Yohanes 7:39 - Allahle a neme heteungekoke homofae

³⁹ Allahlena Roh enaiyaronde abe Yesus are haraungeboke huwoumi. Yesus Naei a elelere hila rabo halenate ro miyaere Allahle Roh ammibonde. Nebei hee Allahlena Roh namman emei rabuhine ban Yesusre hilire hebenainyele ya nammanne.

Yohanes 7:39 ပူးပေါင်းရင်းမြစ်များ

Matius 16:14

Nda yo yae wainye, “Ro miyae hiwa yo Yohanes bure kowoumi kiyae yae elate, hiwa yo Allahle yendo kayaalo Elia yae elate, hiwa yo Allahle yendo kayaalo Yeremia yae elate, hiwa yo yenjo kayaayo ro holona hi yae elate.”

Matius 21:11

Ro miyae yae elate, “Nebei niyae Yesus Galilea kani Nazaret yona yendo kayaalo.”

Lukas 24:49

Allah are heteungekoke huluinye Reyae mare Naeinya Roh isembere. Nebeibe mayae nda yone namman nekembe mende Allah Naei elae wake bele ketenembombe.”

Lukas 3:16

Nebeibe Yohanes yae weumi, “Reyae mare bu yae kamale. Nekemakonde mo, Ro hi ro bele Kiyae mende. Naei oro mehau ha kulaiboise reyae na hului ban, rabuhine ban Naei bene reyae ro ban sele. Reyae mare bu yae kamale wanen Neyae mende mare Allahle Roh bele, i bele yae konembe.

Lukas 7:16

Nebeinya ro miyae fangkengke yae bowate, Allahre buma kolowainye. Nebei yo yae elate, “Yendo kayaalo kaban mbai aei nolone meuwakauboke, Allah Na ro miyaere hakommibonde naeise meke!”

Yohanes 1:21

Neyae benen hinainye, “Nebei wanenna, weyae nde? Allahle yendo kayaalo Elia era?” Nebeibe Yohanes yae weumi, “Niyae ban.” Nebei yo yae benende hinainye, “Weyae Allahle yendo kayaalo kaban mendere meyae rakanne kiyae era?” Nebeibe Yohanes yae weumi, “Niyae ban.”

Yohanes 1:25

Nebei yo yae Yohanesre hinainye, “Weyae Wali Ondofolo ban, Allahle yendo kayaalo Elia ban, nane merau Allahle yendo kayaalo meyae rakanne kiyae ban donbe, ndele ro yae weyae bu kamae?”

Yohanes 1:33

Reyae isaeyeiboi nebei Kiyae nde. Nebeibe rare bu yae koremilere ukeufe Kiyae nda wanen mae ukeufe, ‘Weyae erele Allahle Roh onde ro mbai uwa ranne onsebenunde Kiyae, nebei Ro weyae bure kamae wanen mae ro miyaere Allahle Roh yae kommile.’ ”

Yohanes 12:16

Nebei hee Yesus na moisa orowate yo nda bewatere u bene orowei kowate. Nebeibe Yesus herekera meke benen bumane ike heera wa u bene nekaimihike, na hele nebei ro miyae yae ei molowainyere nemene fomene Allahle homofaene Naei naeise molaikoke honate.

Yohanes 12:23

Yesus yae weumi, “Allahle bokora mekale ro miyae uware yeubokale Kiyaere hilire hebenaisele hee na hului meujeuboke.

Yohanes 14:13

Nane merau rahe rambun aerene mayae Raei Ro eisa yae Maeko Allah riyennelena, mai rambun riyembe huluinye Reyae mokorebonde. Nebei nibi yae Raei walora Maeko Allahre hili enainyehebende.

Yohanes 14:26

Nebeibe Ako Allahle Roh, mare holenembe Kiyae, Raei Ro yae wennele mende. Nebei Kiyae yae mare kelenembe nane merau mokonembe Reyae kelewamale a usaei wasaei nanemene mai u benene nekenayembe.

Yohanes 16:14

Neyae Rare hili ensehebende, rabuhine ban Raeisa yarongkondebe mare isaeinyembe.

Yohanes 16:7

Na helebe mare wamale, mai foi naeisene Reyae erelere. Rabuhine ban Reyae einya, mare holenembe Kiyae mai bokore emei sului. Nebeibe Reyae erelena, nebei Kiyae Reyae ufende mai bokore mende.

