Yohanes 21:17 - Allahle a neme heteungekoke homofae

¹⁷ Yesus roko name nendobe Petrusre hineunge, “Simon Yohanesle kelu, weyae Rare kena buhae haerae?” Yesus nebei a ma roko name nendo hineungene, Petrus kena beko hele hubaunge. Petrus yae weunge, “Tuhan, nanemene waeisaei bangka mo. Reyae Ware kena buhae haewale naeise waeisaei.” Yesus yae weunge, “Raei domba u mekai wanen ro miyaere raman yeumile.

Yohanes 21:17 ပူးပေါင်းရင်းမြစ်များ

Matius 25:40

“Reyae Ondofolo Kiyae nda yore ufemile, ‘Reyae nana heselebe mare wamale, Rare hila rabore halaeise holona ro miyae me baei ban sele nekende kiyaere foi mokaungebokena, nebei foi mayae Rare mokaufeboke.’

Markus 14:72

Petrus nda a mekai eleukoke heera ojo roko bee nendo koukoke. Petrus nebei hee yae Yesus yae nare ukeunge abe bene nekeungehike, “Ojo roko bee nendo a okoikoi mo, weyae roko name rare oneufekonde a eleukonde.” Petrus nebei abe bene nekeungehikene na kena moheuboke rime rimewole.

Yohanes 12:8

Ro miyae kounga kalona yo mangkele mbainye mo nekemembe, nebeibe Reyae mangkele mo na hibi enekeyei.”

Yohanes 13:38

Yesus yae weunge, “Nana hesele weyae Raei aerene herelere kena koyae? Nebeibe Reyae nda na helebe wawale, ojo mukuu roko name a okoikoi mo, weyae Raei naeise roko name eleukonde, ‘Nare onaenaele.’ ”

Yohanes 14:15

“Mayae kena buhae Rare henselena, Raei wamale a huluinye hakombombe mokombe.

Yohanes 15:10

Maeko weufe are Reyae hubara haeisa yananalene, Maeko Rare kena buhae heufe einye namman nekale. Nebei sului mbai Reyae wamale a hubara haeisa yanennelena, Reyae kena buhaere haemaele ma yae nekemembe.

Yohanes 16:30

Nda hee yae wa meyae isaeyaendeboke Weyae benate rambun waeisaei bangka mo. Ro miyae u bene nekaime rambun Weyae waeisaei mo, erabae nebei ro miyae Ware a ehineikoi. Nebei mekainye Weyae Allahlera mekae naeise na hele yae elande.”

Yohanes 18:27

Petrus benen weumi, “Reyae ban ma.” Nebei haei yae ojo mukuu a koukoke.

Yohanes 18:4

Yesus na uwa ranne benate naeise isaeyeubokene, nebei yo naei bokore yae eunakeleufike mo hineumi, “Mayae ndere baeimeyaunge?”

Yohanes 21:18

Reyae na helebe wawale, hokolo fa nekewoyae hee wa yolu ha wenaeijae ikilewoyae nane merau ele mele makeise makeise waei kena hului yae eyewoyae. Nebeibe rorele meuyeubonde hee hiwa yore wa me neumiyende ha rinenayeikote, weyae kenare okoi anuwaufe yaungayeisote embe.”

Yohanes 4:16

Yesus yae weunge, “Eye, wa molo kaeneungekonde ndare mebe.”

Kisah 1:24

Nebeisa Allahre nda ebeli bainyehike, “Tuhan, ro naei miyae naei kena u ei Weyae waeisaei bangka mo. Waei abu ako mande homora Yudas naei angken nuwei nukeuboke eufereke. Nebeinye Ware bayete, Yudas na u mekai beko mokouboke huluinye ennekende anuwaufe eke a bulure mokondere nda ro bee yarandekokera ro hi eleuboke kiyae maere keleimebo.”

Kisah 11:10

Nebei wanen mbai roko name ereukokale, nemene na hibi kaeuboke yakure ewole.

Kisah 15:8

Ro miyae naei kena einyere royeumi Allah Naei Roh aere ikeume hului mbai nare ikeumi. Nda nibi yaere, meyae isaeyaendeboke Allah nare buhae heumikoke.

2 Korintus 1:12

Maei kena u na ijen naeise weume a yae huweume na bereise mangkele mbainye nekewande hee nane merau nda hee bele meyae na mekai yae nda kani kelane nekeimeyandene, maei uwa kaemale. Allah keleume hului Yesus Naei eleuboke wekeumi holona yo na u mekai ma yae nane merau u bene yolo-yolo ma yae nekewande. Nda kani kelana wali beko nibine orate ro miyae naei isaei hebaen mae ban, nebeibe Allah kena buhae aere ban mae hewoume Kiyae uwoume hului yae nekewande.

Efesus 4:30

Mai u mekai beko yae Allahle Rohre kena beko omokonnemae. Nebei Roh yae huba mokoikoi yane mare hole molonembombe iwaube Allah mauwane me nou herauboke.

1 Petrus 1:6

Na ranna moloukokale aerene mayae rei maibe roukembe, naendae mekai horo nda hee mare u mekai mahi-mahi yae wabayembe hubaunge aerene kena beko u beko kaube era.

2 Petrus 3:1

Aka naei baeke naei, nda homofae bee nendo mare molongkokamale. Nebei homofae beene mai u bene na ijen mae harannele naeise reyae walerembondere relaenale.

Wahyu 2:23

Nebei miyaele kelu omi horekonde. Nebeisa jemaat yoni-yoni isaeinyate Reyae ro miyae naei u bene wa bene na kena u ei bele ereyale Kiyae nane merau mai me u mokaube huluinye Reyae berensombe.

Wahyu 3:19

Nde naei Reyae buhaere haemaele yo a elae ufemile, nane merau wali na mekai keleremile. Nebei aerene mai u bene harannebombe beko yoni-yoni mokaubera uwa olomombombe.