Yohanes 20:17 - Allahle a neme heteungekoke homofae

¹⁷ Yesus yae weunge, “Rare me ikileisemae ba, rabuhine ban Reyae Ako Allahle bokore namman einye. Nebeibe Raei aka baeke wa bokore ele mo nda wanen mae weumile, ‘Raei Maeko mai Arai, Raei Allah mai Allahle bokore erelere.’ ”

Yohanes 20:17 ပူးပေါင်းရင်းမြစ်များ

Matius 12:50

Rabuhine ban nde yae Maeko surgana naei kena kole huluinye hakonde mokonde, nebei kiyae Raei aka baeke wa yae menake naei yae elerekonde.”

Matius 25:40

“Reyae Ondofolo Kiyae nda yore ufemile, ‘Reyae nana heselebe mare wamale, Rare hila rabore halaeise holona ro miyae me baei ban sele nekende kiyaere foi mokaungebokena, nebei foi mayae Rare mokaufeboke.’

Matius 28:7

Nda hee u hale yae embe, na moisa orowate yore wemmile, ‘Neyae nulu yo mahe yora aunguke, bere holo yae Galilea yore ende. Mayae nebeinye ennerembombe.’ Nda a Neyae ukeufebe reyae wamale.”

Markus 12:26

Na hibi ro miyae herewate yo benen walemmile naei, Allahle Yendo Kayaalo Musa homone moloukoke mayae okoikoinye? Nebei homone isa folon i bewole reufira Allah a uwounge, ‘Reyae Abrahambe Allah, Ishakle Allah, Yakuble Allah yeubokale.’

Markus 16:19

Aei Tuhan Kiyae, Yesus, a weumikoke baeufokera, surgare raneuweke ewole, Allahle meube reufine eunguweuboke.

Lukas 10:4

Malo huba, bekangke, oro mehau, ma mene yaroi eijae mo. Nibi nolone embena, ro hi miyae hire ro emelaeyeijae mo.

Yohanes 13:1

Paskah raman bulau nobeungeboke hee Yesus naeisaei yeuboke nda kani kela nukembonde Naekole bokore ende hee na hului yeuboke. Naei holona ro miyaere nda kani kelana nekate yore kena buhae u buhae nekai sele hewoumi nane merau na hibi mo Naei herende yare kena buhae heumiyeumi.

Yohanes 13:3

Yesus naeisaei Naeko yae rambun nemene fomene Naei me kelee u keleene kinyeungekoke. Nane merau Neyae Allahlera nda kani kelare meke benen bukensinde Allahle bokore yae ende naeise Yesus naeisaei.

Yohanes 14:2

Maekole imae ei obe ei nekei-nekei anuwau helen ekaisonate. Nebei anuwau u yae rahe londe Reyae a yaka faeu yaka yae mare wemele? Mayae ennekembe anuwau mokoisaise Reyae Maekole bokore erelere.

Yohanes 14:28

“Mayae borowaube Reyae nda abe uwamale, Reyae erele nebeibe mai bokore berehonde merele. Mayae na hele Rare kena buhae henselena, Reyae nda hee Ako Allahle bokore erelerene mayae rei mai engkombe, rabuhine ban Ako Allah buma reufina, Reyae ana.

Yohanes 14:6

Yesus yae weumi, “Reyae Allahle bokore eke nibi Kiyae bele na hele no wali no. Ro miyae Raei walora mo Ako Allahre ronainyebonde, nibi hi u hele.

Yohanes 16:28

Reyae Maekole bokora nda kani kela eise mekale. Nda hee Reyae nda kani kela nukerebonde, mekale anuwau Maekole bokore benen berehonde erelere.”

Yohanes 17:11

Nda hee Reyae nda kani kelara Waei bokore erelere, Rare kinyewarae holona ndane nukeremibonde nekenatere. Arai nene waewae bele Kiyae, nebei ro miyaere Waei Ro walora ei haweumile. Waei Ro eisa elae Weyae Rare ikaerae. Wangkele Rangkele mbainye nekende wanen nebei holona yo mbaise nekenate naeise Waei Ro eisa elae yae ei haweumile.

