Yohanes 2:24 - Allahle a neme heteungekoke homofae

²⁴ Nebeibe Yesus yae bae nebei ro miyae naei a elatere rabore ehalei sului, rabuhine ban ro helen miyae helen naei u mekai ame-amere roumibokene.

Yohanes 2:24 ပူးပေါင်းရင်းမြစ်များ

Matius 9:4

Nebei yo na u benera hayaeinye a Yesus isaeyeubokene weumi, “Mai kena u einye a na hele ban elaube!

Markus 2:8

Na kena eisa elate a Yesus na hibi isaeyeubokene weumi, “Mai kena u einye a na hele ban elaube!

Yohanes 1:42

Andreas yae Simon Petrusre yaweungehoke Yesusle bokore ekete. Yesus Simonde ereungekoke wa weunge, “Weyae Simon, Yohanesle kelu, mana yara ware Kefas yae ro ronayewete” (Kefas Aram afaeunge nanembai Petrus Yunani afaeunge bele. Kefas bele Petrus bele na mekai ruka).

Yohanes 16:30

Nda hee yae wa meyae isaeyaendeboke Weyae benate rambun waeisaei bangka mo. Ro miyae u bene nekaime rambun Weyae waeisaei mo, erabae nebei ro miyae Ware a ehineikoi. Nebei mekainye Weyae Allahlera mekae naeise na hele yae elande.”

Yohanes 21:17

Yesus roko name nendobe Petrusre hineunge, “Simon Yohanesle kelu, weyae Rare kena buhae haerae?” Yesus nebei a ma roko name nendo hineungene, Petrus kena beko hele hubaunge. Petrus yae weunge, “Tuhan, nanemene waeisaei bangka mo. Reyae Ware kena buhae haewale naeise waeisaei.” Yesus yae weunge, “Raei domba u mekai wanen ro miyaere raman yeumile.

Yohanes 4:16

Yesus yae weunge, “Eye, wa molo kaeneungekonde ndare mebe.”

Yohanes 5:42

Nebeibe mai uwa naeise Reyae rombokamale. Mai kena ei u einye mayae Allahre kena buhae ehei.

Yohanes 6:15

Ro miyae helen Yesusre Ondofolore ranenaijende merau kolowainyelebe Yesus isaeyeubokene, na u mbai aloungekoke elure ewole.

Yohanes 6:64

Nebeibe mai holona hiwa yo nda a elalere na helere eleikoi.” Rabuhine ban Yesus na bemere isaeyeuboke nde naei Nare hila rabo ehalei yo bele nde yae kelai nenende kiyae bele.

Kisah 1:24

Nebeisa Allahre nda ebeli bainyehike, “Tuhan, ro naei miyae naei kena u ei Weyae waeisaei bangka mo. Waei abu ako mande homora Yudas naei angken nuwei nukeuboke eufereke. Nebeinye Ware bayete, Yudas na u mekai beko mokouboke huluinye ennekende anuwaufe eke a bulure mokondere nda ro bee yarandekokera ro hi eleuboke kiyae maere keleimebo.”

Kisah 15:8

Ro miyae naei kena einyere royeumi Allah Naei Roh aere ikeume hului mbai nare ikeumi. Nda nibi yaere, meyae isaeyaendeboke Allah nare buhae heumikoke.

Ibrani 4:13

Allah yae mokouboke rambun yoni-yoni mbai sambai Allahle ijoko bera enundeiboi. Allah aei wali naeise wo emangkonde Kiyae Na ro be ro yoinye nanemene wewe molaiboke, a yaka yaeiboke.

Wahyu 2:23

Nebei miyaele kelu omi horekonde. Nebeisa jemaat yoni-yoni isaeinyate Reyae ro miyae naei u bene wa bene na kena u ei bele ereyale Kiyae nane merau mai me u mokaube huluinye Reyae berensombe.