Yohanes 20:15 - Allahle a neme heteungekoke homofae

¹⁵ Yesus yae weunge, “Ana, rahene weyae rimeyae? Ndebe weyae baenae?” Maria yae u bene nekewainye heke kayaa ro yae eleukokene weunge, “Arai, weyae nda anuwaufa here no rokae a hine eitaufikaena, rare weise makeinye weyae eungenekae. Reyae nebei anuwaufa eitoufele.”

Yohanes 20:15 ပူးပေါင်းရင်းမြစ်များ

Matius 12:34

Mayae rami holona wanen ro miyae yaeuboke. Mai u mekai beko nolone nekeimeyaubene, mayae a foi faeu foise eleikoi sului! Rabuhine ban mai kena beko u beko eisa are faeufe elaube.

Matius 28:5

Nebei miyae beere malaikat yae weumi, “Mayae buhae ohokoijae! Reyae raeisaei Yesus ohaline baikoke Kiyaebe mayae baeimeyaunge.

Markus 16:6

Nda kiyae weumi, “Buhae ohokoijae. Reyae raeisaei Yesus Nazaret yona ro ohaline baikokebe mayae baeimeyaunge. Neyae oloo, herekera aunguke! Erembo, nda na uware nekainyele anuwau niyae!

Lukas 2:44

Neyae elete Yesus nda ro helen miyae helen nolona mande ya. Ekate nibi nolone ya mbai yeuboke yae wa nebeisa baeinyekoke, ro nolo miyae nolore, na aka nolo baeke nolore, baei-baei baewoinye.

Lukas 24:5

Nebei miyae maengke fe hele yaroumikokene na be kanire bekate. Hebate wa, nda ro bee nebei yore a weimi, “Rahene mayae wali bele nekele ro herewate yo nolore yae baeyaunge?

Yohanes 1:38

Yesus ereumi hokolo bee na moisa hakoinyekoke metene, euweke mo hineumi, “Mayae rahebe baeimeyeube?” Hokolo bee yae weinye, “Rabi (na mekai, Guru), Weyae makeinye nekeyae?”

Yohanes 18:4

Yesus na uwa ranne benate naeise isaeyeubokene, nebei yo naei bokore yae eunakeleufike mo hineumi, “Mayae ndere baeimeyaunge?”

Yohanes 18:7

Benen Yesus hineumi, “Mayae ndebe baeimeyaunge?” Nane yo yae wainye, “Yesus, Nazaret yona ro.”

Yohanes 20:13

Nebei malaikat bee yae hineinye, “Ana, rahene rimeyae?” Maria yae malaikat beere weumi, “Raei Tuhanbe nda bulei eisa roukate. Reyae isian makeinye ainyeneke ban.”