Yohanes 8:31 - Allahle a neme heteungekoke homofae

³¹ Yahudi ro miyae Yesusre hila rabo halewainyele elewate yore Yesus weumi, “Aka naei baeke naei, Reyae kelaemale are na hibi hila rabo halemembena, mayae Raei moisa hakaufekoke holona yore yembombe,

Yohanes 8:31 ပူးပေါင်းရင်းမြစ်များ

Matius 24:13

Nebeibe ro miyae naendae wanen horo wali beko hubanainyele Raei a elalere hila rabo halenayende, nebei ya huba enainyemokondena, na wali Reyae hole eremimolombonde.

Yohanes 1:47

Nataniel nahaufa melere Yesus erekeunge, Natanielle abe elele, “Erenne, Allah mere baele Israel yohona hele mele, ame-ame ban kiyae.”

Yohanes 2:2

Yesus na moisa orowate yo bele nebei eraman bulau mokaibokere riyaimihike ekate.

Yohanes 6:55

Rabuhine ban Raei uwa melen raman hele nane merau Raei ha bu helere yeuboke.

Yohanes 8:36

Nebei aerene Reyae Allahle Kelu yae yebaei bubaeisa bulaerenembombena, weyae na hele Musale walora wali heere foloukoke a hului ehee bukulu hainyembera me rubombokembe.

Kisah 13:43

Ro miyae nebei ei moloi-moloi imaera maibaleke bae, hokolo beere na moisa hakowaimi. Hiwa Yahudi ro miyae, hiwa Yahudi ban ro miyae nebeibe Yahudi agamane ayeuboke. Paulusle Barnabasle a usaei uwoimi Allah kena buhae aere ban heumine Naei a weumi huluinye nekenate.

Kisah 14:22

Nebei yona Yesusre hakainyekoke ro miyae na hila rabo aiminuke nane merau moi hurewaimi Yesuslena a elelere hila rabo halainyele wali ma yae nekenayende. Paulusle Barnabasle nebei yore weimi, “Yesusle me kelee u keleene nekate holonare emayembonde naeise beko helen hubamangkonde hele.”

Kisah 26:22

Nebeibe meke nda heene Allah nin kan roroufemekene, nda hee ro raimi bele, ro ban bele ro miyae bene hebale a wamale. Nda wamale a na bere Musa yae nane merau Allahle yenjo kayaayo yae a mehininde kolowainye mbai.

Roma 11:22

Nebeinye eren! Allah Na kena foi u foi bele nane merau kena elae u elae bele ro miyaere mokoyeumi. Yahudi ro miyae Nare moi bulaeinyeboke yore Allah na kena elae u elae bele mokowoumi. Nebeibe mayae Yahudi ban ro miyaere Allah na kena foi u foi mokombene helen foi waungele wali ma nekembena, Nare na hibi kena foi u foi mokonemembe. Mayae ma hi nekembena, Allah mare moi bulenembombe.

Roma 2:7

Ro miyae u mekai foi na hibi-hibi mokayeke walora uwa emmikaende naei bele be emmihinende naei bele nane merau wali hem ban kana ban belere baete yore, Allah yae wali hena bona emmiyende.

1 Timotius 2:15

Miyae maengke Wali Ondofolo Naei a elelere hila rabo halennele bele, ro miyaere kena buhae hemmile bele, nane merau Allah kena kole hului na wali haranaimilena, kelu omi hononate hee Allah nare hole moloumiyeumi.

1 Timotius 4:16

Waei u mekai wa mekai bele nebei a usaei kelaemaele belere kayaa foi yae hebele. Naendae wanen horore beko hubanayete, no ban hee ban mokole. Rabuhine ban nebei mekai mokolene, waei uwa hole moloungebonde nane merau ro miyae nanemene waeinya wamae are borate yo bele hole moloumibonde.

2 Timotius 3:14

Nebeibe weyae Timotius, a usaei wasaei na hele ware kelaeyekokete bele na hele eleyae belere me bobo ikileungekonde, rabuhine ban waeisaei sele nde naei yae nebei isaei hebaende kelewayete yo.

Ibrani 3:14

Na bemena Wali Ondofololena a foi faeu foi borowande hee, Allah a elele huluinye mokolere hila rabo elae halaende hului nekemalena, Yesus Wali Ondofolo bele mbainye nekemale.

Ibrani 8:9

Naebu naei naeko naei Mesir kanira yaweumibokale maibaleke mewate heena Musale walora wali heere foloukoke nibire a hetewamaele wanen ban, rabuhine ban nebei a heteungekokale huluinye nebei yo enekei nane merau Reyae moi buleumibokale.

Yakobus 1:25

Yesus Naei elele are hiyei raneuboke wali heere foloukoke a mbai, hakainye ro miyae Musale walora wali heere foloukoke hului ehee bukulu hayemmera me ruboumiboke. Nde yae nebei a faeu elelere nou henende nane merau hubara haeisa yanennelena, nebei u mekai mokole ro miyae onomi foka hubanainyende.

1 Yohanes 2:19

Yesus Wali Ondofolore ro ban yembondere relenainyele yo bere aengkele holo mbainye nekewande. Aei holona yo hele bande yaeibokene nebei yo aei u nolo u kaisa aibaleke. Nebei ro miyae aei holona yo hele yaeiboube yae, aengkele mbainye na hibi nekandeweube. Nebei yo wekatene mo, na yaka yeuboke nanemene aei holo einye eyeiboi.

1 Yohanes 2:24

Nebeinye kayaa foi hebembe, Yesuslena a mayae na bere hele boraubokebe hila rabo halemembe. Nebei borauboke are hila rabo halemembena, Ako Allah bele Na Kelu Yesus bele mangkele mbainye nekemembe.

2 Yohanes 1:9

Yesus Wali Ondofolo yae kelewoumi a usaei waeisaei huluinye enekei ro miyae, Allah bele mbainye enekei. Nebeibe nde yae Wali Ondofolo yae keleumi a usaei waeisaei huluinye nekende kiyae, Ako Allah bele Na Kelu Yesus bele mbainye nekate.