Yohanes 17:25

Arai, Weyae wali himaloungeboke Kiyae nda kani kelana wali beko nibine orate ro miyae Ware oroiboibe, nebeibe Reyae Ware rore roubokawale. Nda ro miyae isaeyaeiboke Arai Weyae nda kani kelare ukarae mekale.

Yohanes 17:5

Arai, nda kani kela omokoi heene Waei bene Reyae nene waewae bele hebewale. Nda hee Wa kendan wameran bene nebei nene waewae mbai bele yae buma kaeisebo.

Yohanes 20:27

Nebeisa Yesus yae Tomasre weunge, “Nda Raei me niyae ereibo, waei me kala-kala neinye, nane merau waei me kala-kala kelengkera neinye. Nebei nibi yaere weyae ame-ame yae elei, na hele yae mo elele.”

Yohanes 7:33

Yesus yae weumi, “Reyae na heki ban sele mangkele nanembainye nekemakonde. Nebeisa Maeko ukeufe mekale Kiyaele bokore bukerehinde erele.

Roma 8:29

Wali Ondofolore hakonainyele ro miyaere Allah na beme fomona ro roumiboke, nane merau a hokoukoke Na aka baeke u nolo u kainye Naei Hina Fa Hoi Fa na bena Kiyaere yembonde naeise, Nare hakonainyele ro miyae Na Hina Fa Hoi Fa u mekai wanende inyaibonde.

2 Korintus 6:18

“Tuhan Elaelo Wakelo a eleukoke, ‘Reyae mai Akore isebonde, mayae Raei kelu omire yembombe.’ ”

Galatia 3:26

Yesus Wali Ondofolo Naei a elelere hila rabo halaeunge walora, mayae Allahle kelu omire yaeukoke.

Ibrani 11:16

Nebeibe nebei ro miyae kena haehae hele yo yan mbai naei foi sele kiyae, surgana yo foi yan foi niyae. Naei elewole are hakowainyene, nebei ro miyae naei Allah yae enainyeronde naeise Allah fe okoi. Nda holonare Allah yo foi yan foi mbai mokoungehake.

Ibrani 8:10

Bena ya mendene, Reyae nda wali himalainyeboke yo yae me baeremile nibi Israel ro miyaere a heteremikonde. Nebei yo naei u bene wa bene einye Raeinya wali heere foloukokale are haufemile nane merau naei kena u einye nebei a eremolongkonde. Reyae naei Allahre isebonde, nebei yo Raei ro miyaere inyaibonde.

1 Petrus 1:3

Allah aei Tuhan Yesus Wali Ondofolole Akore bumane kaemanende, rabuhine ban Neyae nda nibi yae aere yanekoi yase yae ei hawewoume: Yesus Wali Ondofolo ro miyae herewate nolora aunguke walora mokoumeboke aei kena ure benen neme honoumekoke. Nebei aerene aei wali nekande yae wali hena bona emayaronde naei bele Allah yae rambun foi yoni-yoni mokoungehake naei belere eyae rabo elae halaende. Nebei rambun yoni-yoni kakare eyeiboi, bekore eijeiboi, ure eyeiboi, nane merau mai naeise surgane koloukoke ekaisonate.

1 Yohanes 3:2

Kena buhaere haemale aka baeke, eyae nda hee Allahle kelu omire yaendebokebe, nebeibe aei uwa ma enaibende yoni-yoni namman foi yae isaeyeiboi nekande. Eyae aeisaei Yesus Wali Ondofolo mende heene eyae Naei uwa wanen mae imabonde, rabuhine ban Naei uwa hele kiteungebokere aei ijoko hele yae eremande.

Wahyu 21:3

Nebeisa reyae borale nebei kendan wameranda a kaban don mae kaenele, “Eren, nda hee Allah nekele anuwau ro miyae nolone hebele. Allah ro miyae bele wali nanembainye nekenate. Nebei yo Allahle holona ro miyaere inyaibonde, nane merau Allah nebei yo naei Allahre yembonde.

Wahyu 21:7

Ro miyae nde beko hubanainyelebe, nebeibe na hibi-hibi Raei wali nibine oronayende yo nebei rambun nanemene Reyae eremiwahende. Reyae naei Allahre isebonde, neyae Raei kelu omire inyaibonde.