шамайе ямаршьеб юумэнэй түлөө гэмнээд, зарга шүүгшэдэ абаашажа байбал, тэрэ асуудалаа харгыдаа шиидхэжэ хаахые оролдо. Тиигээгүй һааш, тэрэшни шамайе зарга шүүгшэдэ шэрэжэ абаашаха; харин зарга шүүгшэ шамайе түрмын харуулшанда тушааха, харин харуулшан шамайе түрмэдэ һуулгаха.

Лука 22:15

Иисус шабинартаа хэлэбэ: «Ехэ зоболондо орохынгоо урда тээ Паасхын энэ хоол таанартаяа барихые би тон ехээр хүсэһэн байнаб.

Хэрэгүүд 17:10

Һүни болохотой сасуу һүзэглэгшэд Павел Сила хоёрые Бери хото руу ябуулба. Хото хүрэжэ ерээд, тэдэ хоёр мүргэлэй гэртэ ошобо.

Римэйхиндэ 1:13

Аха дүүнэр, таанадта ошохо гэжэ минии оло дахин тэмүүлдэг байһые мэдэжэ байха ёһотойт. Гэхэдэ, нэгэл юумэн намда ходо һаалта болодог байгаа. Бусад арадуудай дунда хүнүүдые Христосто хандуулдагтайгаал адляар таанадайшье дунда үрэ дүнтэйгөөр ажаллаха дуратай байгааб.

Римэйхиндэ 15:23

Харин мүнөө эдэ нютагуудта ажалаа дүүргэһэн, олон жэлэй туршада таанадтай ошожо уулзаха һанаатай байһан юм хадаа

Коринфынхидтэ 1-дэхи 5:3

Танай хажууда байгаагүйшье һаа, һанал бодолоороо таанадтай хамта байнаб. Тиигээд таанадтай хамта байһан мэтэл би манай Дээдын Эзэн Иисус Христосой нэрээр тэрэ бузар булай юумэ хэһэн хүниие гэмнэбэб. Таанад суглархадаа, һанал бодолоороо тантай байхадамни, манай Дээдын Эзэн Иисусай һүр хүсэнэй маанадтай оршохо сагта тэрэ бузар булайе сатанада гардуулан, махабад бэеыень һүнөөлгэхэ ёһотойт. Тиигэжэ тэрэ хүнэй һүнэһэ һүлдэ Дээдын Эзэнэй ерэхэ Үдэр абарагдаха.

Колоссынхидтэ 2:5

Би бэеэрээ таанадай хажууда байгаашьегүй һаа, һанал бодолоороо таанадтай хамта байнаб, тиин Христосто этигэһэн һүзэгэйтнай бата хатуу байһыень, һайн журамтай байхыетнай хараад баясажа байнаб.

Фессалоникиинхидтэ 1-дэхи 3:6

Мүнөө Тимофей бусажа ерээ, танай һүзэг ба дуран тухай һайн мэдээсэл асараа. Таанад бидэниие ходо һайнаар дурданат, таанадые харахаяа ехээр хүсэдэгтэмнайл адляар таанадшье бидэниие харахаяа ехэл хүсэнэт гэжэ тэрэ хөөрөө.