Yudas 1:4 - Allahle a neme heteungekoke homofae

⁴ Reyae nda a wamale, rabuhine ban Allahre ei ehaweyei yo maleu-maleu wae mai u nolo u kainye mayeuboke nekate. Nda yo yae kelaeimi Allah aere kena buhae aere ban mae heumelene, eyae na hului u mekai bekore kena haehae kande hului mokomale. Nebei yo kelaeimi Yesus aei Tuhan hele mbai mo Kiyae Wali Ondofolo ban. Nebei holona yo naei ehee bukulu nendahina homofaene a nulainyekoke.

Yudas 1:4 ပူးပေါင်းရင်းမြစ်များ

Matius 13:25

Nebeibe ro miyae ijongkune honowate hee yae, na yokeijo ro meke gandum nolone hun haka heraeyeukokera ewole.

Yohanes 17:3

Wali hena bonana u mekai nda niyae: Weyae Allah hele mbai mo rore ronayete nane merau Yesus Wali Ondofolo, Reyae Niyae, Weyae ukarae mekale Kiyae rore ronaisele.

Kisah 11:23

Barnabas eke erewole nebeinya ro miyae Allah na hele kena buhae aere ban mae hewoumine rei sele kowole. Barnabas yae a usaei uwoumi Tuhan are weumi huluinye na hibi-hibi nekenayende.

Kisah 15:24

Meyae a borowande ro hiwa maei nolora mai bokore ekate nane merau naeinya a usaei kelewayembere mayae onei-onei onaeube, erabae mai keleikoise meyae ro miyae mbai ewei ei mo.

Galatia 5:13

Aka naei baeke naei, Musale walora wali heere foloukoke a hului ehee bukulu hayemmira me rubombokembe. Nebeibe mai bekore kena haehae kaube hului mokombe belene, wali kayaa bele hebembe. Maise naeise kena buhae eise meise yae hembe nane merau yebaei bubaei u mekai yae eisako meisako yae hakomembe.

Efesus 4:14

Nebei heene eyae aei wali kelu omi wayeu wanen mae enekei. Kelu omi na hele are foi yae isaeyeiboi. Bu mokona alu ruwae boye yae ndire ndare kounge wanen mae nebei kelu omi wanen ro miyaere ame-amere kelaeimi naei a mongko-mongko waimi yore hakoyaimi.

1 Timotius 5:8

Ro miyae mbai naei aka baekere eholei, na bereise naei imae ei obe einya mbainye nekate yore eholei enareinya, nebei kiyae Wali Ondofolole wali nibi are na hele ban elende. Nebei kiyae na beko hele, hila rabo ban nekeyate yora.

2 Timotius 2:12

Wali Ondofolole aerene weitasi kaimere kena yae heraumandena, Wali Ondofolo aengkele mbainye mere emamokonde. Wali Ondofolore onaenne yae emalendena, Wali Ondofolo aere oneume yae enelengkonde.

2 Timotius 3:6

Rabuhine ban nebei u mekai holona ro miyae hiwa yo naei imae eise na maleu-maleu wae ate, miyae maengke u mekai kobu yo beko yae maemae koumikoke nane merau bekore kena haehae hakonaimilere kate yo naei kena u hawaimi.

1 Petrus 2:16

Musale walora wali heere foloukoke a huluinya ehee bukulu hayemmera mare me rubombokembe. Nebeinye me rubombokembe naeise isaeyaeubokene u mekai beko benen omokoyei, nebeibe Allahle kaliare mokate yo holona wanen mae wali nekembe.

1 Petrus 2:8

nane merau nebei homone molaikoke: “Nebei ruka yae ro miyaere mokommile orore nalemmihinde ana balenate.” Nebei ro miyae Yesus Naei a elelere ehakoiboinye nalemmihinde balenate. Nane merau Allah yae merau raungehike nebei yo nalemmihinde balenate.

1 Petrus 4:18

Allahle homofae einye nda mekai molaikoke: “Wali himalainyeboke holona ro miyaere hole moloiboise yabi-yabi helena, Allah a elelere ei ehaweyei yo bele u mekai bekore mokayeke yo belere hole omoloiboi sului?”

2 Petrus 2:10

Nda holore na bereise ehee bukulu yemmile: ro miyae naei bekore kena haehae koyatere na hibi-hibi hakoyate yo bele, na yun-jun holona a waimire moi yae buleyaimi yo bele. Ame-amere kelaeimi yo ukaei selene buhae hokoiboi ban surgana malaikat yoni-yonire aukaka koyaimi.

2 Petrus 3:7

Nda kun wau bele kani kela bele Allahle a yae hole moloimeyeunge i yae wononde bengkondere. Ya mbai mende, Allah yae Naei a elelere ei ehaweyei ro miyaere na walire hului kolommikonde, beko mokommikonde. Nebei ya mbai Allah yae nda kun wau bele kani kela bele i yae wononde bengkonde.

1 Yohanes 2:22

Ame-amere bele kiyae na hele nde? Na hele nda a mekai yae eyelewole: Yesus nana hesele Allah yae oro umau heraweungeboke Wali Ondofolo Kiyae ban. Nebei a ma elate ro miyae Yesus Wali Ondofolore ro ban yembondere relaeinye yo. Nebei yo Ako Allahle na Kelu Yesus bele nangkele mbainye enekei.

Yudas 1:15

Nda kani kelana ro miyae nanemene na walire mere memmikolondere. Nda aerene Tuhan mae Allahre ei ehaweyei ro miyae me nommiyonde: Allah kena okoi me u beko Allahle u mekaise bune wane ehameikoi ma yae mokayeke aerene, nane merau nda holona yo yae Nare a faeu beko ukainye aukaka kainyeke aerene.”

Yudas 1:18

Neyae mare uwayembe, “Huba mokoikoi ya aukakare konayembe ro miyae helen menaijakambonde. Naei Allahre ei ehaweyei bekore kena haehae kate mo hakonate mokonate.”

Wahyu 15:4

Tuhan, ro miyae nemene fomene Ware huba haeisa yanayete, nane merau Waei Rore hili hebayete. Rabuhine ban Tuhan, Wembai sele nene waewae bele. Kani yoni-yoni nemene hokonaimende, Ware ei molonayete, rabuhine ban Weyae na ijen bangka mo mokowoyae naeise yakauboke.”