Yohanes 17:1

Nebei a usaei wasaei huba mokoungekokera, Yesus yakure yae be weuweke wa elele, “Arai, nda hee na ya na hului meujeuboke, Ako Reyae Wa Kelu Niyae Ware hili ereisebeite naeise Rare hili hebeise!

Yohanes 17:5

Arai, nda kani kela omokoi heene Waei bene Reyae nene waewae bele hebewale. Nda hee Wa kendan wameran bene nebei nene waewae mbai bele yae buma kaeisebo.

Yohanes 20:22

Nebeisa eufou mauwoumi wa weumi, “Allahlena Roh yaroungko.

Yohanes 6:14

Nebei ro miyae rambun emere-emere mokouboke erewatene elate, “Nana hesele nda Kiyae Niyae Allahle yendo kayaalo nda kani kelare mendere elewate Kiyae.”

Yohanes 7:12

Ro miyae hokowole yo Yesusle a a maehae-maehae elewate huwate. Hiwa yo yae elewate, “Neyae ro u mekai foi,” hiwa yo yae elewate, “Neyae ro miyaere ame-ame beumi.”

Yohanes 8:54

Yesus yae weumi, “Raei uware Renaei kaerelena, rabuhi ban isebonde. Raei uware kaensele Kiyae Maeko Niyae, mai Allah yae elaube Kiyae.

Kisah 19:2

Paulus yae hineumi, “Yesusre be hinauboke na hele yae elaukoke hee, Allahle Roh yaraukoke?” Nebei yo wainye, “Eyaroikoi, nane merau Allahle Roh nekele naeise meyae maeisaei ban.”

Kisah 2:17

‘Allah yae a weume, moinya yane Raei Roh ro miyaere isemile. Mai kelu omi kelune maengkene Reyae ufemile a faeu ungaimile. Mai ro hokolo fa benate rambunde ijoko ka yae raneremibonde enairende. Mai rorele yo benate rambunde Reyae isemile imene naline enaisononde.

Kisah 2:33

Nda hee Allah Naei kendan wameran meube reufine na bumane haungeboke. Allah are heteungekoke hului Naei Roh ikeunge. Aka naei baeke naei, mana mayae boraube nane merau eraube rambun, nebei Roh mbaibe mana Yesus yae maei uwane kiteumeboke.

Kisah 2:38

Petrus yae weumi, “Aka naei baeke naei, Allah yae mai beko bakora faeinyenembonde naeise, nulu kenembombe, Yesus Wali Ondofolole Ro yae bu konayembe. Allahle Roh mare ei anembombe hele.

Kisah 2:4

Nebei ro miyae nemene Allahle Roh yae mekai aumibokera afaeu mahi-mahi huba rawaiboke elewate.

Kisah 3:13

Aei yobe naei kamahe naei ei molowainye Allah, Abrahambe Allah, Ishakle Allah, Yakuble Allah, nebei Allah mbai meke na yebaei bubaei Yesusre buma kaeungeboke. Nebei Yesus mbaibe mayae hombombere kowaubene Pilatusre ikaungele. Pilatus hayennekondere mayae ahi yae elewaube.

Kisah 4:31

Allahre ebeli bainyehike mo, na nekate ijen oinyeu wae hinewole. Nebei yo arilewole nemene Allahle Roh yae maemae koumikoke nane merau Allahle ako faeukore buhae hokoiboi ban mae ro miyaere huwaimi.

Roma 8:9

Nebeibe mai kena u einye Allahle Roh na hele nekendena, mayae bekore kena kaube harayembe elae huluinye wali enekei, nebeibe Allahle Roh yae wembe huluinye wali nekembe. Nane merau Wali Ondofolo yae yeumi Roh kena u einye enekei ro miyae, Wali Ondofolole holona yo ban.

2 Korintus 3:8

Nebei wali heere folaikoke a meke heene Allahle one hengko hehe yae naeungekokebe, nebeibe emekai bele Allahle Roh yae Naei are heteungekoke nibi neme ro miyaere wali himalainyeboke yo yae me baeyeumi ana hului aei kena u einye Allahle hehe naemmele wanen a foi huwemmele.

Efesus 4:30

Mai u mekai beko yae Allahle Rohre kena beko omokonnemae. Nebei Roh yae huba mokoikoi yane mare hole molonembombe iwaube Allah mauwane me nou herauboke.