Фессалоникиинхидтэ 1-дэхи 2:14 - Шэнэ Хэлсээн

^14-15 Аха дүүнэрни, Иисус Христостой нэгэдэһэн Иудейн һүзэглэгшэдэй бүлгэмүүдтэй ямар юумэн ушараа һэм, тон тиимэ юумэн таанадтайшье ушараа. Дээдын Эзэн Иисус Христосые, лүндэншэдые алаһан, бидэниие хашажа мүрдэжэ байһан Иудейн зонһоо боложо, тэдэ зоной зобоһондол адли таанад баһа өөһэдынгөө хотынхидтэ хашуулан мүрдүүлэн зобоот. Тэдэ Иудейн зон Бурханда ехэл жэрхэдэһэтэй байна. Хүн бүхэндэ үһөөрхэжэ байна.

Библи

^14-15 Аха дүүнэрни, Иисүүс Христоостой нэгэдэһэн Иудейн һүзэглэгшэдэй бүлгэмүүдтэй ямар юумэн ушараа һэм, тон тиимэ юумэн таанадтайшье ушараа. Урдань лүндэншэдые алажа байһандаал адли мүнөө тэдэ Эзэн Иисүүс Христоосые алаа, бидэниие хашажа мүрдэжэ байһан Иудейн зонһоо боложо, тэдэ зоной зобоһондол адли таанад баһа өөһэдынгөө хотынхидто мүрдүүлэн зобоот. Тэдэ Иудейн зон Бурханда ехэл жэрхэдэһэтэй байна. Хүн бүхэндэ үһөөрхэнэ.

Фессалоникиинхидтэ 1-дэхи 2:14 ပူးပေါင်းရင်းမြစ်များ

Хэрэгүүд 11:19

Стефанай наһа бараһан сагһаа хойшо хашалга мүрдэлгэнүүдһээ зугадаһан һүзэглэгшэд Финики, Кипр, Антиох ерэжэ, һургаалаа гансал еврейнүүдтэ номножо байба.

Хэрэгүүд 13:50

Гэбэшье еврейнүүд хотын түрүү хүнүүдые болон Бурханда һүзэглэһэн хүндэтэ эхэнэрнүүдые Павел Варнава хоёрто эсэргүү һанаатай болгобо. Тэдэ хоёрые хашан мүрдэжэ, тэрэ нютагһаа намнаба.

Хэрэгүүд 14:19

Һүүлдэ Антиох, Икони хотонуудһаа еврейнүүд ерэжэ, хотынхидые элшэнэрэй урдаһаа эсэргүүсүүлбэ. Тиигээд тэдэнэр Павелые шулуудажа, тэрэниие үхөө гэжэ һанаад, хотоһоо шэрэжэ гаргаад хаяба.

Хэрэгүүд 14:2

Харин этигээгүй еврейнүүд еврей-бэшэнүүдэй һанаа бодолыень һамааруулжа, һүзэглэһэн аха дүүнэрэйнгээ урдаһаа тухирба.

Хэрэгүүд 14:4

Хотынхидой һанаа бодолынь хубааржа: зарим нэгэниинь еврейнүүдые, нүгөө зариманиинь элшэнэрые дэмжэжэ байгаа.

Хэрэгүүд 14:5

Бусад арадууд, еврейнүүд хотын захирагшадтай хэлсэжэ, тэдэниие шулуудаха һанаатай байна гэжэ элшэнэр дуулахадаа,

Хэрэгүүд 17:13

Гэбэшье Фессалоникидэ ажаһуудаг еврейнүүд Бурханай үгэ Бери хотодошье Павел номноно гэжэ дуулахадаа, баһа тиишэ ошожо, хүн зониие үймүүлэн хүлгөөбэ.

Хэрэгүүд 18:12

Ахайя можын захирагшаар Галлиониие табихада, еврейнүүд хоорондоо үгэсөөд, Павелай урдаһаа бодожо, тэрэниие сүүдлэхэеэ шэрэжэ асарба.

