Yudas 1:7 - Allahle a neme heteungekoke homofae

⁷ Nebei sului mbai, nendahina Sodom yo bele Gomora yo bele na kelaeunga yo yoni-yoni honowate bele na ro miyae yoko kaeimae kowate nane merau ro na ro akobae bele miyae na miyae akobae bele uwa mbainye honowate. Nebei aerene Allah yae nebei yo nemene i yae woke beukoke. Nebei ro miyae iwaufe yaeiboke u mekai beko bele ro miyae hubara haeisa i ekebeikoi anuwaunge enainyerelende.

Yudas 1:7 ပူးပေါင်းရင်းမြစ်များ

Matius 10:15

Reyae wamale, nana hesele Allah yae ro miyae mere nommiyonde yane Sodom yo bele Gomora yo belena ro miyae naei ehee bukulu foma-foma inyaibonde, nebei yo yoni-yoni honatena ro miyae naei ehee bukulu ehekaei sele kaenaibonde.

Matius 11:24

Nebeibe Reyae mare wamale, Allah ro miyaere me nommiyonde yane Sodom yo naei ehee bukulu fomannebonde mare ehee bukulu kaban sele inyembe.”

Matius 25:41

“Nebeisa Reyae meli reufina yore ufemile, ‘Olomore nembokembe ro miyae, walobo yun na malaikat yoni-yoni belere mokainyehake na hibi mo i benende anuwaunge emembo.

Lukas 17:29

Lot Sodom yora meukuke mo, nebei ya mbai i yakura oke, ro miyae nemene howole haiwole.

1 Korintus 6:9

Mayae maisaei sele Allahle me kelee u keleena ro miyae foi hubanainyende rambunde u mekai bekore mokate ro miyae yae ehubaikoi sului. Mare ame-amebe wabenayensimbe bele, nda a wamalere borombe, nda u mekai ma ro miyae nanemene Allahle me kelee u keleene nekate ro miyae foi hubanainyende rambunde ehubaikoi sului: ro miyae yoko kaeimaere koyate, hoime bahere ei moloyaimile yo, ro miyae bele miyae ro bele mbainye hononate yo, ro akobae bele miyae akobae bele uwa mbainye honate yo, yokoyo, ro miyae naei rambunde kena haehae koyate yo, keu bu mali yo, ro miyae hiwa naeise a beko faeu beko huwate yo, ame-ame yae rambunde yarate yo.

2 Tesalonika 1:7

mangkele maengkele no emayembonde naeise, weitasi aere koyaime yo hee nemmihande. Nebei hee mbai aei Tuhan Yesus yakambonde i bulo-bulo eisa na malaikat-malaikat nelae wake bele surgara onate.

2 Tesalonika 1:8

Allahre onaeinye yo bele aei Tuhan Yesusle a foi faeu foise ehakoyei yo bele Neyae onde ehee bukulu hayemmikonde.

2 Petrus 2:2

Ro miyae helen nebei ame-amere kelaeimi yo naei wali niki belere hakonaimile. Nebei aerene hiwa yo Yesusle na hele wali nibi are aukaka yae konate.

2 Petrus 2:6

Na bere hele, yo bee hele na ro Sodom bele Gomorah bele. Nebei yo bee na ro miyae me hilae u hilae nekai mokowate, wali niki bele nekewate. Na yane baei wali heere folaikoke are asasi kowate me u mokowate nolone wali himaloungeboke ro mbai nekewole, na ro Lot. Neyae nebei yo naei me u beko bakore ijoko yae erewekene, angkaei yae borowekene, kena beko kaban koweke. Allah nebei yo bee me nommiyoke, i yae woke beikoke ondowaise yeikoke. Allah yae Lotbe hole moloungeboke.

2 Petrus 3:7

Nda kun wau bele kani kela bele Allahle a yae hole moloimeyeunge i yae wononde bengkondere. Ya mbai mende, Allah yae Naei a elelere ei ehaweyei ro miyaere na walire hului kolommikonde, beko mokommikonde. Nebei ya mbai Allah yae nda kun wau bele kani kela bele i yae wononde bengkonde.