Yohanes 8:12 - Allahle a neme heteungekoke homofae

¹² Ro miyae benen Yesusle bokore hokomeke mo Yesus yae weumi, “Reyae Niyae nda kani kela hehere naemaele Kiyae. Hehe nibi reniai nolore hehe naeikoyole wanen mae, nde yae Raei moisa hakonsele kiyae wali hena bona nibibe kelaenale. Neyae ouben hauben nibine benen oroi.”

Yohanes 8:12 ပူးပေါင်းရင်းမြစ်များ

Matius 5:14

“Nda kani kelana ro miyae bene mayae hehe wanen naeukoke nekaube. Moko ranne hebate yo yande naeungekoke isehe faunge nekate ro miyae nanemene na hului erenate.

Lukas 2:32

Neyae hehe naeyele wanen Yahudi ro miyae ban yore wali hena bona wali nibi are yakammile nane merau Israel yore Waei nene waewae kelemmile.”

Yohanes 12:35

Yesus yae weumi, “Nda hee ferere Reyae hehere naemmile Kiyae mai nolone nekande. Nebeinye Reyae hehere naemale Kiyae namman nekale yae Allahle isaei hebaende onaeinye yo wanen mayae yembombe belene, Raei a elale huluinye nekembe. Allahre onaeinye yo yae wali nibi foi isaeyeiboi. Nebei yo ouben hauben nolone orate wanen nekate.

Yohanes 12:36

Reyae hehere naemale Kiyae mai waline namman nekande hee yae Rare hila rabo halensele. Nebei mekai yaere mayae na hului Reyae hehere naemale Kiyaele kelu omire yembombe.” Nebei ara weumikokera Yesus nauware nunne enahengkonde anuwaufe ewole.

Yohanes 12:46

Ro miyae hila rabo halaeisele yo yae Allahre onaeinye holona yo naei wali oubenne orate wanen enekei naeise Reyae hehere naemaele Kiyae nda kani kelare hehe wanen mekale.

Yohanes 14:6

Yesus yae weumi, “Reyae Allahle bokore eke nibi Kiyae bele na hele no wali no. Ro miyae Raei walora mo Ako Allahre ronainyebonde, nibi hi u hele.

Yohanes 3:19

“Nda u mekai aerene ro miyae ehee bukulu emminoyonde: Allahle wali hena wali nibi ako faeuko hehere naemmile wanen nda kani kelare meke. Nebeibe ro miyae nebei ako faeuko ahi, nebeibe ouben hauben nolone wanen nekenatere kena kowate, rabuhine ban me u beko mokowatene.

Yohanes 7:17

Ro miyae nde Allah kenare kole mare hakonate isaeinyaibonde nda kelaemaele a usaei Allahlera, Raeisa ban.

Yohanes 9:5

Nda kani kela einye namman nekale hee, Reyae nda kani kela hehere naerensonde Kiyae.”

Kisah 13:47

Rabuhine ban, Tuhan are ukeume, ‘Reyae ware eleubokawale, ro miyae Yahudi ban yore isehe wanen mae naeumihombere. Nda kani kelana ro miyae nemene wali hena a faeufe huwemmiyembe.’ ”

Kisah 26:23

Naei a nda wanen molaikoke: Wali Ondofolo mende beko hubayengkonde. Neyae na berei sele herera walembonde. Hehe naeumikonde wanen mae Neyae wali neme wali nibi are Yahudi ro miyae belere Yahudi ban ro miyae belere kelemmile.”

2 Petrus 2:17

Nebei ame-amere kelaeimi yo a helen huweyaimilebe, nebeibe me u foi omokoi. Nebei yo bu no kemeleikoyole wanen nane merau mangko nokombi meitoroikoyele alu boye kaban mae haleiboyelene yare owoyoi wanen. Ouben hauben anuwaunge nebei yore Allah mokoungehake.

2 Petrus 2:4

Allah yae beko bakore mokowate malaikat-malaikatre ehee bukulu hayeumikoke. Nare anuwau ouben hauben helene hayeukoke ha elaekei sele yae ikileumikoke, hebenayende Allah mere nommiyonde yane.

1 Yohanes 1:6

Allahle a elelere oboroiboi wali ma nekatere ouben hauben wanen. Allah Naei wali nibi mbainye orande wali mbainye nekande naeise elandebe nebeibe Nare onaenne wali ma nekandena, aei uware ame-amebe bemande nane merau Wali Ondofolole walora na hele wali nibi a huluinye enekei.

Yudas 1:13

Naubu na nauwala ruwae elaene olokee mokounge wanen mae nebei yo naei u mekai beko mokate yae fe koi-koi ma mo imokowaimi. Findelau hehe eise meise oratena, ro miyae naei hehe yae imoli mokonatena ijen mae ehawei. Nebei wanen mbai nebei yo naei ame-ame kelaeimire hakonate ro miyae wali nalaibokebe nekate. Nebei ame-amere kelaeimi yo naei ehee bukulu yemmile anuwau ouben kika huba haei ban hononende ma Allah mokoungehake.

Yudas 1:6

Nane merau u mekai beko bele mokaikoke malaikat yoni-yoni Allahle me kelee u keleena me mokowaimi yo Allah mbai yae ro baewaimine, angken bumana nuwewatera nukaiboke. Nebeinye Allah nda malaikat holonare hubara haeisa elae bele rantai yae wowo koumikoke, ouben hauben anuwaunge hayeukoke ende Wali Ondofolo benen mende nare me nommiyonde.

Wahyu 21:24

Nane merau nebei kani na ro miyae nebei hehe eisa ele mele konayende, nane merau ondofolo yoni-yoni baengko bele rambun yoni-yoni nebei yo eise roungaimende.