Хэрэгүүд 8:1

Стефаниие алаһан хэрэг Саулда ехэ һайшаагдаба. Энэ үдэрһөө хойшо Иерусалимда һүзэглэгшэдые ехэтэ хашан мүрдэжэ захалба. Тиимэһээ элшэнэр лэ хотодо үлөөд, бусад һүзэглэгшэд булта Иудейн ба Самариин нютагуудаар тараба.

Хэрэгүүд 8:3

Харин Саул һүзэглэгшэдэй бүлгэмые һандаргажа, гэрһээ гэртэ сүмэрэн орожо, эрэшүүл, эхэнэрнүүдые шэрэн гаргажа, түрмэ шорондо хаадаг байгаа.

Хэрэгүүд 9:1

Саул урдынхидаал адляар Дээдын Эзэнэй шабинарые алахаб гэжэ занаһаар байба. Тэрэ ахамад санаартада ерэжэ,

Хэрэгүүд 9:13

– Дээдын Эзэн, аа! Шамда һүзэглэдэг Иерусалимынхидта энэ хүн хэды ехэ хоро хүргөөб гэжэ би мэдэнэб. Энэ хүн тухай би олон хүнүүдһээ дуулаа һэнби.

Хэрэгүүд 9:31

Тэрэ үедэ бүхы Иудейн, Галилейн, Самариин нютагуудай һүзэглэгшэдэй бүлгэмүүдтэ энхэ тайбан мандажа, Нангин Һүлдын аша хүсөөр тэдэ бэхижэжэ, олошоржо, Дээдын Эзэнэй урда һүгэдэжэ байгаа.

Коринфынхидтэ 1-дэхи 10:32

Иудейнүүдтэшье, бусад арадай зондошье, Бурханай һүзэглэгшэдэй бүлгэмдэшье ямаршье гомдохол түрүүлэнгүй ажамидарагты.

Коринфынхидтэ 1-дэхи 7:17

Дээдын Эзэнэй табилангаар лэ хүн бүхэнтнай ажамидаржа байг лэ, Бурханай таанадые дуудахада ямар байгаа һэмта, тиимээрээл үлөөрэйгты. Тиигэжэл би бүхы һүзэглэгшэдэй бүлгэмүүдтэ заабаришалжа байдагби.

Галадуудта 1:22

Иудейн орон нютагта ажаһуудаг Христосто һүзэглэгшэ бүлгэмүүд намайе нюураарни танихагүй байгаа.

Фессалоникиинхидтэ 1-дэхи 1:1

Фессалоники хотын һүзэглэгшэдэй бүлгэм, таанадые Павел, Силуан, Тимофей гурбан амаршална. Эсэгэ Бурхан ба Дээдын Эзэн Иисус Христос таанадта үршөөл хайра ба амгалан тайбаниие үршөөг лэ!

Фессалоникиинхидтэ 1-дэхи 1:6

Таанад маанадта болон Дээдын Эзэндэ һажаан ажамидаржа эхилээ һэнта. Ехэ зобожо байһаншье һаа, Бурханай үгые таанад баяртайгаар угтажа абаа һэнта. Энэ баяр таанадта Нангин Һүлдэ олгожо байна.

Фессалоникиинхидтэ 1-дэхи 3:4

Түрүүн таанадтай хамта байхадаа хашуулан мүрдүүлхэбди гэжэ бидэ уридшалан хэлээ һэмди. Тон тиимэл юумэн ушараа.

Фессалоникиинхидтэ 2-дохи 1:1

Эсэгэ Бурхан болон Дээдын Эзэн Иисус Христостой нэгэдэһэн Фессалоники хотын һүзэглэгшэдэй бүлгэм, таанадые Павел, Сила, Тимофей гурбан амаршална.

Фессалоникиинхидтэ 2-дохи 1:4

Тиимэһээ бидэ һүзэглэгшэдэй бүлгэмүүдэй урда таанадаар омогорхожо байнабди. Бүхы хашалан мүрдэлгэнүүдтэ, зоболонгуудта һүзэг этигэлээ алдангүй таанадай тэсэбэритэй байһандатнай омогорхожо байнабди.