Yohanes 6:14 - Allahle a neme heteungekoke homofae

¹⁴ Nebei ro miyae rambun emere-emere mokouboke erewatene elate, “Nana hesele nda Kiyae Niyae Allahle yendo kayaalo nda kani kelare mendere elewate Kiyae.”

Yohanes 6:14 ပူးပေါင်းရင်းမြစ်များ

Matius 11:3

Yesusre are enainyehinensindere, “Mendere nulainyekoke Wali Ondofolo Weyae niyae, benen meyae ro hire rakemandere?”

Matius 21:11

Ro miyae yae elate, “Nebei niyae Yesus Galilea kani Nazaret yona yendo kayaalo.”

Lukas 24:19

Yesus yae hineumi, “Rahe rambun?” Hokolo bee yae weinye, “Nebei Nasaret yona ro Yesus. Neyae Allahle yendo kayaalo mbai. Naei a faeu bele Naei me u bele walora Allah na hele ukeunge meke naeise yakaungeboke nane merau ro miyae isaeyaeiboke Neyae Allahlera.

Lukas 7:16

Nebeinya ro miyae fangkengke yae bowate, Allahre buma kolowainye. Nebei yo yae elate, “Yendo kayaalo kaban mbai aei nolone meuwakauboke, Allah Na ro miyaere hakommibonde naeise meke!”

Yohanes 1:21

Neyae benen hinainye, “Nebei wanenna, weyae nde? Allahle yendo kayaalo Elia era?” Nebeibe Yohanes yae weumi, “Niyae ban.” Nebei yo yae benende hinainye, “Weyae Allahle yendo kayaalo kaban mendere meyae rakanne kiyae era?” Nebeibe Yohanes yae weumi, “Niyae ban.”

Yohanes 11:27

Marta yae weunge, “Tuhan, reyae Ware hila rabo halaewale, Weyae Allahle Kelu, Wali Ondofolo nda kani ei kela eise mendere elewate Kiyae.”

Yohanes 2:11

Galilea kanine Kana yone Yesus rambun emere-emere mokowole nolora, nda niyae naei bere hele. Nda iwau wae naei nene waewae yakauboke nane merau Naei moisa orowate yo Nare hila rabo halewate.

Yohanes 4:19

Nda miyae yae weunge, “Tuhan, mana na yaka hele reyae hubanale, na hele Weyae yendo kayaalo na hi niyae.

Yohanes 4:25

Nda miyae yae Yesusre weunge, “Reyae raeisaei nekale Allah yae oro umaufe heraweungeboke ro Wali Ondofolo Kiyae mendere. Neyae mende heena nemene fomene ninae aere yakammekonde.” (Na ro Ibrani afaeunge Mesias.)

Yohanes 4:42

Nebei yona ro miyae nda maengkere wainye, “Meyae hila rabo halaenne weyae uwamae a aerene mo ban. Rabuhine ban menaeijae Naei euwara elewole a borandekokene nane merau maeisaei Neyae nana hesele nda kani kela hole moloiboi naei Ro.”

Yohanes 6:2

Ro miyae helen Yesusle moisa hakainyekoke, rabuhine ban nenaei ijoko yae erewate erana buloona yore onomi iwoumi.

Yohanes 6:26

Yesus yae weumi, “Reyae na helebe wamale, mai mekai ma Rare baeimeyaufe bae Reyae rambun emere-emere mokalere isaeyaeuboke aerene ban, naeinya hesele mayae feu anaukoke uwa raeuboke aerene.

Yohanes 6:30

Nebei yo yae wainye, “Allah ukete mekaere hila rabo halemayetere kena koyaena, rahe rambun emere-emere mokoubondere meyae ijoko eremabonde? Weyae rahebe mokoubonde?

Yohanes 7:40

Yesus yae elewole a borowate nolona ro miyae hiwa yo yae elate, “Wali Ondofolo mende naeise bere holo yae mende yendo kayaalo, nda niyae hele.”

Kisah 7:37

Nda Musa mbai yae Israel ro miyaere uwoumi, ‘Allah yendo kayaalo mbai raeinya wanen ro hi mai nolora wennele mende.’