Yohanes 8:51 - Allahle a neme heteungekoke homofae

⁵¹ Na helebe Reyae wamale, nde Reyae ufende are hubara haeisa yanennelena, Allah bele ewahei nekenende.”

Yohanes 8:51 ပူးပေါင်းရင်းမြစ်များ

Matius 16:28

Nana heselebe Reyae wamale, ndane mewarileufike ro miyae mai nolona hiwa eherei mo nekenate, Reyae Allahle bokora mekale ro miyae uware yeubokale Kiyae Wali Ondofolore yolu ikilaiseboke one hengko bele ma yae merele erenaisele.”

Lukas 2:26

Na bere Allahle Roh yae a ukeunge neyae eherei mo nekende mende Tuhan Allah oro umaufe heraweungeboke Wali Ondofolo Kiyaere naei ijoko yae erennebonde.

Yohanes 14:23

Yesus yae weunge, “Rare kena buhaere haeise ro miyae, Reyae kelaemaele a usaei wasaei huluinye hakonde mokonde. Maeko nebei kiyaere kena buhae hennele. Meyae nebei kiyaele bokore ale, nanembainye emanekende.

Yohanes 15:20

Reyae uwamale are bene foi yae nekenayembe. Yebaei bubaei yoni-yoni na rowale na metete ban. Wali beko nibine orate yo hiwa Rare weitasi kowaisene, nebei wanen mbai mare weitasi konayembe. Ro miyae hiwa Raei ako faeuko huwamaele huluinye hakowaisene, nebei wanen mbai mayae huwembe are hakonate.

Yohanes 17:6

“Arai nda kani kelana Rare kinyewarae ro miyaere Waei u mekai isaeiwamaele. Nebei yo Arai mere mokamae holona nebeisa Rare kinyeufebokae. Nebei holona yo Waei ako faeuko wamaele huluinye hakoimeyate.

Yohanes 5:24

“Reyae nana heselebe wamale, nde yae Raei a elale borombonde nane merau Rare ukeufe mekale Kiyaele a elelere hila rabo halendena, wali hena bona rowende, walire hului okoloi. Nebei ro miyae Allah bele waheikoke wali ma wekeunge, Reyae Wali Ondofolo yae kelaemaele wali nibine orole.

Yohanes 6:50

Raman aneikoyate wali elaere yeyeumi wanen mbai Reyae surgara okale wali hena bona isemilere. Raman mae anengkondena wali nekende wanen mbai ro miyae Raei a elalera hila rabo halenate wali hena bona yaronate.

Yohanes 8:12

Ro miyae benen Yesusle bokore hokomeke mo Yesus yae weumi, “Reyae Niyae nda kani kela hehere naemaele Kiyae. Hehe nibi reniai nolore hehe naeikoyole wanen mae, nde yae Raei moisa hakonsele kiyae wali hena bona nibibe kelaenale. Neyae ouben hauben nibine benen oroi.”

Yohanes 8:52

Yahudi ro miyae yae wainye, “Nda hee yae wa meyae isaeyaendeboke Weyae alo yae ayeubokete koyae! Rabuhine ban Abraham naei uwa nane merau Allahle yenjo kayaayo nanemene heraiboke. Nebeibe Weyae eleyae, ‘Nde Reyae wamale are hubara haeisa yanennele kiyae here ehubayeikoi nekende.’

Yohanes 8:55

Mayae nebei Allahre ro oroiboi hororebe, nebeibe Reyae Nare ro roungebokale. Reyae Nare oroiboi a yae ufembena mainya wanen ame-ame bele rore isebonde. Nebeibe Reyae Allahre ro roungebokale, Neyae elele a huluinye hubara haeisa yananale.

Ibrani 11:5

Henokh Allah Naei a elewolere hila rabo halewounge walora Allah yae nare rouke, here neyae ehubasi. Nebeinye ro miyae hiwa baewainye nebeibe nare ehubaikoi, rabuhine ban Allah yae nare kaeubokene. Namman ekaeiboi yae Allah Henokhle naeise nda a eleukoke, “Na wali Raei kena foise mokoufe.”

Ibrani 2:9

Nebeibe nda hee Yesus ijokore erannele Kiyae. Ya na fofo hele Allah yae mokoungeboke malaikat yoni-yoni nekate anuwaufa are oungeraufike. Nebeibe nda hee Neyae beko hubawoungera hereke benen waleubokene, Ondofolo yae Nare hili hebeyainye nane merau be hineyainye. Allah kena buhae aere ban mae heumi u mekai ma nekelene, ro miyae aerene Yesus hereke.